तीन कराेडमा जुुस उद्योग

बिहिबार, ०६ बैशाख २०७५, ०७ : ०४ नागरिक


बर्दिया– कृष्णसार फलफूल प्रशोधन केन्द्र गुलरियाले तीन करोड लगानीमा जुस उद्योग सञ्चालनमा ल्याएको छ । गुलरिया नगरपालिका–५ मा रहेको कृष्णसार फलफूल प्रशोधन केन्द्रले बुधबारदेखि औपचारिक रुपमा जुस उत्पादन सुरु गरेको हो।

प्रारम्भिक चरणमा तीन करोडभन्दा बढी लगानी रहेको उक्त उद्योगको बुधबार प्रदेश ५ का भौतिक पूर्वाधार विकास मन्त्री वैजनाथ चौधरी र सांसदद्वय तिलक शर्मा, कविराम चौधरी संयुक्त रुपमा उद्घाटन गरे । स्थानीय उत्पादनमा आश्रित रहेर केन्द्रले जुस उत्पादन गर्ने लक्ष्य लिएको छ । जुस उद्योगमा प्रारम्भिक चरणको लगानी तीन करोड रुपैयाँ नाघेको कृष्णसार फलफूल प्रशोधन केन्द्रले जनाएको छ।

‘उद्योग स्थापनाले समग्र मुलुकको आर्थिक उन्नतीमा टेवा पुर्‍याउने र बेरोजगारी समस्या अन्त्य हुन सघाउँ पुग्नेछ,’ उद्घाटन कार्यक्रमलाई सम्बोधन गर्दै मन्त्री चौधरीले भने, ‘प्रदेश समृद्ध बनाउन पनि यस्ता उद्योग सञ्चालन गर्न जरुरी छ ।’ कृषिलाई आधुनिकीकरण गर्दै बेरोजगारी समस्या हल गर्न भर्खरै सार्वजनिक नीति तथा कार्यक्रममा औद्योगिकीकरणमा जोड दिएको उनले बताए।

मन्त्री चौधरीले भूगोल, संस्कृति र स्रोत–साधनका हिसाबले प्रदेश ५ अगाडि रहेको अवस्थामा उद्योगले देशलाई नै समृद्धिको बाटोमा अघि बढाउन सहयोग पुग्ने धाणा राखे । किसानले उत्पादन गरेका वस्तुवाट अर्गानिक जुस उत्पादन गरेर किसानका उत्पादनलाई उद्योगले प्रवर्द्धन गर्नुपर्नेमा वक्ताहरुले जोड दिए।

स्थानीय किसानको जीविकोपार्जन सहयोग पुर्‍याउन साना तथा मझौला आयस्तर वृद्धि आयोजनाले उद्योगमा लगानी गरेको छ । उद्योग सञ्चालनका लागि आयोजनाले ७२ लाख अनुदानस्वरुप सहयोग गरेको निर्देशक गोर्कण अर्यालले जानकारी दिए । ‘किसानको उत्पादन खपतका लागि आयोजनाले लगानी गरेको छ,’ उनले भने, ‘प्रत्यक्ष रुपमा किसानको फाइदाका लागि उद्योगले पुलको काम गर्ने छ।’

२०७१ देखि निर्माणाधीन उद्योगमा बेल, केरा, आँपलगायत पाँचवटा ब्रान्डका जुस प्रारम्भिक चरणमा उद्योगले उत्पादन गर्नेछ । जुस र कोपिला मिनरल वाटर उत्पादन हुने उद्योग सञ्चालक अमर खड्काले बताए । ‘लामो समयपछि उद्योगलाई मुर्त रुपमा दिइएको छ,’ उनले भने, ‘सुरुवातसँगै यसलाई विस्तार गर्दै लगिने छ।’

उद्योग स्थापनाले बेरोजगारी समस्याको अन्त्य गर्न सघाउ पुग्ने उनको भनाइ छ । उद्योगमा एक हजार २४ जनालाई प्रत्यक्ष रोजगारी दिने उद्योगको कार्ययोजना रहेको उनले बताए । किसानले उत्पादन गरेका वस्तु कच्चा पदार्थका रुपमा प्रयोग गरिने सञ्चालक खड्काले जानकारी दिए।


 

 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

लघु चलचित्र ‘अटुट नाता’ उत्कृष्ट

नेपाली सेनाले आयोजना गरेको लघु चलचित्र प्रतियोगिता २०७४ मा लघु चलचित्र ‘अटुट नाता’ उत्कृष्ट भएको छ । दिप पौडेलले निर्माण...

सलमानपछि ऋतिकसँग दिशा

सलमानपछि ऋतिकसँग दिशा

क्रिकेटर महेन्द्रसिंह धोनीको गर्लफ्रेन्डको रुपमा दुई वर्षअघि दिशा पटानीले बलिउडमा अभिनय यात्रा सुरु गरेकी थिइन् । धोनीको जीवनीमा बनेको ‘एम.एस....

‘आतुङ’ लिएर आइन् अनिता

‘आतुङ’ लिएर आइन् अनिता

कवि अनिता लामा तेस्रो कविता संग्रह ‘आतुङ’ लिएर आएकी छन । काभ्रेको तेमाल मेच्छेमा जन्मेकी अनिताको यो तेस्रो कृति हो...

प्रधानमन्त्रीले भेटे राष्ट्रकवि घिमिरेलाई, उपचार खर्च सरकारले व्यहोर्ने

प्रधानमन्त्री केपी शर्मा ओलीले ग्राण्डी अन्तर्राष्ट्रिय अस्पतालमा पुगेर त्यहाँ उपचारत राष्ट्रकवि माधवप्रसाद घिमिरेको सम्पूर्ण खर्च सरकारले व्यहोर्ने बताएका छन्। ...