प्रदेश २

सरकारमा सहभागीबारे राजपामा विवाद

बुधबार, ०२ फागुन २०७४, ०७ : १० प्रकाश तिमल्सिना  | @prakashujyalo


काठमाडौं – तराई–मधेस केन्द्रित राष्ट्रिय जनता पार्टी नेपालभित्र मन्त्रिमण्डलमा सहभागी हुने विषयमा विवाद चर्किएको छ ।विवाद बढेका कारण प्रदेश २ मा मन्त्रिमण्डल गठन प्रक्रियामा राजपा सामेल नहुने सम्भावना बढेको छ । राजपा सहभागी नभएमा उक्त प्रदेशमा मधेस गठबन्धनको मुख्य घटक संघीय समाजवादी फोरम, नेपाल एक्लैले सरकार बनाउनेछ ।

राजपा अध्यक्षमण्डलका संयोजक महन्थ ठाकुर र महेन्द्रराय यादवले प्रत्यक्ष निर्वाचनबाट विजयीलाई मात्रै मन्त्रिमण्डलमा सहभागी गराउनुपर्ने तर्क राखेका छन् भने अनिलकुमार झा र राजकिशोर यादव समानुपातिक सांसदलाई पनि स्थान दिनुपर्ने पक्षमा छन् । यसबारे अध्यक्षमण्डलका अन्य दुई सदस्य राजेन्द्र महतो र शरद्सिंह भण्डारी भने तटस्थ देखिएका छन् ।

सोमबार अबेरसम्म बसेको बैठकमा मन्त्रिमण्डलमा प्रतिनिधित्व गराउने सदस्यका विषयमा नेताहरूबीच सैद्धान्तिक सहमति जुट्न नसकेपछि ठाकुर जनकपुर पुगेका छन् । ‘प्रदेश नम्बर २ को मन्त्रिमण्डलमा पार्टीबाट सहभागी हुने नेताबारे राजपामा छलफल जारी छ,’ नेता राजकिशोर यादवले नागरिकसँग भने, ‘केही दिनमै निर्णय लिनेछौं ।’

राजपाले आफ्नो भागमा परेका भौतिक योजना, उद्योग तथा पर्यटन र सामाजिक मन्त्रालयमा कसकसलाई पठाउने विषयमा सहमति नहुँदा अन्योल बढेको छ । संघीय समाजवादी फोरम पनि ३ मन्त्री र ३ राज्यमन्त्रीसहित ६ जना सरकारमा पठाउने योजनामा छ । तर, राजपाले नाम पठाउन नसकेपछि प्रदेश नम्बर २ मा तत्कालका लागि ७ सदस्यीय मन्त्रिमण्डल बन्ने देखिएको छ ।प्रदेश नम्बर २ मा भने मधेस गठबन्धनमा आबद्ध संघीय फोरम र राजपाले सरकार बनाउँदैछन् । मुख्यमन्त्रीमा राउत पक्का भएका छन् भने सभामुखमा सरोजकुमार यादव निर्विरोध भएका छन् ।

 यसैबीच राष्ट्रिय जनता पार्टी, नेपालले प्रतिनिधिसभामा समानुपातिक निर्वाचनअन्तर्गत प्रतिनिधित्व गर्ने सदस्यहरूको नामवली सूची सच्याएर निर्वाचन आयोगमा बुझाउने भएको छ । राजपा निर्णयअनुसार खस आर्य समूहबाट निर्जला राउत र नरमाया ढकाल, आदिवासी जनजातिबाट रानी मण्डल र अमृता अग्रहरी, मधेसीबाट चन्दा चौधरी र दलितबाट दुलारीदेवी खत्वे समानुपातिक सूचीमा परेका छन । समानुपातिकतर्फ राजपाले ७ सिट पाएको छ ।
 

 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...