मधेस प्रदेशका मुख्यमन्त्री सरोजकुमार यादवले मन्त्रीपरिषद् विस्तार गरेका छन्। चौथो पटक विश्वासको मत पाएका मुख्यमन्त्री यादवले बिहीबार मन्त्रीपरिषद् बिस्तार गरेका हुन्।

मुख्यमन्त्री यादवले माओवादी केन्द्रको तर्फबाट दुई, नेकपा एमाले र नेकपा एकीकृत समाजवादीबाट एक/एक मन्त्री थप गरेका छन्।

माओवादीबाट भरत प्रसाद साह विना विभागीय, युवराज भट्टराई उद्योग वाणिज्य तथा पर्यटन, एकीकृत समाजवादीबाट बेची लुङ्गेली विना विभागीय र एमालेकी शारदा थापा गृह, सञ्चार तथा कानुन राज्यमन्त्री बनेकी छिन्।

नवनियुक्त मन्त्रीहरूलाई प्रदेश प्रमुख सुमित्रा सुवेदी भण्डारीले पद तथा गोपनीयताको शपथ ग्रहण गराएकी छिन्। 

प्रकाशित: ६ वैशाख २०८१ १७:१३ बिहीबार