भारतीय अटोरिक्सा चलाउन दिन माग

बुधबार, ०२ फागुन २०७४, ०७ : ५० टंक क्षेत्री


सर्लाही – जिल्ला प्रशासन कार्यालयले भारतीय नम्बरका अटोरिक्सा चलाउन रोक लगाएको भन्दै व्यवसायीले गुनासो गरेका छन् । उनीहरुले बिनासूचना गत शुक्रबारदेखि डिजेलबाट चल्ने अटोरिक्सा सञ्चालनमा रोक लगाएको आरोप लगाएका छन्।

‘विगत सात वर्षदेखि मलंगवाबाट भारतको सोनवर्षा तथा त्यहाँबाट मलंगवा यात्रु ओसार्दै आएको थिएँ,’ मलंगवा नगरपालिका–१० का शिवनाथ झाले भने, ‘प्रशासनले हामीलाई अटोरिक्सा चलाउन दिएको छैन ।’ कम्तीमा दुई–तीन महिनाको समय दिएर सूचना निकाले भारतीय नम्बरका अटोरिक्सा बेचेर नेपाली नम्बर प्लेटको किन्न आफूहरु तयार रहेको उनले बताए।

‘अटोरिक्सा चलाउन रोक लगाएपछि हाम्रो रोजिरोटी नै खोसिएको छ,’ मलंगवा–९ का अटोरिक्सा व्यवसायी जितेन्द्र यादवले भने, ‘तीन दिनदेखि नेतादेखि सिडिओसम्म धाइरहेका छौं, कुनै सुनुवाइ भएको छैन।’

रौतहटको गौरबाट भारतको बैरगनियामा एक सय ६५ वटा भारतीय नम्बर प्लेटका अटोरिक्सा चलिरहेको दाबी गर्दै मलंगवामा २३ वटामात्र रहेको झाले जानकारी दिए । ‘रिक्सा वा टाँगाले सय रुपैयाँसम्म लिने गरेका छन्,’ उनले भने, ‘हामीले त प्रतियात्रु २५ रुपैयाँमा बोकिरहेका थियौं।’

प्रमुख जिल्ला अधिकारी कृष्णबहादुर कटवालले भने मलंगवा–सोनवर्षाभन्दा पनि मलंगवाबाट नेपाल भित्रैका अन्य रुटमा यात्रु ओसार्ने गरेका यातायात व्यवसायीबाट गुनासो आएपछि भारतीय नम्बरका अटोरिक्सा चलाउन रोक लगाएको जानकारी दिए । ‘न भन्सार काटिएको छ, न त पटके नै छ,’ प्रजिअ कटवालले भने, ‘जताततै यात्रु ओसारेर कुद्ने गरेको गुनासो आएकाले भारतीय नम्बर प्लेटका अटोरिक्सा चलाउन रोक लगाइएको हो ।’ नेपाली नम्बर प्लेटका अटोरिक्सा सञ्चालनमा भने रोक नलगाइएको उनको भनाइ छ।

२३ वटा भारतीय अटोरिक्सा व्यवसायी सदरमुकाम मलंगवा निवासी छन् । ‘आधाभन्दा सस्तो भूल्यमा अटोरिक्सा पाइने भएकाले करकुटुम्बको नाममा भारतीय अटो किनेर चलाउन थालेको हुँ,’ मलंगवा निवासी मोहन राउतले भने, ‘नेपाली नम्बर प्लेटको किन्दा निकै महँगो पर्छ र सीमा क्षेत्रबाट १३ किलोमिटरसम्म दुई देशकै गाडी बिनाभन्सार चलाउन पाइन्छ भन्ने सुनेकाले भारतीय अटोरिक्सा किनेको थिएँ।’






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...

भ्यान गगलाई सृष्टिको सम्मान

भ्यान गगलाई सृष्टिको सम्मान

नेदरल्यान्डमा जन्मिएका महान् चित्रकार भिन्सेन्ट भ्यान गगलाई समर्पण गर्दै फिल्म ‘रोमियो एन्ड मुना’ले गीत सार्वजनिक गरेको छ। फिल्मले भ्यान गगका...