कृषि विकास बैंकको २०% बोनस सेयर

मङ्गलबार, ०१ फागुन २०७४, ०८ : ५२ नागरिक


काठमाडौं – कृषि विकास बैंकले सेयरधनीलाई २० प्रतिशत बोनस सेयर तथा १.०५३ प्रतिशत नगद लाभांश (कर प्रयोजनका लागि) दिने प्रस्ताव पारित गरेको छ । सोमबार सम्पन्न बैंकको ११औं वार्षिक साधारणसभाले कम्पनीको सञ्चालक समितिको उक्त प्रस्ताव पारित गरेको हो।

सभाले पारित गरेबमोजिम बैंकले आव ०७३–७४ को मुनाफाबाट आफ्ना साधारण सेयरधनीलाई २० प्रतिशत बोनस सेयर र कर प्रयोजनका लागि १.०५३ प्रतिशत नगद लाभांश गरी सो मात्राको लाभांश दिने भएको छ । त्यस्तै नेपाल सरकारको अग्राधिकार सेयरमा समेत तोकिए बमोजिम ६ प्रतिशत नगद लाभांश दिने प्रस्ताव साधारण सभाबाट स्वीकृत भएको छ।

जसअन्तर्गत बैंकले ०७४ असार मसान्तमा कायम रहेको नेपाल सरकारको अग्राधिकार सेयर पाँच अर्ब ४३ करोड २७ लाख १२ हजार रुपैयाँलाई वार्षिक ६ प्रतिशतले हुने रकम ३२ करोड ५९ लाख ६२ हजार ७२० रुपैयाँ नगद लाभांश दिने भएको छ।

हाल बैंकको साधारण सेयर चुक्ता पुँजी सात अर्ब आठ करोड रुपैयाँ रहेको छ । जसमा २० प्रतिशत बोनस सेयरवापत एक अर्ब ४१ करोड र कर प्रयोजनका लागि १.०५३ प्रतिशतले हुने सात करोड ४६ लाख रुपैयाँ नगद लाभांश वितरण गर्ने प्रस्ताव सभाबाट पारित भएको हो।

हाल बैंकको नेपाल सरकारको अविमोच्य अग्राधिकार सेयर पुँजी पाँच अर्ब ४३ करोड गरी चुक्ता पुँजी १२ अर्ब ५२ करोड रुपैयाँ कायम रहेको छ । २० प्रतिशत बोनसपछि बैंकको चुक्ता पुँजी १३ अर्ब ९३ करोड रुपैयाँ पुग्ने छ भने साधारण चुक्ता पुँजी आठ अर्ब ५० करोड रुपैयाँ पुग्ने बैंकद्वारा जारी विज्ञप्तिमा उल्लेख छ।

गत पुस मसान्तसम्ममा बैंकको निक्षेप रकम ९८ अर्ब १७ करोड ३४ लाख र कर्जा ९७ अर्ब १५ करोड रुपैयाँ रहेको थियो । सो अवधिसम्ममा बैंकले एक अर्ब दुई करोड रुपैयाँ नाफा आर्जन गरेको थियो । आव ०७३÷७४ मा कुल कर्जामा निष्कृय कर्जाको अंश ४.६० रहेकामा गत पुस महिनामा कुल कर्जामा निष्कृय कर्जाको अंश ३.९५ प्रतिशत कायम रहेको बैंकले जनाएको छ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

लघु चलचित्र ‘अटुट नाता’ उत्कृष्ट

नेपाली सेनाले आयोजना गरेको लघु चलचित्र प्रतियोगिता २०७४ मा लघु चलचित्र ‘अटुट नाता’ उत्कृष्ट भएको छ । दिप पौडेलले निर्माण...

सलमानपछि ऋतिकसँग दिशा

सलमानपछि ऋतिकसँग दिशा

क्रिकेटर महेन्द्रसिंह धोनीको गर्लफ्रेन्डको रुपमा दुई वर्षअघि दिशा पटानीले बलिउडमा अभिनय यात्रा सुरु गरेकी थिइन् । धोनीको जीवनीमा बनेको ‘एम.एस....

‘आतुङ’ लिएर आइन् अनिता

‘आतुङ’ लिएर आइन् अनिता

कवि अनिता लामा तेस्रो कविता संग्रह ‘आतुङ’ लिएर आएकी छन । काभ्रेको तेमाल मेच्छेमा जन्मेकी अनिताको यो तेस्रो कृति हो...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...