सिमरा गोल्डकप : संकटालाई हराउँदै वीरगञ्ज सेमीफाइनलमा

मङ्गलबार, ०१ फागुन २०७४, २१ : २९ उपेन्द्र यादव


बारा – संकटा क्लबलाई पराजित गर्दै वीरगञ्ज युनाइटेड क्लब रुस्लान नवौं सिमरा गोल्डकप फुटबलको सेमीफाइनलमा प्रवेश गरेको छ। सिमरा रंगशालामा मंगलबार भएको खेलमा डिफेण्डिङ च्याम्पियन संकटा क्लबलाई  ०–१ गोल अन्तरले पराजित गर्दै वीरगञ्ज युनाइटेडले सेमीफाइनल सम्मको यात्रा तय गरेको हो।

खेलको १६ औं मिनटमा अमर डंगोलले गरेको एकमात्र गोल वीरगन्जको जितको लागि  निर्णायक बन्यो। विशाल राईको प्रहार संकटाका गोलरक्षक विनय श्रेष्ठले सम्हाल्न नसक्दा रिवाउण्ड बललाई डंगोलले गोलमा परिणत गरेका थिए। 

पहिलो हाफमा सम्हालिन नसकेको संकटा खेलको शुरुवातमै १–० ले पछि परेपछि वीरगञ्जले झन आक्रामक खेल खेलेको थियो। झण्डै ७ हजार घरेलु दर्शकको समर्थन पाएको वीरगञ्ज यूनाईटेडले पहिलो हाफमा संकटालाई दवावमा राख्यो। 

दोश्रो हाफमा लयमा फर्किएको संकटाले थुप्रै अवसर पाएपनि सदुपयोग गर्न नसक्दा क्वाटरफाईनलमै चित्त बुझाउन बाध्य भएको छ। वीरगञ्ज यूनाईटेडको जितमा निर्णायक गोल गरेका कप्तान अमर डंगोल खेलको २४ औं मिनटमा घाइते हुँदै मैदानबाट बाहिरीएका थिए। डंगोलले सेमिफाईनल समेत गुमाउन सक्ने वीरगञ्ज यूनाईटेडका प्रशिक्षक सुलभ जंग राणाले बताए। उनको खुट्टामा चोट लागेको छ। 

खेलको म्यान अफ दि म्याच वीरगञ्ज यूनाईटेड क्लबका निशान लिम्बु घोषित भए। वीरगञ्ज यूनाईटेडको जीतसंगै सिमरा गोल्डकपको सेमिफाईनल समिकरण पुरा भएको छ। फाईनल प्रवेशका लागि वीरगञ्ज यूनाईटेडले विहिबार त्रिभूवन आर्मी क्लबको सामना गर्नेछ। बुधबार हुने पहिलो सेमिफाइनलमा रुस्लान थ्रिस्टार क्लबले मोरङ फुटबल क्लब विराटनगरसंग प्रतिस्पर्धा गर्नेछ। 

पराजयपछि साविक विजेता संकटाका प्रशिक्षक सल्यान खड्गीले टिम सेट नहुँदै खाएको गोल फर्काउन नसक्नु टिमका लागि दुर्भाग्य भएको बताए। पहिलो हाफमा गोल खाएपनि दोश्रो हाफमा थुप्रै अवसर गुमाएका कारण पराजय भोग्नु परेको बताए। पहिलो हाफमा खेलाडीबीच आपसी तालमेलको अभाव भएपनि दोश्रो हाफको प्रदर्शन सन्तोषजनक रहेको खड्गीले बताए। 

वीरगञ्ज यूनाईटेडका प्रशिक्षक सुलभजंग राणाले संकटा जस्तो शक्तिशाली टिमलाई पराजित गर्न गर्न सक्नु आफूहरुका लागि सुखद अवसर भएको बताए। टिमको जितमा निर्णायक गोल गरेका कप्तान डंगोल घाइते हुँदै मैदान बाहिरिएपछि दोश्रो हाफमा फिनिसिङ कमजोर देखिएको राणाले बताए।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

धेरै सफल, थोरै असफल

धेरै सफल, थोरै असफल

राजधानीमा जारी राष्ट्रिय कला प्रदर्शनीले यतिबेला मिश्रित चर्चा पाइरहेको छ । नेपाल कलापरिषदमा जारी कला प्रदर्शनीमा राम्रा पक्षहरूको पारखीहरूले प्रशंसा...

भूकम्पको असर देखाउने ‘द डार्कनेस बेकन’

भूकम्पको असर देखाउने ‘द डार्कनेस बेकन’

तीन वर्ष अघिको बिनाशकारी भूकम्पपछि सिन्धुपाल्चोककी एक बालिकाको जीवनमा आएको उतारचढावलाई प्रमुख विषय बनाएर निर्माण गरिएको फिल्म ‘द डार्कनेस बेकन’को...

सर्वनाममा ‘परिवन्द’

सर्वनाममा ‘परिवन्द’

राजधानीको कालिकास्थानमा रहेको सर्वनाम नाटकघरमा हाल नाटक ‘परिवन्द’ धमाधम मञ्चन भईरहेको छ । नेपालको पूर्वी पहाडको ग्रामीण भेगको कथा प्रस्तुत...

खगेन्द्रको ‘डण्डिबियो’ फ्ल्यासब्याक

खगेन्द्रको ‘डण्डिबियो’ फ्ल्यासब्याक

स्याङ्जामा जन्मिएर त्यही हुर्किएका अभिनेता खगेन्द्र लामिछानेले कक्षा ५ सम्म पढ्दा डण्डिबियो राम्रैसँग खेले । नेपालकै राष्ट्रिय खेलका रुपमा सरकारले...