डिभी सर्भर बन्द हुँदा पनि असुली जारी

सोमबार, ३० असोज २०७४, ०८ : ०५ अर्जुन तामाङ


काठमाडौं – सन् २०१९ का लागि अमेरिकाले खुला गरेको इडिभी (इलेक्ट्रोनिक्स डाइभर्सिटी भिसा) को लागि आवेदन भर्ने अनलाइन साइट (डिभी लोटरी डट स्टेट डट जिओभी) असोज २४ देखि नखुले पनि नेपालका कन्सलटेन्सीहरुले आफूखुसी फर्म भर्दै सर्वसाधारणबाट करोडौं रकम असुलिरहेका छन्। 

इडिभिको आधिकारिक साइट डाउन भएको एक साता पुगे पनि कन्सलटेन्सीहरुले पछि साइड खुला हुने आश्वासन दिँदै सर्वसाधारणलाई फर्म भराएर रकम लिइरहेका छन्।  

राजधानीको व्यापारिक केन्द्र न्युरोडको खिचापोखरीस्थित इ–स्पट नेपालले अहिले इडिभीको साइट डाउन भएपछि पनि दैनिक दुई सयजनाको फर्म भर्दै आइरहेको छ । यसका सञ्चालक राकेश वैद्यसँग सम्पर्क गर्न खोज्दा उक्त कन्सल्टेन्सीका काउन्सिलर बिज्रु मल्लले भेट्न नमिल्ने बताइन्। 

‘इडिभीको सर्भर डाउन भए पनि फर्म भरेका छौं । १९ देखि २१ अक्टोबरमा साइट खुल्ने कुरा छ । यसपछि हामी इन्ट्री गरिदिन्छौं,’ उनले नागरिकसँग भनिन्, ‘हामीले क्लियर भनेका छौं, सर्भर खुलेपछि भरिदिन्छौं । आवश्यक शुल्क लिएका छौं ।’ उनले साइट नखुले पैसा फिर्ता दिने, नदिनेबारे भने खुलेर बताइनन्। 

यसले एकजनाको इडिभी फर्म भर्दा दुई सय ५० रुपैयाँ लिने गरेको छ । परिवारको हकमा संख्याको आधारमा ६ सय रुपैयाँसम्म शुल्क लिँदै आएको छ । यसले न्युरोडका साथै टंगाल, कुमारीपाटी लगायत ठाउँमा इडिभी भर्ने कक्ष सञ्चालन गरिरहेको छ । इ–स्पटले डिभी फर्म भर्दा केही नियम परिवर्तन भएको भन्दै आफूले परिवर्तित नियम अनुसार फारम भरिदिने बहानामा सर्वसाधारणलाई झुक्याएको छ । जबकि दूतावासले डिभी भर्दाको नियममा यस वर्ष कुनै पनि परिवर्तन नभएको जनाइसकेको छ । सन् २०१९ को इडिभी फर्म असोज १८ मा खुलेको थियो । तर, एक महिना अघिदेखिनै यी कन्सल्टेन्सीहरुले बुकिङको नाममा सर्वसाधारणसँग दुई सय ५० देखि पाँच सय रुपैयाँ लिएर फर्म भर्दै आइरहेका छन् । 
न्युरोडमा रहेको अर्को कन्सल्टेन्सी इ–प्लानेट नेपालका सञ्चालक सुमन थापा मगरले पनि साइट बन्द भएपछि पनि २०१९ को इडिभी फर्म भरिरहेको बताए । प्लानेटले केही वर्षअघिदेखि न्युरोड, चाबहिल, बसुन्धारा, कोटेश्वर, बालाजु, गोंगबु र नेपालगन्जमा समेत कार्यालय राखेर इडिभी  भर्दै आइरहेको छ। 

नेपालमा प्रत्येक वर्ष करिब तीन लाख ५० हजारभन्दा धेरैले डिभी भर्दै आएका छन् । उनीहरुले फर्म भर्दा (परिवारसहित राखेर प्रतिव्यक्ति तीन सयका दरले हिसाब गर्दा ) १० करोड ५० लाख हाराहारी रुपैयाँ संकलन हुन्छ । 
अमेरिकाले सन् २०१९ को डाइभर्सिटी भिसा (डिभी) कार्यक्रमका लागि आवेदन  असोज १८ (४ अक्टोबर) बिहान ९ः३० बजेदेखि खुल्ला गरेको थियो । तर, असोज २४ गते मंगलबार बिहान ७ः१५ देखि साइटको सर्भर डाउन भएको छ । अमेरिकी सरकारको डिपार्टमेन्ट अफ स्टेट ब्युरो अफ कन्सुलर अफेयर्सका अनुसार सर्भर फेरि खुल्ने भएको छ । 
साइटको सीमित क्षमता हुने र क्षमताभन्दा माथि प्रयोगकर्ताले प्रयोग गर्न खोजेकाले वेबसाइटको सर्भरमा प्राविधिक समस्या देखिएको राजदूतावासले जनाएको छ। 

राजदूतावासले १८ अक्टोबर (कात्तिक १ गते) नेपाली समयअनुसार बेलुका ९ः४५ बजेदेखि आवेदन दर्ता गर्न सकिने जानकारी गराएको छ । डाइभर्सिटी आप्रवासी भिसा कार्यक्रम वार्षिक रुपमा अमेरिकी विदेश मन्त्रालयले सञ्चालन गर्ने चिट्ठा हो । यसअन्तर्गत वार्षिक करिब ५० हजार विदेशीलाई अमेरिकाले बर्सेनि आफ्नो मुलुकमा लैजाने गरेको छ । 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...