कोइराला परिवारमा एकपछि अर्को शोक

बिहिबार, ०८ चैत २०७४, २० : १९ अर्जुन ओली


नेपालगन्ज– कोइराला परिवारको काइलो छोरा अरुणको २०७१ मंसिर २ गते निधन भयो। त्यसको पीडा सेलाउन नपाउँदै २०७२ माघ २६ गते साइलो छोरा सुशील कोइरालाको निधन भयो। दुई दाजुभाईको निधनले शोकमा डुबेका कोइराला परिवारलाई त्यसपछि पनि एकपछि अर्को पीडा थपिदै आएको छ। 

परिवारका सबैभन्दा कान्छा छोरा विजयको बिहीबार निधन भएपछि कोइराला परिवार झनै शोकमा डुबेको छ। पारिवारीक स्रोतका अनुसार दुई हप्तादेखी निमोनियाबाट पीडित रहेका नेपालगन्ज–१० निवासी ७४ बर्षीय विजयको बिहीबार बिहान ८ बजेतिर काठमाडौंस्थित मेडीसिटी अस्पतालमा उपचारका क्रममा निधन भएको हो। उनका एक छोरा एक छोरी छन्।

विजय पूर्वप्रधानमन्त्री स्वर्गीय सुशीलका सहोदर कान्छो भाई हुन्। उनको निधनले कोइराला परिवार मात्र नभएर नेपालगन्जबासी समेत शोकमा डुबेका छन्। बाँकेका राजनीतिक दल, इन्जिनियर,  ब्यापारी, सर्वसाधारण लगायतले सामाजिक सञ्जालमार्फत स्वर्गिय विजयप्रति श्रद्धाञ्जली ब्यक्त गरेका छन्। कोइराला परिवारका सदस्य, आफन्त, इष्टमित्र अन्त्यष्टीका लागि काठमाडौं पुगेका छन्। विजयका भतिज एवम् नेपाली कांग्रेस बाँकेका कार्यसमिति सदस्य सुधाम्सु कोइरालाले काकाको निधन पश्चात आफन्त, इष्टमित्र काठमाडौंमा जम्मा भएको बताए। 
 
उनका अनुसार बिहीबार दिउँसो विजयको पशुपति आर्यघाटमा अन्त्यष्टि गरिएको छ। बाबु बोदप्रसाद उपाध्याय र आमा कुमुदेनी देवीको कोखबाट बिराटनगरमा जन्मिएपनि सुशील, अरुण र विजयले कर्मथलो नेपालगन्जलाई नै बनाएका थिए। परिवारका ६ दाजु भाईमध्ये कोइराला परिवारका केही सदस्य बिराटनगरमा बस्दै आएका छन्।

आफ्ना दुई दाजुहरु जिल्लादेखी केन्द्रिय राजनीतिमा स्थापित भए। सुशील दाई मुलुकको प्रधानमन्त्री समेत भए। तर, विजयले शक्तिको दुरुपयोग कहिल्यै गरेनन् र कुनैपनि लाभ लिएनन्। पेशाले सिभिल इन्जिनियरिङमा आवद्ध रहेका स्वर्गिय विजयले पार्टीको बुथ सभापति लगायत भातृ तथा शुभेच्छु संगठन रहेर काम गरे।  

स्वर्गीय सुशील कोइराला गृहनगर नेपालगन्ज आउँदा प्रायःजसो भाई विजय र अरुणको घरमा बास बस्थ्ये। ‘विजय दाईले अरु जस्तो नाता जोडेर कहिल्यै लाभ लिन खोज्नु भएन, विजय दाईको आफ्नो छुट्टै जीवन शैली थियो,’ नेपाली काँग्रेस बाँकेका कार्यसमिति सदस्य एवम् महाधिवेशन प्रतिनिधि हेमन्त कर्माचार्यले भने। इन्जिनियरिङलाई आफ्नो पहिलो पेशा बनाएपनि लोकतन्त्र, प्रजातन्त्र प्राप्तिको आन्दोलनमा विजय सक्रिय रहेको कमाचार्य सम्झन्छन्।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

महाभूकम्पबारे पत्रकार पन्थीको पुस्तक 'कम्पन'

महाभूकम्पबारे पत्रकार पन्थीको पुस्तक 'कम्पन'

पत्रकार किशोर पन्थीले महाभूकम्प २०७२ का घटना समेटिएको आफ्नो पुस्तक 'कम्पन' ल्याएका छन्। पुस्तकमा भूकम्प पीडित, भूकम्पमा परेर जीवित र...

साहित्यकार प्रधानको निधन

साहित्यकार शिवकुमार प्रधानको निधन भएको छ। ८३ वर्षीय प्रधानको गएराति बागलुङस्थित घरमै निधन भएको हो।  प्रधान नेपाली, संस्कृत र अङ्ग्रेजी...

स्टेज सोको शोषण : आयोजकको नियतै खराब

स्टेज सोको शोषण : आयोजकको नियतै खराब

धेरैजसो कलाकारको दालभात अहिले स्टेज कार्यक्रममा निर्भर छ । यही दालभातको प्रलोभनमा पर्दा आर्थिकदेखि शारीरिक शोषणसम्म भोगिरहेका छन्, कलाकार ।...

युवतीको राेजाइ जम्पसुट

युवतीको राेजाइ जम्पसुट

गर्मीसँगै विभिन्न थरि जम्पसुटमा ठाँटिनेहरू बढ्दैछन् । स्ट्राभ स्लिभलेस, इनर एट्याच, सिफन, चेकको कपडा, स्ट्रेचेबल फेब्रिकका कपडाको जम्पसुटले बजारका स्टोरहरू...