रुस विश्वकपमा इटाली नछानिने खतरा

आइतबार, २६ कार्तिक २०७४, १० : २५ नागरिक


स्टकहोम- इटालीका प्रशिक्षक जियान पिइरो भेन्टुराले शुक्रबार प्लेअफको पहिलो लेगमा स्विडेनसँग १–० को नतिजामा पराजित भए पनि चार पटकको च्याम्पियन अर्को वर्ष रूसमा हुने विश्वकपलाई छानिने विश्वास व्यक्त गरेका छन् ।
वैकल्पिक खेलाडी ज्याकोब योहान्सनले ६१औं मिनेटमा गरेको एउटै गोल स्विडेनको जितमा निर्णायक बनेपछि इटाली ६० वर्षमा पहिलो पटक विश्वकपलाई नछानिने खतरानजिक पुगेको छ ।
‘खेलाडीहरू ड्रेसिङ रुममा निक्कै रिसाएका थिए । मैले खेलाडीमा जितको भोक देखेको छु । त्यसैले हामी छनोट हुन्छौं भन्नेमा म विश्वस्त छु,’ सोमबार मिलानमा गर या मरको अवस्थामा हुने निर्णायक दोस्रो लेगमा नतिजा उल्टाउनुपर्ने दबाबमा रहेका भेन्टुराले भने, ‘मेरा खेलाडीलाई उनीहरू राम्रो गर्न सक्छन् भन्ने थाहा छ । आजको खेल निक्कै शारीरिक भयो, जहाँ हामीले आश्चर्यजनक नतिजा सामना गर्नुप¥यो । तर दोस्रो लेगमा हामी राम्रो गर्नेछौं ।’
पछिल्लो पटक १९५८ मा स्विडेनमा भएको विश्वकपमा इटाली छनोट हुन असफल भएको थियो । यसपालि छनोटअन्तर्गत समूह ‘जी’ मा स्पेनसँग ३–० को पराजय भोगेको इटाली मेसेडोनियासँग १–१ को बराबरीमा सीमित भएपछि निराशाजनक रूपमा प्लेअफमा धकेलिएको थियो ।
‘अझै ९० मिनेटको खेल बाँकी छ । आजको खेलमा रेफ्रीको प्रदर्शन समग्रमा राम्रो थियो । तर खेल धेरै शारीरिक रूपमा हुन थाल्दा उनले रोक्नुपर्ने थियो,’ युरो २०१६ पछि एन्टोनियो कोन्टेलाई स्थानान्तरण गर्दै इटालियन टोलीको नेतृत्व लिएका भेन्टुराले थपे ।
अन्तराहादेशीय प्लेअफअन्तर्गत एसियाको अस्ट्रेलियाले कन्काकाफको होन्डुरससँग गोलरहित बराबरीमा चित्त बुझाएपछि टोलीको रूस यात्रा पक्का गर्ने अभियान अप्ठेरोमा परेको छ ।
स्ट्राइकर टमी जुरिचले दुवै हाफमा गोलका सुनौला अवसर खेर फालेपछि अस्ट्रेलिया पहिलो लेगमा जित निकाल्न असफल भएको थियो । स्टेडियो ओलम्पिको मेट्रोपोलिटानेमा होन्डुरसको शारीरिक प्रदर्शनमाथि अस्ट्रेलियाले जित हासिल गरे पनि नतिजा निकाल्न नसक्दा टोली बुधबार हुने दोस्रो लेगमा जित हासिल गर्नैपर्ने दबाबमा पुगेको छ ।
अन्तरमहादेशीय प्लेअफअन्तर्गतको अर्को खेलमा न्युजिल्यान्डले घरेलु मैदानमा पेरूसँग गोलरहित बराबरी नतिजा निकाल्यो ।
यसै गरी शुक्रबारै सम्पन्न अफ्रिकी प्लेअफमा अल्जेरिया र मालीले १–१ को बराबरी खेले ।
शुक्रबारै भएका अन्तर्राष्ट्रिय मैत्रीपूर्ण खेलमा विश्व च्याम्पियन जर्मनीलाई इङ्ल्यान्डले गोलरहित बराबरीमा रोकेको छ । उरुग्वे र पोल्यान्डले पनि गोलरहित बराबरी नतिजा निकाल्दा बेल्जियम र मेक्सिकोले ३–३ को बराबरी खेले ।
एन्टोनी ग्रिजम्यान र ओलिभर जिरौडको गोलमा फ्रान्सले वेल्समाथि २–० को जित हासिल गर्दा पोर्चुगलले साउदी अरेबियालाई ३–० को नतिजामा हरायो । पोर्चुगलको जितमा म्यानुअल फर्नान्डेज, गोन्कालो गुइडस र जोआवो मारियोले गोल गरेका थिए ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘शत्रु गते’ र ‘लिलीबिली’को भिडन्त

‘शत्रु गते’ र ‘लिलीबिली’को भिडन्त

निर्देशक प्रदिप भट्टराई निर्देशित फिल्म ‘शत्रु गते’ एनएफडीसी पुरस्कारको सर्वाधिक ८ विधामा मनोनयन भएको छ। ...

मनीषाले सार्वजनिक गरिन्‘मिसिगन ब्लुज’

मनीषाले सार्वजनिक गरिन्‘मिसिगन ब्लुज’

अभिनेत्री मनीषा कोइरालाले लेखक अरुण शर्माको उपन्यास ‘मिसिगन ब्लुज’को लोकार्पण गरेकी छिन्। ...

ज्योति कविता वाचन

कविता वाचनको श्रृंखला ‘ज्योति कविचा वाचन’मा आधा दर्जन कविले कविता सुनाएका छन्। ...

दीपिकालाई रिप्लेस गर्दै आलिया

दीपिकालाई रिप्लेस गर्दै आलिया

छोटो समयमै धाँशु अभिनयको बलले निर्देशकको रोजाइमा पर्दै आएकी अािलया अब सञ्जयलिला भन्सालीको नजरमा परेकी छिन्। ...