लण्डनमा परोपकारी कविता कन्सर्ट

शुक्रबार, १९ माघ २०७४, १९ : ११ चिरन शर्मा  | @chiranuk


लण्डन- बेलायतमा पहिलोपल्ट बृहत् रूपमा कविता कन्सर्टको आयोजना गरिने भएको छ।

पछिल्लो समय लोकप्रिय र स्थापित नेपाली कलाकारदेखि नेपाल आइडलजस्ता नवकलाकारहरूको प्रस्तुति बेलायतमा आम बन्दै गए पनि एकल कवितावाचनलाई नै केन्द्र बनाएर हुन लागेको यो पहिलो कन्सर्ट हो। “नेपलिज ब्रिटिश कम्युनिटी युके (एनबीसी युके)”को आयोजनामा आगामी मार्च १० मा सम्पन्न हुने उक्त कन्सर्टमा ‘सेलिब्रिटी’ कवि नवराज पराजुलीले आफ्ना लोकप्रिय कविता वाचन गर्नेछन् । कार्यक्रमलाई ‘लण्डन कविता कन्सर्ट’ नाम दिइएको छ । कवि पराजुली प्रतिष्ठित ‘पद्मश्री’ पुरस्कारबाट सम्मानित छन् ।

कार्यक्रमबारे जानकारी दिन गत बुधवार एनबीसी युकेले गरेको पत्रकार सम्मेलनमा कार्यक्रमको संयोजन गरिरहेका रामशरण सिंखडाले च्यारिटीका रूपमा आयोजना हुने उक्त कन्सर्टबाट सङ्कलित रकम सर्लाहीको हरिवनस्थित ‘चेतना सन्देश नेपाल’ नामक ग़ैरसरकारी संस्थालाई प्रदान गरिने बताए । मधेश आन्दोलन र द्वन्द्वकालमा अभिभावक गुमाएका बालबच्चाको संरक्षणमा सक्रिय उक्त संस्थालाई यसअघि एनआरएन युकेको महिला फोरमले पनि विशेष च्यारिटी मार्फ़त सगयोग सङ्कलन गरेको थियो ।

उक्त संस्थामा हाल ४२ बालबालिकाको संरक्षण हुँदै आएको छ । अहिले एउटै कक्षामा बस्न बाध्य भएका बालिकाहरुको लागि छुट्टै आवास कक्ष बनाउने तथा ई लाइब्रेरी सञ्चालन गर्ने अभियानमा सहयोग गर्न लागिएको एनबिसी यूकेका संयोजक मिलन घिमिरेले जानकारी दिए ।

कार्यक्रममा झण्डै ५ सय दर्शक, श्रोता उतार्ने लक्ष्य आयोजकको छ । कार्यक्रमको अनुमानित लागत ८ हजार पाउण्डसम्म छ भने कार्यक्रमबाट १८ हजार पाउण्ड संकलन गर्ने र १० हजार पाउण्ड बचत गरी संस्थालाई प्रदान गर्ने लक्ष्य राखिएको छ । कार्यक्रम पश्चिम लण्डनस्थित ग्रीनफोर्ड टाउनहलमा सम्पन्न हुनेछ ।

प्रवासमा नेपाली भाषासाहित्यको सम्बर्द्नन र नेपालमा द्वन्द्वपीड़ित बालबालिकाका लागि सार्थक सहयोग गर्नेजस्तो पवित्र उद्देश्यले आयोजित कार्यक्रमलाई सफल बनाउन संस्थाका तर्फबाट सचिब चुरामनि रेग्मीले सबैमा आग्रह गरेका छन् । गैरराजनैतिक र ग़ैरजातीय सामाजिक संस्थाका रूपमा पश्चिम लण्डनमा स्थापित एनबीसी युकेले यसअघि लक्ष्मीप्रतिष्ठान लगायतका धेरै संस्थाको सहयोगार्थ परोपकारी कार्यक्रम सम्पन्न गरिसकेको छ ।

 

तपाईको समाचार पठाउन यहाँ थिच्नुहोस् ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...