मकवानपुरको राक्सिराङमा काँग्रेस, मनहरीमा एमाले

शुक्रबार, ०५ जेठ २०७४, १५ : १६ नागरिक


अशोक सुजन श्रेष्ठ

हेटौँडा- मकवानपुरको चेपाङ बाहुल्य क्षेत्र राक्सिराङ गाउँपालिकाको अध्यक्षमा नेपाली काँग्रेसका राजकुमार मल्ल निर्बाचित भएका छन्। उनले प्रतिद्धन्द्धी नेकपा एमालेका लालबहादुर थापा मगरलाई पाँच सय ९५ मतअन्तरले जित हासिल गरे।

मल्लले ३ हजार ५ सय ३९ मत पाएर बिजयी हुँदा मगरले २ हजार ९ सय ४४ मत प्राप्त गरे। उपाध्यक्षमा नेपाली काँग्रेसकै निर्मला हिम्डुङ विजयी भईन्। उनले ३ हजार ५ सय ३५ र प्रत्यासी नेकपा एमालेकी सुन्तलीमायाँ प्रजाले २ हजार ९ सय ५० मत प्राप्त गरेको राक्सिराङका निर्बाचन अधिकृत खडानन्द गौतमले जानकारी दिए। अध्यक्षमा निर्बाचित मल्ल २०५४ सालमा तत्कालिन खैराङ गाविसको अध्यक्षमा निर्वाचित भएका थिए।

 

मनहरीमा एमालेका उप्रेती

मनहरी गाउँपालिकाको अध्यक्षमा नेकपा एमालेका एकराज उप्रेती निर्वाचित भएका छन् । उनले ४ हजार ६ सय ४९ र प्रत्यासी काँग्रेसका शंकर न्यौपानेले ४ हजार ३ सय ४० मत प्राप्त गरे । उपाध्यक्षमा पनि नेकपा एमालेकी मनिला विष्ट ५ सय ४ मत बढी ल्याएर विजयी भईन् । उनले ४ हजार ६ सय ३१ र काँग्रेसकी कमला कार्कीले ४ हजार १ सय ६७ मत प्राप्त गरिन् ।

राक्सिराङमा चार वडाध्यक्षसहित १३ चेपाङ जनप्रतिनिधी

राक्सिराङ गाउँपालिकाको चार वडाको अध्यक्षमा चेपाङले जितेका छन् । राक्सिराङ गाउँपालिकाको ५, ६, ७ र ८ को वडाध्यक्षमा चेपाङले जित हासिल गरेका हुन् ।

राक्सिराङ ५ को वडाध्यक्षमा माओवादी केन्द्रका चन्द्रसिँह चेपाङ बिजयी भए । राक्सिराङ ६ को वडाध्यक्षमा एमालेका सिंहलाल चेपाङले विजय प्राप्त गरे । वडा नम्बर ७ को वडाध्यक्षमा कांग्रेसका कुलबहादर चेपाङले जिते । वडा नम्बर ८ मा कांग्रेसका रामकृष्ण चेपाङ वडाध्यक्षमा विजयी भए । तर चेपाङले अन्य समुदायकासँग प्रतिस्पर्धा गर्दा वडाध्यक्षमा जित हासिल गर्न सकेनन् । कैलाश गाउँपालिका र राक्सिराङ गाउँपालिकाका वडाध्यक्षमा उम्मेदवारी दिएका पाँचजना चेपाङ पराजित भए ।

राक्सिराङ गाउँपालिकाको अध्यक्षमा माओवादी केन्द्रबाट युसाई चेपाङले र उपाध्यक्षमा एमालेबाट सुन्तली चेपाङले उम्मेदवारी दिएपनि दुवै पराजित भए । मकवानपुरको चार जना वडाध्यक्ष र ९ जना वडा सदस्यसहित १३ जना चेपाङ गाउँपालिकाको जनप्रतिनिधि बन्न सफल भए ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...