पूर्वप्रधानमन्त्री जियालाई पाँच वर्षको जेल सजाय

शुक्रबार, २६ माघ २०७४, ०९ : १५ एजेन्सी


ढाका– बंगलादेशकी पूर्वप्रधानमन्त्री एवं प्रतिपक्षी दलकी नेत्री खालिदा जियालाई भ्रष्टाचारको आरोपमा पाँच वर्ष जेल सजाय तोकिएको छ ।

७२ वर्षिया जियाले बालबालिकासम्बन्धी एउटा परोपकारी कोषलाई दिइएको अन्तर्राष्ट्रिय सहयोग हिनामिना गरेको आरोपमा पाँच वर्षको जेल सजाय तोकिएको हो । जियाले भने उक्त आरोप अस्वीकार गर्दैै आफूले रकम हिनामिना नगरेको बताएकी छिन् । प्रहरीले अश्रु ग्यास प्रयोग गरेर उनका हजारौं समर्थकलाई तितरबितर पारेपछि राजधानी ढाकास्थित विशेष अदालतका न्यायाधीश मोहम्मद अख्तारुज्जमानले ६२ पुष्ठ लामो फैसला पढेर सुनाएका थिए ।

जेल सजाय पाएपछि पूर्व प्रधानमन्त्री जियाले यसै वर्षको अन्त्यतिर हुने संसदीय निर्वाचनमा सहभागी हुन नपाउने भएकी छिन् । बंगलादेशी प्रधानमन्त्री सेख हसिनाकी लामो समयदेखिकी राजनीतिक प्रतिस्पर्धी जियाविरुद्ध अदालतमा विचाराधीन कैयौं मुद्दामध्ये एउटामा भएको फैसलामा उनलाई पाँच वर्षको जेल सजाए तोकिएको हो ।

जियाले आफूविरुद्धका आरोप राजनीतिक रुपमा प्रेरित रहेको बताएकी छिन् । अदालतमा हाजिर हुन जानेबेला रोइरहेका आफन्तलाई उनले आफू चाँडै आउने र नआत्तिन तथा बलियो बन्न आग्रह गरेको डेली स्टारले उल्लेख गरेको छ ।जियालाई जेल सजाय तोकिए पछि उनका समर्थक प्रदर्शनमा उत्रिदाँ प्रदर्शनकारी र प्रहरीबीच झडप हुँदा कैयौं प्रहरी घाइते भएको बताइएको छ ।

अदालतले जेल सजाए तोकेको केही मिनेट मै जियालाई जेल लगिएको बिडिन्युज२४ लाई उद्धृत गर्दै बिबिसीले जनाएको छ ।अदालतले भ्रष्टाचारकै अभियोगमा बेलायतको राजधानी लन्डनमा बसिरहेका जियाका छोरा तारिक रहमानलाई १० वर्षको जेल सजाय तोकेको छ भने जियाका अन्य चार सहयोगीलाई पनि १० वर्षकै जेल सजाय सुनाएको छ ।

जियाले आफू प्रधानमन्त्री भएको बेला अनाथ बालबालिकाका लागि स्थापना गरेको ट्रस्टलाई आएको करिब दुई लाख ५२ हजार डलर सहयोग भ्रष्टाचार गरेको अभियोगमा पाँच वर्षको जेल सजाय तोकिएको बताइएको छ । कोषमा दुरुपयोग गरेको प्रमाणित भएपछि उनलाई जेल सजाय तोकिएको हो । उनीविरुद्ध लागेका अन्य मुद्दाका कारण उनले सन् २०१४ को निर्वाचनमा पनि सहभागिता जनाउन पाएकी थिइनन् । त्यसबेला पनि उनको समर्थनमा बंगलादेशका विभिन्न क्षेत्रमा प्रदर्शन भएका थिए ।

करिब २० वर्षपछि सन् १९९१ मा भएको बंगलादेशको पहिलो प्रजातान्त्रिक निर्वाचनमा बंगलादेशी नेस्नालिस्ट पार्टी (बिएनपी)लाई नेतृत्व गरेर विजयी बनाएर उनी बंगलादेशको प्रथम महिला प्रधानमन्त्री बन्न सफल भएकी थिइन् । उनी सन् २००१ मा पुनः बंगलादेशको प्रधानमन्त्री बनेकी थिइन् । त्यसपछि सन् २००६ मा भएको आम निर्वाचनको अगाडिसम्म उनी बंगलादेशको प्रधानमन्त्री रहेकी थिइन् ।

उनी बंगलादेशका पूर्व प्रधानमन्त्री स्वर्गीय जिउर रहमानकी श्रीमती हुन् । उनको राजनीतिक भविष्य विभिन्न भ्रष्टाचारको आरोप र अवामी लिगकी नेत्री तथा वर्तमान प्रधानमन्त्री सेख हसिनासँगको द्वन्द्वका कारण अप्ठेरोमा पर्दै आइरहेको छ । विगत दुई दशकदेखि यी दुई महिला कहिले सरकारमा त कहिले प्रतिपक्षमा बसिरहेका छन् । बिहीबारको फैसला अघि राजधानी ढाकासहित बंगलादेशका विभिन्न सहरको सुरक्षा व्यवस्था अत्यन्तै कडा बनाइएको थियो । थुप्रै विद्यालय र पसलहरु बन्द गरिएका थिए । जियाको बंगलादेश नेस्नालिस्ट पार्टी (बिएनपी) का अनुसार देशैभरबाट उनीहरुका सयौं कार्यकर्ता पक्राउ परेका छन् ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

‘कान्छी’को ‘रेस्पोन्स’ बुझ्न स्वेता देश दौडाहमा (फोटो फिचर)

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका सबै हलहरुबाट राम्रो प्रतिक्रिया पाएपछि...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...