विपक्षीभन्दा वर्षा चुनौती

बुधबार, २८ भदौ २०७४, ०९ : ४३ कमल खत्री  | @kamalkc4


क्वालालम्पुर- दीपेन्द्रसिंह ऐरीले पहिलो पटक कप्तानी सम्हालेको खेलमा सानदार सफलता हासिल गरेको नेपालले बुधबार भुटानसँग प्रतिस्पर्धा गर्दै छ।

नेपालका लागि भुटान कठिन प्रतिद्वन्द्वी होइन । तर, यहाँ हरेक दिन पर्ने वर्षाले नेपालको नतिजालाई असर पार्ने सम्भावना हुन्छ । त्यसैले नेपालका प्रशक्षिक विनोद दास र कप्तान दीपेन्द्रसिंह ऐरी जतिसक्दो चाँडो खेल सक्ने रणनीतिमा छन् । सोमबार पनि नेपालले थाइल्यान्डलाई १० ओभरमै अलआउट गरेपछि वर्षाले खेल बिथोलिन सक्ने सम्भावनाबाट बचेको थियो ।

समूह चरणबाट नेपाल विजेता बन्दै अन्तिम चारमा पुग्ने लक्ष्यमा छ । प्रतियोगिताको फाइनल खेल्ने दुई टोलीले नोभेम्बरमा मलेसियामै हुने यु–१९ एसिया कप खेल्ने पाउँछन् । नेपालले फाइनलमा स्थान बनाए दक्षिण एसियाली टेस्ट राष्ट्रसँग आफ्नो वास्तविक स्तरलाई मापन गर्ने मौका पाउनेछ ।

नेपालले सोमबार थाइल्यान्डलाई २ सय ५५ रनको फराकिले नतिजा निकाल्दै आफ्नो दाबेदारी प्रस्तुत गरिसकेको छ । साउनमा थाइल्यान्डमा सम्पन्न यु–१९ विश्वकप छनोट प्रतियोगितामा नेपालले ब्याटिङमा सन्तोषजनक प्रदर्शन गर्न सकेको थिएन । त्यसैले प्रतियोगिता सुरु हुनुअघि ब्याटिङलाई लिएर टोली केही दबाब थियो । तर, थाइल्यान्डविरुद्ध ब्याट्सम्यानले स्वाभाविक प्रदर्शन गर्दै गरेपछि टोलीको मनोबल बढेको छ । अनिलकुमार शाहले ९१, प्रनित थापामगरले ५०, सन्दीप सुनारले ३२ रन बनाएर नेपालको ब्याटिङ कमजोर नभएको सन्देश प्रवाह गरेका छन् ।

प्रशिक्षक विनोद दासले ब्याट्सम्यानलाई कम्तीमा २० रन बनाएर फर्किन सुझाएका छन् । प्रशिक्षकको योजनाअनुरूप ब्याट्सम्यानले पनि आफ्नो जिम्मेवारी पूरा गरे ।

‘अग्रपंक्तिका खेलाडीले २० रनभन्दा माथि स्कोर बनाउनुपर्छ । त्यसपछि २, ३ खेलाडीले शतक वा अर्धशतक बनाउने कोसिस गर्नुपर्छ,’ नेपालका प्रशिक्षक दासले भने, ‘पहिलो खेलमा खेलाडीले त्यो जिम्मेवारी पूरा गरे । हाम्रा ब्याट्सम्यानले प्रतियोगिताभर कम्तीमा ३ सय रन बनाउनुपर्छ ।’

नेपाली युवा टोलीको बलिङ र फिल्डिङमा प्रशिक्षक दासलाई कुनै चिन्ता छैन । राष्ट्रिय टोलीबाट खेलिसकेका सन्दीप लामिछानेले ४ ओभरमा ६ रन दिएर ७ विकेट लिँदै सबैको ध्यान आफूतर्फ तान्न सफल भएका छन् । बलिङमा सन्दीपको विश्वासिलो प्रदर्शनले नेपाललाई थप बलियो बनाएको छ ।

नेपालका प्रशिक्षक दासले विपक्षी कस्तो छ भनेर हेर्नु भन्दा आफ्नो खेलमा सुधार गर्न ध्यान केन्द्रित गरेको बताउँछन् । ‘भुटानले हामीलाई राम्रो टक्कर दियोस्् भन्ने चाहन्छौं । हामी प्रत्येक खेलमा सुधार गर्दै अगाडि बढ्न चाहन्छौं । अहिल्यै हामीले धेरै अगाडि सोचेको छैनौं । भोलि भुटानलाई जित्नेमै हाम्रो ध्यान केन्द्रित छ । तथापि हाम्रो अन्तिम  लक्ष्य च्याम्पियन बनेर एसिया कप खेल्ने नै हुनेछ ।’

भुटान पहिलो खेलमा सिंगारपुरसँग ९ विकेटले पराजित भएको थियो । टस हारेर ब्याटिङ गरेको भुटानले ४४.३ ओभरमा सबै विकेट गुमाएर १ सय १२ रन बनाएको थियो । भुटानी धेरै रन जोड्नुभन्दा कसरी क्रिजमा धेरै समय टिकेर पूरा ओभर खेल्ने रणनीतिमा थिए । २२ रन बनाएका भुटानका यु दोर्जी टोलीका लागि सर्वाधिक रन जोड्ने खेलाडी हुन् । १ सय १३ रनको लक्ष्य सिंगापुरले १४.३ ओभरमै १ विकेट गुमाएर पूरा गरेको थियो ।

नेपालले थाइल्यान्डविरुद्ध पूरा ५० ओभर खेलेर ७ विकेटको नोक्सानीमा २ सय ८१ रन जोडेको थियो । जबाफमा नेपालले थाइल्यान्डलाई १० ओभरमै अलआउट ग¥यो । नेपालले ५ मिनेट मात्र खेल सकाउन ढिला गरेको भए सोमबार खेलमा दुवै टोलीले अंक बाँड्नुपर्ने अवस्था आउन सक्थ्यो ।

राष्ट्रिय टोलीमा प्रभावशाली प्रदर्शन गरिसकेका कप्तान ऐरीको यु–१९ टोलीमा कप्तानी डेब्यु पनि सुखद बन्यो । शान्त स्वभावका दीपेन्द्र मैदानबाहिर भन्दा भित्र धेरै चलाख खेलाडी मानिन्छन् । क्रिकेट बुझन सक्ने क्षमता उनीमा धेरै भएको बताउँछन्, सहायक प्रशिक्षक कलाम अली ।

नेपालका प्रशिक्षक दासजस्तै कप्तान ऐरी पनि च्याम्पियन बनेर एसिया कप खेल्न चाहन्छन् । ‘हामी जुन ठाउँमा छौं । त्यहाँबाट अगाडि बढेर भविष्य खोज्न जरुरी छ । हामी च्याम्पियन बनेर एसिया कपमा छनोट हुनुपर्छ,’ कप्तान ऐरीले थपे, ‘भुटानबारे मलाई धेरै थाहा छैन । तर, हामी आफ्नो खेलमा विश्वास गर्छौं । हामीले स्तरअनुसार खेले प्रतियोगिता जित्न हामीलाई कठिन हुदैन ।’

राष्ट्रिय टोलीबाट खेलिसकेका सन्दीप लामिछानेले ४ ओभरमा ६ रन दिएर ७ विकेट लिँदै सबैको ध्यान आफूतर्फ तान्न सफल भएका छन् । बलिङमा सन्दीपको विश्वासिलो प्रदर्शनले नेपाललाई थप बलियो बनाएको छ ।

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...