राष्ट्रियसभा निर्वाचन

प्रदेश ६मा कार्यालय स्थापना

आइतबार, ३० पुष २०७४, ०८ : ५२ नगेन्द्र उपाध्याय


सुर्खेत – राष्ट्रियसभा निर्वाचनका लागि प्रदेश ६ को प्रदेश स्तरीय निर्वाचन अधिकृतको कार्यालय स्थापना गरिएको छ । माघ २४ गते हुने राष्ट्रियसभा निर्वाचनका लागि शनिबार जिल्ला निर्वाचन कार्यालय सुर्खेतमा निर्वाचन अधिकृतको कार्यालय स्थापना गरिएको हो।

राष्ट्रियसभा निर्वाचनका लागि स्थानीय तहअन्तर्गतका गाउँपालिकाका अध्यक्ष र उपाध्यक्ष, नगरपालिकाका प्रमुख र उपप्रमुख तथा प्रदेशसभाका सदस्य मतदाता हुनेछन् । राष्ट्रियसभाका लागि ६ नम्वर प्रदेशमा एक सय ९८ मतदाता रहनेछन् । निर्वाचन अधिकृत मेदिनीप्रसाद पौडेलका अनुसार ६ नम्वर प्रदेशका २५ नगरपालिकाका ५० नगरप्रमुख तथा उपप्रमुख, ५४ गाउँपालिकाका १ सय ८ अध्यक्ष र उपाध्यक्षका साथै २४ प्रत्यक्ष र १६ समानुपातिक प्रदेश सांसदले आफ्नो मताधिकार प्रयोग गर्न पाउने छन्।

पौडेलका अनुसार ६ नम्बर प्रदेशबाट राष्ट्रियसभाका लागि आठजना निर्वाचित हुनेछन् । तीन खुला, तीन महिला, एक अल्पसंख्यक र एक दलित सदस्य निर्वाचित हुने व्यवस्था छ । खुला, महिला, अल्पसंख्यक र दलितका लागि छुट्टाछुट्टै मतपत्र हुनेछन्।

निर्वाचन अधिृकत कार्यालयले राष्ट्रियसभा निर्वाचनका लागि समयतालिका पनि सार्वजनिक गरेको छ । कार्यतालिका अनुसार माघ ७ गते मतदाता नामावली प्रकाशन गर्नेछ भने सोही दिन प्रकाशित नामावलीमाथि दाबी विरोधका लागि समय दिएको छ । यस्तै, ८ र ९ माघका दिन आयोगले उजुरीउपर छानबिन गरी अन्तिम नामावली प्रकाशित गर्नेछ।

माघ १० गते उम्मेदवारको मनोनयनपत्र दर्ताका लागि आयोगले समय तोकेको छ भने सोही दिन मनोनयनपत्र दर्ता भएका उम्मेदवारको सूची प्रकाशन गरिने छ । ११ र १२ गते मनोनयन दर्ता गरेका उम्मेदवारको विरोधमा उजुरी दिनका लागि समय छुट्याएको छ भने १३ गते उजुरीमाथि अन्तिम निर्णय दिने छ।

कार्यालय स्थापना कार्यक्रममा निर्वाचत अधिकृत पौडेलले लोकतन्त्रमा निर्वाचन प्रणालीको कदर हुने भएकाले राष्ट्रियसभा निर्वाचनलाई स्वच्छ र मर्यादित बनाउन सबैको सहयोगको खाँचो रहेको बताए । कार्यक्रममा प्रमुख जिल्ला अधिकारी सीताराम कार्की, जिल्ला प्रहरी कार्यालय सुर्खेतका प्रमुख प्रहरी उपरीक्षक उमाप्रसाद चतुर्वेदी, नेकपा एमालेका सचिव मोहन बडुवाल, नेपाली कांग्रेसका कोषाध्यक्ष अन्नत पौडेललगायतले बोलेका थिए। 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अस्मिता ‘राइजिङ स्टार’

अस्मिता ‘राइजिङ स्टार’

जधानीको गोल्फुटारस्थित लोयल्टी एकेडेमीमा अध्ययनरत अस्मिता खड्का यो वर्षको ‘राइजिङ स्टार’ विजेता बनेकी छन्। ...

प्रेमध्वजलाई ‘अजर अमर सम्मान’

प्रेमध्वजलाई ‘अजर अमर सम्मान’

गायक तथा संगीतकार प्रेमध्वज प्रधानलाई ‘अजर अमर सम्मान २०७५’ बाट सम्मान गरिने भएको छ । संगीतकार संघ नेपालले शुक्रबार काठमाडौंबाट...

‘प्रेमवाणी’मा मिथुन–आरोही जोडी

‘प्रेमवाणी’मा मिथुन–आरोही जोडी

पछिल्लो समयमा प्रेमकथाका फिल्म बन्ने र रिलिज हुने क्रम बढ्दो छ । यही मेसोमा प्रेमकथाकै कुरा बोल्ने नयाँ फिल्म ‘प्रेमवाणी’को...

बिटुडी र प्रितमलाई एक लाख

बिटुडी र प्रितमलाई एक लाख

आगामी जेठ १८ गतेबाट प्रदर्शनमा आउने फिल्म ‘बेबी आइ लभ यू’को गीत ‘कान्छी मायालु’ गाउने र यसको उत्कृष्ट कभर भिडियो...