एमाले उम्मेदवारलाई रेणु दाहालको भोट

बिहिबार, २६ असोज २०७४, ०९ : २८ रमेशकुमार पौडेल


चितवन- चितवनमा स्थानीय तह निर्वाचनमा एकअर्का विरुद्धको मोर्चामा उभिएका एमाले र माओवादी केन्द्र अन्ततः एउटै मोर्चामा सामेल भएर चुनावी गठबन्धनको सुरुवात गरेका छन् । बुधबार भएको चितवन जिल्ला समन्वय समिति निर्वाचनमा माओवादीले एमालेका उम्मेदवारलाई मत दिएर विजयी बनाएको छ ।

चितवनमा एकअर्काको कट्टर विरोधी मोर्चामा उभिएका एमाले र माओवादी केन्द्र सहयात्री भएर स्थानीय तह निर्वाचनको बिट मारेका छन्

    समितिका पदमा निर्वाचित हुन एमालेसँग स्पष्ट बहुमत थियो । माओवादीले पनि एमालेलाई नै मत दिएपछि एमालेका उम्मेदवार कृष्णकुमार डल्लाकोटी चितवन जिल्ला समन्वय समितिका संयोजकमा चुनिए । संयोजकसहित सबै नौ पदमा एमालेका उम्मेदवार विजयी भए ।
    स्थानीय तहका प्रमुख र उपप्रमुखले जिल्ला समितिको पदाधिकार चुन्न मत दिन पाउँछन् । सातवटा स्थानीय तह रहेको चितवनमा एमालेले चारवटा नगरपालिकामा प्रमुख र उपप्रमुख जितेको थियो । माओवादीले भरतपुर महानगर र माडी नगरपालिकामा प्रमुखमात्रै जितेको थियो ।
    कांग्रेसले इच्छाकामना गाउँपालिकामा प्रमुख र उपप्रमुख तथा भरतपुर महानगरपालिकामा उपप्रमुख जितेको थियो । स्थानीय तह निर्वाचनमा भरतपुरमा कांग्रेस र माओवादी केन्द्रबीच चुनावी तालमेल भएको थियो । एक्लै चुनाव लडे पनि प्रमुख र उपप्रमुख जित्ने हैसियत भएको कांग्रेसले भरतपुरमा माओवादीसँग चुनावी तालमेल गरेर मेयर पद नै माओवादीलाई छाडेको थियो ।
    चितवनमा जिससका लागि मतदान गर्ने १४ मध्ये एमाले एक्लैको नौ मत थियो । कांग्रेसको तीन र माओवादीको दुई मत थियो । ‘गठबन्धनको पुरानो सहयात्री कांग्रेससँग पनि जित्न सक्ने मत थिएन । एमालेसँग नयाँ गठबन्धन भइसकेको अवस्थामा चितवन जिससमा एमालेकै उम्मेदवारलाई मत दिने निर्णय भएको थियो,’ माओवादी केन्द्रका चितवन संयोजक यमबहादुर परियारले भने ।
    माओवादीको पनि मत पाएका कारण एमालेका उम्मेदवारहरू ११ मत ल्याएर जिससमा चयन भए । कांग्रेसले भरत अधिकारी संयोजक रहेको प्यानल मैदानमा उतारेको थियो । कांग्रेसका उम्मेदवारले आफ्नो दलको तीन मत मात्रै पाए । स्थानीय तह निर्वाचनमा भरतपुरमा मतपत्रसमेत च्यातिएको थियो ।
    माओवादीबाट भरतपुर महानगरपालिकामा मेयरमा निर्वाचित रेणु दाहाल र माडीमा मेयरमा निर्वाचित ठाकुर ढकालले जिससमा एमालेका लागि मत दिए । जिसस निर्वाचन नै स्थानीय तह निर्वाचनको अन्तिम विन्दु हो ।
    माओवादी गणना प्रतिनिधिले मतपत्र च्यातेपछि भरतपुरको वडा नं. १९ मा दोहो¥याएर चुनाव भएको थियो । मतपत्र नच्यातिएको भए भरतपुरको मेयरमा रेणु दाहाल नभएर एमालेका देवीप्रसाद ज्ञवाली निर्वाचित हुने सम्भावना प्रबल थियो । स्थानीय चुनावताका एमाले र माओवादीबीचको सम्बन्ध निकै तिक्ततापूर्ण थियो ।
    भरतपुरको चुनाव सम्पन्न हुँदा निकै उतारचढाव भएका थिए । मेयर र उपमेयर दुवैमा पराजित भएको एमालेले भरतपुरको कार्यपालिका चुनावबाट नगरपालिका बोर्डमा बहुमत कायम गरेको छ । कांग्रेसले मत दिएर एमालेका उम्मेदवार जिताएका कारण बोर्डमा एमालेको बहुमत पुगेको थियो । भरतपुर कार्यपालिका चुनावमा माओवादी–काँग्रेस गठबन्धन कायमै रहे पनि मत एमालेले पाएको थियो ।
    आउँदो प्रतिनिधिसभा तथा प्रदेशसभा निर्वाचनका लागि एमाले, माओवादी केन्द्र लगायतका दलहरूको वाम गठबन्धन तयार भएको छ । यो गठबन्धनका कारण  हिजो चितवनमा एकअर्काको कट्टर विरोधी मोर्चामा उभिएका एमाले र माओवादी केन्द्र सहयात्री भएर स्थानीय तह निर्वाचनको बिट मारेका छन् ।






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

समस्या बढाउने सञ्जाल

समस्या बढाउने सञ्जाल

केही अध्ययनले सोसल मिडियाको प्रयोग र डिप्रेसनबीच सम्बन्ध देखाएका छन् । केही अध्ययनले भने कसरी सोसल मिडियाले राम्रो गर्न सक्छ...

सोहेल खान काठमाडौंमा

सोहेल खान काठमाडौंमा

बलिउड अभिनेता सोहेल खान शुक्रबार काठमाडौं आइपुगेका छन्। दवाङ्ग इभेन्टका लागि आउँदो मार्चमा नेपाल आउन लागेका चर्चित अभिनेता सलमान खानको...

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

भैरहवामा कार्यक्रम गरेसँगै नेपथ्यको कन्सर्ट यात्रा सकियाे

मुलुकभरिबाट सोनाम ल्होसार मनाउने भक्तजनको भीड, छेवैको लुम्बिनीमा लागेको साँझ भैरहवा पनि लोक भाकामा आधारित रक संगीतमा डुब्यो। ...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले प्रस्तुती दिएका छन् । ...