नियम मिच्ने टिपर कारबाहीमा

बुधबार, ०२ फागुन २०७४, ०७ : १८ पवित्रा सुनार


काठमाडौं  – मापदण्डविपरीत गलत लेनमा तीव्र गतिमा हाँकिएका टिपरलाई ट्राफिक प्रहरीले कारबाही गरेको छ । महानगरीय ट्राफिक महाशाखाले एक महिनाअघि सुरु गरेको अभियानमा एक सय ३० टिपर कारबाहीमा परेका छन् ।

अनुगमनका क्रममा  ३०  वटा टिपर तीव्रगतिमा चलेको र १ सय टिपर कागजात नपुगेको अवस्थामा भेटिएको महाशाखाले जनाएको छ । यी टिपरलाई नियमअनुसार कारबाही भइरहेको महाशाखा अपरेसन शाखाका डिएसपी मुकुन्द मरासिनीले बताए ।

धादिङ र काभे्रतिरबाट राजधानी छिर्ने मालवाहक गाडीलाई केन्द्रित गरेर अनुगमन कारबाही थालेको डिएसपी मरासिनीले बताए । ‘अहिले यी दुई नाकाबाट आउने गाडीलाई बढी ध्यान दिएर कारबाही गरेका छौं’, उनले भने । अनुगमनका क्रममा चालक अनुमतिपत्र, गाडीको साइड लाइटको अवस्था, धुवाँ फाल्ने तह, मापसेजस्ता स्थितिको अनुगमन गरेको ट्राफिक प्रहरीले जनाएको छ ।

प्रहरीले राजमार्गमा गति नाप्ने मेसिन राडार गनको सहयोगबाट टिपरको गति नापेपछि कारबाही गरेको हो । यो मेसिन गाडीको अघि उभ्याएपछि कति गतिमा चलाएको छ भन्ने देखाउँछ । ट्राफिक प्रहरीले अनुगमनको क्रममा राति र बिहान पख गाडी तीव्रगतिमा चलाएकै कारण दुर्घटना हुने गरेको पत्ता लगाएको छ ।

मानिसको ज्यान जानेगरी भएका पछिल्लो दुर्घटनामा टिपरको संलग्नता देखिएपछि प्रहरीले तिनैलाई लक्षित गरी कार्यक्रम अघि सारेको डिएसपी मरासिनीले बताए  । ‘मोटरसाइकल र पैदलयात्रीलाई ठोक्ने बढीजसो दुर्घटनामा टिपर कारण देखिएकाले अनुगमन सुरु गरेका हौं’, उनले भने ।ट्राफिकले तीव्र गतिमा चल्ने निजी कार, मोटरसाइकललाई पनि अनुगमन कारबाही गरिरहेको जनाएको छ । ‘मोटरसाइकलले पनि लेन मिच्ने, तीव्र्र गतिमा चलाउने र ट्राफिक नियम उल्लंघन गरेको देखिन्छ’, मरासिनीले भने ।
 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

अनुप र वर्षाको ‘जय शम्भु’

अनुप र वर्षाको ‘जय शम्भु’

निर्माता तथा निर्देशक अशोक शर्माले निर्देशन गरिरहेको फिल्म ‘जय भोले’को झापामा धमाधम छायांकन भइरहँदा उस्तै लाग्ने नाममा ‘जय शम्भु’को घोषणा...

सरोजका ‘यादहरु’ सार्वजनिक

गीतकार सुदन डोटेल तथा संगीतकार सरोज प्याकुरेलको एकल संगीत रहेको गीति संग्रह ‘यादहरू’ काठमाडौंमा लोकार्पण गरिएको छ। ...

दुई स्रष्टालाई भोजपुरको सम्मान

बेलायतमा रहेका भोजपुरे स्रष्टा–सर्जकहरूद्वारा एक दशकअघि स्थापित भोजपुर प्रतिभा प्रतिष्ठान, बेलायतले वरिष्ठ स्रष्टा गणेश रसिक र युवा स्रष्टा तथा समालोचक...

‘भुइयाँ’लाई ‘पहिचान पुरस्कार’

‘भुइयाँ’लाई ‘पहिचान पुरस्कार’

लेखक, अनुवादक तथा सञ्चारकर्मी यज्ञशको पछिल्लो कृति ‘भुइयाँ’ले ‘पहिचान पुरस्कार २०७४’ प्राप्त गरेको छ । राजधानीमा आइतबार नेपाल प्रज्ञा प्रतिष्ठानका...