इजराइली सेनाले दक्षिणी गाजाको रफाह सहरबाट मानिसहरूलाई निकाल्न सुरु गरेको छ। गाजामा युद्ध सुरु भएपछि रफाहमा १० लाख प्यालेसिटनी शरण लिएर बसिरहेका छन्।

इजराइली सीमा नजिकै पूर्वी क्षेत्रमा बसोबास गर्दै आएका मानिसहरूलाई खान यूनिस र अल–मवासी तर्फ जानका लागि भनिएको बीबीसीले जनाएको छ।

इजराइली सेनाले खान यूनिस र अल–मवासीमा त्रिपाल, खाद्यान्न, पानी र औषधिको व्यवस्था गरिएको दावी गरेको छ।

इजराइलका प्रधानमन्त्री बेन्जामिन नेतन्याहूले हमासको अन्त्यका लागि रफाहमा आक्रमण गर्नु आवश्यक रहेकाले त्यहाँ बसोबास गर्दै आएका शरणार्थीलाई अन्तै जान भनिएको बताएका छन्।

तर, विभिन्न अन्तर्राष्ट्रिय मानवअधिकार सङ्गठनहरूले इजराइललाई रफाहमाथि आक्रमण नगर्न अपिल गर्दै आएको छ। 

प्रकाशित: २४ वैशाख २०८१ १३:०५ सोमबार