बजेट अभावले पुल निर्माण अलपत्र

मङ्गलबार, २२ फागुन २०७४, १५ : ३२ अर्जुन ओली


नेपालगन्ज – बाँकेको राप्तीसोनारी–४ बैजापुरस्थित मोरङ्गा खोलाको निर्माणाधिन पुल विगत ८ महिनादेखी ठप्प छ। ३ वर्षभित्र निर्माण सम्पन्न गर्ने गरी काम सुरू गरेको सपना मित्र संजिवनी गाल्वा जोभी नामक ठेकेदार कम्पनीले चालु आर्थिक वर्षको सुरूवातदेखी काम रोकेको हो।

गत आर्थिक वर्षबाट निर्माण सुरु भएको पुल निर्माणको काम ठप्प भएपछि जनप्रतिनिधि र स्थानीय बासिन्दाले जिल्ला प्रशासन, सडक डिभिजन लगायत विभिन्न निकाय धाइरहेका छन्। तरपनि, ठेकेदारले काम सरू गर्न अटेरी गरिरहेको छन्।

स्थानीय बासिन्दा एंव पूर्व सभासद पट्टु थारुले पुल निर्माणको काम ठप्प हुँदा तोकिएको समयभित्र निर्माण सम्पन्न हुन नसक्ने चिन्ता प्रकट गरे। ‘पोहोरसाल त ठेकेदारले ठिकै काम गरेका थिए, यसवर्ष त काम पुरै ठप्प छ, यो हिसाबले तोकिएको समयभित्र काम सकिनेमा शंका छ,’ उनले भने।

सरकारले एकातिर सबै स्थानीय तहलाई सडकसञ्जालसँग जोड्ने योजना अगाडि सारेको छ, अर्कोतिर भने समयमै बजेटको अख्तियारी नहँुनु, ठेक्का सम्झौता ढिलो हुँनु र सम्झौता भएपनि ठेकेदारले काममा ढिलासुस्ती गर्ने प्रवृति यथावत छ। मोरङ्गा खोलामा निर्माणाधिन पुल भने ठेकेदारको ढिलासुस्तीकै कारण अलपत्र परेको  हो। उक्त पुल बनेपछि जिल्लाको अगैया–बैजापुर हुँदै सदरमुकाम नेपालगन्जसम्म छोटो दुरीमै आवत–जावत गर्न सहज हुँने स्थानीय बासिन्दा बताउँछन्। खोलामा पुल नभएका कारण सडक भरपर्दो नभएको र बर्खायामको समयमा नेपालगन्जसँग सिधा सम्पर्क बिच्छेद हुँने गरेको स्थानीय बासिन्दा हुमाशंकर ओलीले बताए। पुल नहुँदा बर्खायाममा जोखिमपूर्ण रुपमा खोला तर्नुपर्ने बाध्यता समेत रहेको उनले सुनाए।

‘बाँके र बर्दियामा निर्माणाधिन झण्डै एक दर्जनबढी पुलको हालत उस्तै छ। बहुवर्षे योजना अन्तर्गत रहेका अधिकांश पुल निर्माणको कामलाई ठेकेदारले तोकिएको समयभित्र सम्पन्न गर्नेमा सडक डिभिजन कार्यालयका अधिकारी समेत ढुक्क छैनन्।’

पुल निर्माणको काम अगाडि बढाउन पहल गरिदिन स्थानीय बासिन्दासहित प्रदेश सभा सदस्य कृष्णा केसी ‘नमुना’ ले दुई दिनअघि सडक डिभिजन कार्यालय, ठेकेदार कम्पनी लगायतको ध्यानाकर्षण गराईन्। त्यसक्रममा ठेकेदार नरहरी थपलियाले १५ दिनभित्र प्रत्यक्ष देखिने गरी काम गर्ने प्रतिवद्धता जनाए। सडक डिभिजन कार्यालयका कर्मचारीसामु उनले काम गर्न कुनै समस्या नभएको प्रतिक्रिया दिएपनि जनप्रतिनिधि र स्थानीयबासी समक्ष सडक कार्यालयबाटै असहयोग भएको गुनासो गर्छन्।

प्रदेश सभा सदस्य कृष्णाले पुल निर्माणको कामलाई अगाडि बढाउन ठेकेदारलाई सचेत गराईन्। ‘कुनै आर्थिक समस्या छ भने भन्नुप¥यो, त्यसका लागि हामी केन्द्रिय स्तरबाट पहल गर्छौ,’ उनले भनिन् ‘नत्र बिना कारण काम रोक्नु भएन, जनतालाई दुःख दिनु हुँदैन।’

राप्तीसोनारी गाउँपालिका अध्यक्ष लाहुराम थारुले पुल निर्माणको काम ठप्प भएको विषयमा केहीदिन अघि आपूmपनि जिल्ला प्रशासन कार्यालयमै पुगेर प्रमुख जिल्ला अधिकारीलाई गराएको भन्दै अहिलेसम्म निर्माणको काम सुचारू नभएको बताए। ‘पुल निर्माणको काम ठप्प छ, थोरै महिनापछि बर्खाको भेल आएर बनेका संरचनालाई भत्काएर लैजाला भन्ने चिन्ता छ,’ उनले भने। समयमा ठेकेदारलाई सचेत गराउने र कामको अनुगमन गरी काम सुचारु गराउनुपर्ने उनको आग्रह छ।

बैजापुरको मोरङ्गा खोलामा निर्माणाधीन पुलको जस्तै बाँके र बर्दियामा निर्माणाधीन झण्डै एक दर्जनबढी पुलको हालत उस्तै छ। बहुवर्षे योजना अन्तर्गत रहेका अधिकांस पुल निर्माणको कामलाई ठेकेदारले तोकिएको समयभित्र सम्पन्न गर्नेमा सडक डिभिजन कार्यालयका अधिकारी समेत ढुक्क छैनन्। सडक डिभिजन कार्यालयले राजमार्ग र सहायक राजमार्गमा ‘३२० शिर्षक’ का रणनीतिक पुल तथा त्यसभन्दा बाहिर स्थानीय सडक पुल निर्माण गर्दै आएको छ। ठेकेदारको ढिलासुस्ती, बजेट अभाव लगायत विविध कारणले गर्दा अधिकांस पुल निर्माणको काम समयमा सम्पन्न गर्न कठिनाई भइरहेको सडक डिभिजन कार्यालय नेपालगन्जका प्रमुख अर्जुनकुमार बमले बताए। राजमार्ग र सहायक राजमार्गको भन्दा स्थानीय सडकका पुल निर्माण गर्न बजेट अभाव हुँने गरेको उनको भनाई छ। ‘कुनै पुल निर्माण गर्न बजेट अख्तियारीको समस्या छ, कतै ठेकेदारले नै समयमा काम नगरिदिँदा निर्माण कार्य रोकिएको अवस्था छ,’ बमले नागरिकसँग भने।

उनका अनुसार मोरङ्गा खोलासहित बाँकेको डुडुवा खोल र नरैनापुर गाउँपालिकामा ३–३, बर्दियाको अम्बासामा २, राजापुर, अस्नेरी खोला र किरण नालामा १–१ वटा पुल निर्माणाधिन अवस्थामा छन्, भने बर्दियाको राजापुरमै एउटा पुलको निर्माण कार्य अझै सुरु भएको छैन।

 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

आमिरको ‘महाभारत’मा द्रौपदी को ?

आमिरको ‘महाभारत’मा द्रौपदी को ?

बलिउडमा अहिलेसम्मकै मंहगो बजेटमा ‘महाभारत’ सिरिज निर्माणको घोषणा गरेका आमिर खानले ‘द्रौपदी’ चरित्रको अभियनका लागि अभिनेत्रीको खोजी थालेका छन्। ...

तम्सिए निर्माता, तर्सिए हलवाला : अर्को सिन्डिकेट तोड्दै सरकार

तम्सिए निर्माता, तर्सिए हलवाला : अर्को सिन्डिकेट तोड्दै सरकार

सरकार बक्सअफिस लागू गर्ने पक्षमा छ । उता हलवालाहरु जुनसुकै हालतमा बक्सअफिस रोक्ने पक्षमा छन् । यता निर्माता संघ आन्दोलनको...

धेरै सफल, थोरै असफल

धेरै सफल, थोरै असफल

राजधानीमा जारी राष्ट्रिय कला प्रदर्शनीले यतिबेला मिश्रित चर्चा पाइरहेको छ । नेपाल कलापरिषदमा जारी कला प्रदर्शनीमा राम्रा पक्षहरूको पारखीहरूले प्रशंसा...

भूकम्पको असर देखाउने ‘द डार्कनेस बेकन’

भूकम्पको असर देखाउने ‘द डार्कनेस बेकन’

तीन वर्ष अघिको बिनाशकारी भूकम्पपछि सिन्धुपाल्चोककी एक बालिकाको जीवनमा आएको उतारचढावलाई प्रमुख विषय बनाएर निर्माण गरिएको फिल्म ‘द डार्कनेस बेकन’को...