इटालियन टेम्पो ‘पियाजो’ बजारमा

बुधबार, ०२ फागुन २०७४, ०७ : २३ नागरिक संवाददाता


काठमाडौं – एमभी दुगड समूहले इटालियन टेम्पो ‘पियाजो’ फागुनबाट नेपाली बजारमा ल्याउने भएको छ । इटालियन कम्पनी पियाजियोको नेपालका लागि आधिकारिक बिक्रेता दुगड समूह बनेको छ।

एमभी दुगड समूहका उपाध्यक्ष विवेक दुगडले पेट्रोल इन्जिन भएको टेम्पो फागुनबाटै बिक्री सुरु हुने बताए । पियाजियो ब्रान्डका एपेसिटी र एपेकार्गो गरी दुई मोडलका टेम्पो नेपाली बजारमा फागुनबाट उपलब्ध हुने दुगडको भनाइ छ।

एमभी दुगडले बजारमा ल्याउन खोजेको एपेसिटी प्यासेन्जर थ्री ह्विलर हो । यसमा चालकबाहेक तीनजना यात्रा गर्न सक्नेछन् । एपेसिटीको मूल्य ५ लाख १९ हजार नौ सय रुपैयाँ पर्ने कम्पनीका उपाध्यक्ष दुगडको भनाइ छ।

उनका अनुसार अन्य ब्रान्डसँग प्रतिस्पर्धाभन्दा गुणस्तरीय सेवा दिनेछन् । एपेसिटीको इन्जिन अन्य टेम्पोभन्दा बलियो हुन्छ । यसको मााइलजे सोचेभन्दा राम्रो रहेको उनले बताए।

एमभी दुगडले बजारमा ल्याउने अर्को एपेकार्गो हो । उनका अनुसार नेपाली बजारका लागि नयाँ मोडल हुनेछ । यो सवारी यात्राका लागि भन्दा पनि सामान ढुवानीका लागि प्रयोग गर्न सकिने छ।

नेपालमा नयाँ डिलरमार्फत कारोबार सुरु गर्न लागेको पियाजियोले दुई वर्षमा नेपाली बजारमा महत्वपूर्ण स्थान बनाउने दाबी गरेको छ । सन् २०१८ मा ३० प्रतिशत बजार हिस्सा ओगट्ने एमभी दुगड समूहले जनाएको छ।
पियाजियो  भेइकल्सका एसोसिएट भाइस प्रेसिडेन्ट सुधांशु अग्रवालले नेपालको सहरीकरण, साँघुरो गल्ली बाटोको लागि उपयोगी हुने बताए । एपेकार्गो हरेक सहरका लागि उपयुक्त साधन भएको अग्रवालले जानकारी दिए।

‘साँघुरा सडकका लागि प्राथमिकतामा पर्ने साधन हो । यो साधन सुरक्षाका हिसाबले पनि सुरक्षित छ,’ उनले नागरिकसँग भने, ‘नेपाली बजारका लागि सस्तोमा बिक्री गर्ने तयारी गरेका छौं ।’  एपेकार्गोको मूल्य पाँचदेखि ६ लाख रुपैयाँसम्म पर्ने उनको भनाइ छ।

 

३१ शाखाबाट पियाजियो ब्रान्ड बिक्री गर्छौ

पियाजियो भेइकल्सका एसोसिएट भाइस प्रेसिडेन्ट सुधांशु अग्रवाल

एमभी दुगड समूहका देशभर रहेका ३१ शाखाबाट पियाजियो ब्रान्डका एपेसिटी र एपेकार्गो गरी दुई मोडलका टेम्पो बिक्री गर्ने तयारी गरेका छौं । हामीले उपभोक्ताको आवश्यकता अनुसार विभिन्न क्षेत्रमा सेवा केन्द्र राख्नेछौं । यस्ले गर्दा कुनै प्राविधिक समस्या आए तुरुन्तै हल हुन्छ।

उपभोक्तालाई राहत दिने गरी स्थानीय बैंकसँग सहकार्य गरी वित्तीय सुविधा उपलब्ध गराउने सोचमा छौं । यसका लागि नयाँ प्रोजेक्टको तयारी गर्दैछौं । हामीले सन् २०१६ मा चार हजार टेम्पो भारतबाट नेपालमा भिœयाएको तथ्यांक छ । सन् २०१७ मा नौ हजार टेम्पो नेपाल भित्रिसकेको छ।

काठमाडौं उपत्यकाबाहिर बन्ने नयाँ सहरमा थ्री ह्विलर उपयुक्त यातायातको साधन बन्न सक्छ । पहाडी क्षेत्रमा विस्तार भइरहेका सडकमा पनि नयाँ  टेम्पोले बजार लिन्छ । यसकारण नेपाली बजारमा यस्ता सवारी साधनको माग उच्च छ ।  
पहिलो प्राथमिकता सेल सर्भिस राखेका छौं । सबै शाखाबाट प्रभावकारी रुपमा उपभोक्ताले सेवा पाउने विश्वास छ । सामान्य टेम्पोभन्दा पनि नयाँ टेम्पोको माइलेज उत्कृष्ट छ । यसकारण सबैको रोजाइमा हाम्रो उत्पादन हुनेछ।





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

अनुप र वर्षाको ‘जय शम्भु’

अनुप र वर्षाको ‘जय शम्भु’

निर्माता तथा निर्देशक अशोक शर्माले निर्देशन गरिरहेको फिल्म ‘जय भोले’को झापामा धमाधम छायांकन भइरहँदा उस्तै लाग्ने नाममा ‘जय शम्भु’को घोषणा...

सरोजका ‘यादहरु’ सार्वजनिक

गीतकार सुदन डोटेल तथा संगीतकार सरोज प्याकुरेलको एकल संगीत रहेको गीति संग्रह ‘यादहरू’ काठमाडौंमा लोकार्पण गरिएको छ। ...

दुई स्रष्टालाई भोजपुरको सम्मान

बेलायतमा रहेका भोजपुरे स्रष्टा–सर्जकहरूद्वारा एक दशकअघि स्थापित भोजपुर प्रतिभा प्रतिष्ठान, बेलायतले वरिष्ठ स्रष्टा गणेश रसिक र युवा स्रष्टा तथा समालोचक...

‘भुइयाँ’लाई ‘पहिचान पुरस्कार’

‘भुइयाँ’लाई ‘पहिचान पुरस्कार’

लेखक, अनुवादक तथा सञ्चारकर्मी यज्ञशको पछिल्लो कृति ‘भुइयाँ’ले ‘पहिचान पुरस्कार २०७४’ प्राप्त गरेको छ । राजधानीमा आइतबार नेपाल प्रज्ञा प्रतिष्ठानका...