ताजकिस्तानमा राम्रो नतिजाको अपेक्षा

शुक्रबार, २० असोज २०७४, १० : २३ कमल खत्री  | @kamalkc4


काठमाडौं- नेपाली फुटबल टोली एसिया कप छनोट खेलअन्तर्गत ताजकिस्तानविरुद्ध खेल्न शुक्रबार त्यसतर्फ जाँदै छ । एसिया कप नेपालले पछिल्लो समय खेलिरहेको उच्च स्तरको प्रतियोगिता हो । नेपाल एसिया कपका लागि हकदार थिएन ।
तर सोलिडारिटी कप जितेको आधारमा नेपाललाई एसियाली फुटबल महासंघ (एएफसी) ले एसिया कप खेल्ने मौका दियो । एसिया कप छनोटका लागि छानिएका २४ मध्ये ग्वामले नखेल्ने निर्णय गरेपछि नेपालले प्रतियोगिता खेल्ने मौका पाएको हो ।
भाग्यले खेल्न पाएको एसिया कप छनोटमा नेपालले तीन खेलबाट १ अंक मात्र जोडेको छ । तीनमध्ये दुई खेल घरेलु मैदानमा खेलेको नेपालले यमनसँग गोलरहित बराबरी गरेर खाता खोलेको थियो । छनोटको समूह ‘एफ’ मा रहेको नेपाल फिलिपिन्ससँग पहिलो खेलमा ४–१ ले र ताजकिस्तानसँग २–१ ले पराजित भएको थियो । तीन खेलमा नेपालले दुई गोल गरेको छ भने विपक्षीको ६ गोल सामना गरेको छ । नेपालका विशाल राईले फिलिपिन्स र विमल घर्तीमगरले ताजकिस्तानविरुद्ध गोल गरेका थिए ।
भाग्यले जुराएको प्रतियोगितामा नेपालले असोज २४ गते ताजकिस्तानको घरेलु मैदान हिजोर सेन्ट्रल रंगशालामा खेल्नेछ । जुन खेलले नेपालको एसिया कप खेल्ने सम्भावनालाई थप स्पष्ट पार्नेछ ।
पछिल्लो समयको नतिजाबाट नेपाली टोलीका प्रशिक्षक ग्याटुको कोजी सन्तुष्ट छैनन् । उनले खेलाडीले आफ्नो क्षमताअनुसार नतिजा निकाल्न नसकेको बताउँदै आएका छन् ।
गत नोभेम्बरमा भएको सोलिडारिटी कप जितेपछि नेपाली फुटबलमा केही नयाँ आशाको संकेत देखिएको थियो । त्यसपछि नेपालले केही राम्रो नतिजा पनि हासिल ग¥यो । साफ फुटबलमा नेपाल स्वर्ण पदक हासिल गरेर भारतबाट फर्किएको थियो । पछिल्लो समय फुटबलले जगाएको आशाबाट नेपाली समर्थकले अझ थप उपलब्धि अपेक्षा गरेका छन् । तर नेपालले खेलेको प्रतियोगिता उच्च स्तरको भएकाले नतिजा राम्रो नभएको नेपाली टोलीका प्रशिक्षक राजुकाजी शाक्य बताउँछन् ।
एसिया कप छनोटलाई नेपालले सकारात्मक रूपमा लिनुपर्ने शाक्यको भनाइ छ । ‘एसिया कप उच्चस्तरको प्रतियोगिता हो । हामीले खेलेका सबै टोलीको स्तर माथि छ । हामीले मिहिनेत गरिरहेका छौं, राम्रो नतिजाका लागि,’ शाक्यले भने, ‘एसिया कपमा छनोट हुनका लागि फुटबल टोलीको मिहिनेतले मात्र पुग्दैन । त्यसमा सरकार, पूर्वाधार, फुटबल संरचना र लगानीले निर्धारण गर्छ । हामीले जेजति नतिजा निकालेका छौं त्यो खेलाडीको मिहिनेतले हो ।’

छनोट प्रतियोगिताले नेपालको वास्तविक स्तरलाई मापन गर्न पनि सहयोग गर्ने शाक्यले बताए । ‘नेपालले कुन स्तरको प्रतियोगिता खेलिरहेको छ त्यो हामीले बुझ्न जरुरी छ । त्यसका लागि हामीले कति मिहिनेत गर्नुपर्छ भन्ने हामीले प्रतियोगिताबाट अनुभव हासिल गर्ने कोसिस गर्नुपर्छ । त्यो स्तरमा फुटबल खेल्नका लागि कति मिहिनेत र समय लाग्छ हामीले त्यसतर्फ पनि ध्यान दिनुपर्छ ।’
एसिया कप छनोट प्रतियोगितामा २४ टिमलाई  ६ समूहमा विभाजन गरेर एएफसीले प्रतिस्पर्धा गराइरहेको छ ।
एउटा समूहमा ४ टोली हुनेछन् । एउटा टोलीले होम एन्ड अवे गरी ६ खेल खेल्नेछ ।
हरेक समूहको विजेता र उपविजेता टोलीले सन् २०१९ मा एसिया कप फुटबल प्रतियोगिताको उपाधिका लागि प्रतिस्पर्धा गर्नेछन् ।
तीन खेल सकिँदाम्म १ अंक मात्र जोडेको नेपाल समूह ‘एफ’ को पुछारमा रहेको टोली हो ।  
समूहमा फिलिपिन्स शीर्ष स्थानमा छ । फिलिपिन्सले तीन खेलबाट ७ अंक, दोस्रो स्थानमा रहेको यमनले ५ र ताजकिस्तानले ३ अंक जोडेका छन् ।
ताजकिस्तानविरुद्धको खेलका लागि नेपाली टोलीका जापानी प्रशिक्षक कोजीले गोलकिपर एलन न्यौपाने र राजेन्द्र रावललाई समावेश गर्दै बुधबार २३ सदस्यीय टोली छनोट गरिसकेको छन् ।
टोलीमा गोलकिपर विशाल श्रेष्ठ र स्ट्राइकर सुमन लामा यस पटक परेनन् ।

गोलकिपरमा किरण चेम्जोङ, विकेश कुथु, एलन न्यौपाने, रक्षकमा कप्तान विराज महर्जन, देवेन्द्र तामाङ, अनन्त तामाङ, दिनेश राजवंशी, जितेन्द्र कार्की, आदित्य चौधरी, कमल श्रेष्ठ, राजेन्द्र रावल रहेका छन् ।

मिडफिल्डमा सुनिल बल, हेमन गुरुङ, रोहित चन्द, विक्रम लामा, विशाल राई, हेमन्त थापा मगर, सुजल श्रेष्ठ परेका छन् ।

स्ट्राइकरको जिम्मेवारी विमल घर्तीमगर, जर्ज प्रिन्स कार्की, अन्जन विष्ट, नवयुग श्रेष्ठ र भरत खवासले पाएका छन् ।
प्रशिक्षक शाक्य नेपालले छनोट खेलमा गरेको प्रदर्शन नराम्रो नभएको बताउँछन् । ‘हामीले अहिलेसम्म खेलेको खेललाई नराम्रो भन्न मिल्दैन । टिममा सुधार भैरहेको छ । नेपाली फुटबलको भविष्यका लागि केही सुखद कुरा प्राप्त भइरहेको छ । खेलाडीले गोल गरेका छन् । जित हासिल गर्न कडा मिहिनेत गरिरहेका छन्,’ शाक्यले भने, ‘ताजकिस्तानविरुद्धको खेल अब हाम्रा लागि महŒवपूर्ण छ । यसले हाम्रो छनोट हुने सम्भावनालाई प्रस्ट पार्न सक्छ । बराबरी होइन हामीलाई जितेर फर्कनुपर्छ । फुटबलमा रिजल्ट जे पनि हुन सक्छ । नेपालले एसिया कप खेल्ने सम्भावना छ । सकारात्मक रूपमा हामी राम्रो नतिजा निकाल्न कोसिस गरिरहेको छौं ।’






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...