जियालाई रिहा गर्न माग गर्दै हजारौंको प्रदर्शन

मङ्गलबार, ०१ फागुन २०७४, ०८ : ३९ एजेन्सी


ढाका – भ्रष्टाचारको अभियोगमा थुनामा रहेकी प्रतिपक्षी दलकी नेत्री तथा पूर्वप्रधानमन्त्री खालिदा जियाको रिहाइको माग गर्दै बंगलादेशका विभिन्न सहरमा सोमबार प्रदर्शन भएका छन् ।

 करिब १५ करोड जनसंख्या भएको बंगलादेशमा दुई पटकसम्म प्रधानमन्त्री रहेकी जियालाई बालबालिकासम्बन्धी एउटा परोपकारी कोषलाई दिइएको अन्तर्राष्ट्रिय सहयोग हिनामिना गरेको अभियोगमा गत साता विशेष अदालतले दोषी ठहर गर्दै पाँच वर्षको कैद सजाय तोकेलगत्तै जेल चलान गरिएको थियो ।

उनका समर्थकले भने अदालतको उक्त निर्णय राजनीतिबाट प्रेरित रहेकाले आदेश मान्न नसक्ने बताउँदै उनको रिहाइको माग गरेका छन् ।  बंगलादेश नेस्नालिस्ट पार्टी (बिएनपी)ले जियाविरुद्ध विशेष अदालतले गत साता गरेको फैसलामा पुनरावेदन गर्ने अपेक्षा गरिएको छ । जियाविरुद्ध अदालतबाट भएको निर्णयले आगामी डिसेम्बर महिनामा हुनेगरी तय भएको संसदीय निर्वाचनमा बिएनपीलाई ठूलो धक्का पुग्ने अनुमान गरिएको छ ।

 बिएनपी समर्थक हजारौं नागरिकले ढाकास्थित जेलमा रहेकी जियाको रिहाइको पक्षमा देशैभर प्रदर्शन गरेको समाचार एजेन्सी एएफपीले जनाएको छ ।
 ‘हामी जियाको तत्काल रिहाइ र स्वच्छ तथा निष्पक्ष निर्वाचनको माग गर्दछौं,’ बिएनपी महासचिव फाखरुल इस्लाम अलामगिरले नेसनल प्रेस क्लब ढाकामा आयोजित विरोध कार्यक्रममा करिब पाँच हजार प्रदर्शनकारीबीच बताए ।

७२ बर्षीया जियाविरुद्धको फैसलामा पुनरावेदन भएमा उनी धरौटीमा रिहा हुने अपेक्षा गरिएको छ । तर उनलाई सत्ताधारी दलले अन्य आरोपमा पुनः पक्राउ गरी उनको ख्यातीमा दाग लगाउने खेल हुनसक्ने विपक्षी दलका समर्थकबीच भय रहेको एएफपीले जनाएको छ । जियाविरुद्ध दर्जनौं अपराध तथा भ्रष्टचारका अभियोग  लगाइएका छन् ।
उनीविरुद्ध लागेका अन्य मुद्दाका कारण उनले सन् २०१४ को निर्वाचनमा पनि सहभागी हुन पाएकी थिइनन् । त्यसबेला पनि उनको समर्थनमा बंगलादेशका विभिन्न क्षेत्रमा प्रदर्शन भएका थिए ।

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...

भ्यान गगलाई सृष्टिको सम्मान

भ्यान गगलाई सृष्टिको सम्मान

नेदरल्यान्डमा जन्मिएका महान् चित्रकार भिन्सेन्ट भ्यान गगलाई समर्पण गर्दै फिल्म ‘रोमियो एन्ड मुना’ले गीत सार्वजनिक गरेको छ। फिल्मले भ्यान गगका...