खोटाङ आइडलमा टप टेन छानिए

सोमबार, २९ माघ २०७४, ०८ : ५० दमन राई


खोटाङ – खोटाङ आइडलका लागि १० प्रतियोगी छानिएका छन् । अघिल्लो चरणमा रहेका १७ प्रतियोगीमध्ये दिक्तेलको समीक्षालय हलमा शनिबार साँझ सम्पन्न प्रतियोगिताबाट ७ प्रतियोगी बाहिरिएका छन् ।

खोटाङ आइडलको उपाधिका लागि रुपाकोटकी अमिता राई, बुईपाका राजन गिरी, खार्मीका केदार अनुरागी र उमेश राई,  बाम्राङकी सिर्जना राई, खार्ताम्छाका सुमन राई र तेज राई, सिम्पानीकी दीपा राई, साकेलाकी सुजता परियार र दिप्रुङका रोहित राई छानिएको आयोजक आयोजक परिवर्तन नेपालले जनाएको छ । लुकेर रहेका प्रतिभाको पहिचान एवं सम्बद्र्धन गर्ने उद्धेश्यकासाथ नेपाल आइडलको चर्चा सेलाउन नपाउँदै थालिएको खोटाङ आइडलको छैठौं चरण फागुन दोश्रो साता दिक्तेलमै सञ्चालन गरिने आयोजक समितिका संयोजक जीवनकुमार राईले बताए ।

चौथो चरणपछि निर्णायकको ७० प्रतिशत र दर्शकको ३० प्रतिशत भोटिङका आधारमा निर्णयमा पुग्ने प्रतियोगीतामा प्रथम स्थान प्राप्त गर्ने प्रतिभालाई नगद ५४ हजार ५सय ७४ का साथमा ६ महिना संगीत विद्यालयमा अध्ययनको अवसर, एउटा गीत रेकर्डको व्यवस्था तथा ट्रफी प्रदान गरिने आयोजकले जनाएको छ । यस्तै, दोश्रो हुने प्रतिभाले नगद २४ हजार ५ सय ७४ का साथमा ३ महिना संगीत अध्ययन र एउटा गीत रेकर्ड, तथा तेश्रो हुने प्रतिभालाई नगद १० हजार ५ सय ७४ का साथमा एक महिना संगीत अध्ययन र एउटा गीत रेकर्डको अवसर प्रदान गरिने संयोजक राईले बताए । यस्तै, बेस्ट भोकलले नगद २ हजार ५सय ७४ का साथमा प्रमाणपत्र प्राप्त गर्ने छन् । बेलायत, मलेसिया र कतारमा रहेका आफन्तबाट प्राप्त हुने नगदबाट विजेतालाई पुरस्कारको व्यवस्था गरिएको छ ।

गाउँ–गाउँमा लुकेर रहेका गायनका प्रतिभाको पहिचान, सम्द्र्र्धन र प्रोत्साहित गर्ने उद्धेश्यकासाथ सर्वाधिक राशिको खोटाङ आइडल सुरु गरिएको संयोजक राईले बताए । ‘मोफसलमा लुकेका कलाको खोज एवं अवसरबाट वञ्चित नवप्रतिभाको प्रोत्साहनका लागि आइडल सुरु गरेका हौँ,’ संयोजक राईले भने, ‘आइडलमा नवप्रतिभाको उल्लासमय सहभागिता रहेको पाएका छौँ ।’

‘कला र गलाको सम्मान नयाँ प्रतिभाको खोजि हाम्रो अभियान’ भन्ने नारासहित मंसिर २३ गते साकेला गाउँपालिकाको रतन्छाबाट सुरु गरिएको पहिलो अडिसन पुस १८ गते दिक्तेलमा आएर टुंगिएको थियो । जिल्लाका आठ गाउँपालिका र दुई नगरपालिकाका ११ स्थानमा सञ्चालन गरिएको खोटाङ आइडलको पहिलो अडिसनबाट १ सय ६७ प्रतियोगी छानिएका थिए ।

 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

लघु चलचित्र ‘अटुट नाता’ उत्कृष्ट

नेपाली सेनाले आयोजना गरेको लघु चलचित्र प्रतियोगिता २०७४ मा लघु चलचित्र ‘अटुट नाता’ उत्कृष्ट भएको छ । दिप पौडेलले निर्माण...

सलमानपछि ऋतिकसँग दिशा

सलमानपछि ऋतिकसँग दिशा

क्रिकेटर महेन्द्रसिंह धोनीको गर्लफ्रेन्डको रुपमा दुई वर्षअघि दिशा पटानीले बलिउडमा अभिनय यात्रा सुरु गरेकी थिइन् । धोनीको जीवनीमा बनेको ‘एम.एस....

‘आतुङ’ लिएर आइन् अनिता

‘आतुङ’ लिएर आइन् अनिता

कवि अनिता लामा तेस्रो कविता संग्रह ‘आतुङ’ लिएर आएकी छन । काभ्रेको तेमाल मेच्छेमा जन्मेकी अनिताको यो तेस्रो कृति हो...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...