भ्रष्टाचारको बृद्धि
सार्वजनिक जीवनमा स्वीकृत मूल्यहरूका विरुद्ध भ्रष्ट आचरण नै भ्रष्टाचार हो। भ्रष्टाचार अहिले विश्वको एउटा जटिल समस्याका रूपमा देखिएकाले यसलाई निर्मूल गर्न निरन्तर लागिपरेका छन् सबै। आर्थिक, नैतिक, सामाजिक र नीतिगत भ्रष्टाचारका स्वरूप हुन्। देशमा यसरी क्रमबद्धरूपमा भ्रष्टाचार हुँदै गयो भने देशको अर्थतन्त्र ओरालो लागी समृद्ध देश बनाउने अर्थतन्त्रको आधारशीलामा नै प्रहार हुन पुग्छ। भएको पनि छ। नेपालमा भ्रष्टाचारविरुद्धको संवैधानिक निकायका रूपमा काम गर्ने भनेको अख्तियार दुरुपयोग अनुसन्धान आयोग हो। यसले भ्रष्टाचारविरुद्ध संवैधानिक निकायको रूपमा काम गरिरहे तापनि पछिल्लो समयम नियतमा खोट भएका केही भ्रष्ट कर्मचारीले गर्दा सिङ्गो अख्तियार नै भ्रष्टाचारमा मुछिएजस्तो देखिएको छ।
