प्रदेश ७ : थारू समुदायका ७ निर्वाचित

आइतबार, ०२ पुष २०७४, ०८ : १८ दिलबहादुर छत्याल


धनगढी- प्रदेश ७ मा प्रतिनिधिसभा र प्रदेशसभा प्रत्यक्षतर्फ थारू समुदायका ७ जना निर्वाचित भएका छन् । कञ्चनपुरबाट १ र कैलालीबाट ६ जना चुनिएका हुन् । निर्वाचित हुनेमा प्रतिनिधिसभा सदस्यमा ३ र प्रदेशसभा सदस्यमा ४ जना छन् ।
कैलालीको प्रतिनिधिसभाका ३ क्षेत्रमा थारू उम्मेदवार विजयी भएका छन् । विजयी हुनेमा क्षेत्र नम्बर १ मा राजपाका रेशम चौधरी, क्षेत्र नम्बर ३ मा माओवादी केन्द्रका गौरीशंकर थारू र क्षेत्र नम्बर ५ मा एमालेका नारदमुनि राना छन् ।  
यस्तै कैलालीका १० प्रदेशसभा निर्वाचन क्षेत्रमध्ये ४ क्षेत्रमा थारू उम्मेदवार विजयी भएका छन् । विजयी हुनेमा राजपाका कृष्ण चौधरी (१ क), माओवादी केन्द्रका वीरभान चौधरी (३ क) र एमालेका नेपालु चौधरी (५ क) छन् । कञ्चनपुरको निर्वाचन क्षेत्र १ को प्रदेशसभामा एमालेका कुलवीर चौधरी (१ ख) विजयी भएका छन ।

कैलालीमा थारू समुदायको मत निर्णायक मानिन्छ । थारू समुदायको मत निर्णायक भएकाले ठूला दलहरुले प्रत्येक निर्वाचन क्षेत्रमा थारू उम्मेदवारलाई प्राथमिकतामा राखेका थिए ।
वाम गठबन्धनले ५ निर्वाचन क्षेत्रमध्ये प्रतिनिधिसभा क्षेत्र  नम्बर ३  र ५ मा थारू समुदायलाई उम्मेदवार बनाएको थियो ।  
यसैगरी प्रदेशमा ४ जना उम्मेदवार वाम गठबन्धनका थिए । कैलाली १ मा एमालेका तर्फबाट उम्मेदवार बनाइएका लालवीर चौधरी र नेपबहादुर चौधरी पराजित भए भने २ जनामात्र विजयी भए ।
नेपाली कांग्रेसले प्रतिनिधिसभा सदस्यमा क्षेत्र नम्बर ३ मा रामजनम चौधरीलाई उम्मेदवार बनाएको थियो । कांग्रेसले प्रदेशमा थारू समुदायबाट ५ जना उम्मेदवार बनाएको थियो । कांग्रेसका थारू समुदायबाट उठेका पाँचैजना पराजित भए । प्रदेश ७ मा प्र्रतिनिधिसभामा १६ र प्रदेशसभामा ३२ जना सदस्य प्रत्यक्षतर्फबाट निर्वाचित भएका छन् ।
प्रतिनिधिसभा र प्रदेसशभामा थारू समुदायको प्रतिनिधित्वसँगै जनप्रतिनिधिले थारू अधिकारका पक्षमा अवाज उठाउने थारू कल्याणकारी सभाका पूर्वसभापति प्रभात चौधरी बताउँछन् । ‘निर्वाचित थारू नेताले प्रदेशसभा र प्रतिनिधिसभामा थारूका अधिकार उठाउनेछन्,’ उनले भने ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अस्मिता ‘राइजिङ स्टार’

अस्मिता ‘राइजिङ स्टार’

जधानीको गोल्फुटारस्थित लोयल्टी एकेडेमीमा अध्ययनरत अस्मिता खड्का यो वर्षको ‘राइजिङ स्टार’ विजेता बनेकी छन्। ...

प्रेमध्वजलाई ‘अजर अमर सम्मान’

प्रेमध्वजलाई ‘अजर अमर सम्मान’

गायक तथा संगीतकार प्रेमध्वज प्रधानलाई ‘अजर अमर सम्मान २०७५’ बाट सम्मान गरिने भएको छ । संगीतकार संघ नेपालले शुक्रबार काठमाडौंबाट...

‘प्रेमवाणी’मा मिथुन–आरोही जोडी

‘प्रेमवाणी’मा मिथुन–आरोही जोडी

पछिल्लो समयमा प्रेमकथाका फिल्म बन्ने र रिलिज हुने क्रम बढ्दो छ । यही मेसोमा प्रेमकथाकै कुरा बोल्ने नयाँ फिल्म ‘प्रेमवाणी’को...

बिटुडी र प्रितमलाई एक लाख

बिटुडी र प्रितमलाई एक लाख

आगामी जेठ १८ गतेबाट प्रदर्शनमा आउने फिल्म ‘बेबी आइ लभ यू’को गीत ‘कान्छी मायालु’ गाउने र यसको उत्कृष्ट कभर भिडियो...