दाहाललाई धन्यवाद

धेरैले विगतको द्वन्द्वलाई सम्झना गरी मनमा आक्रोश, पूर्वाग्रह पालेर धेरै अनावश्यक आलोचना गरिरहेका थिए तर हामी सबै काम गरेको, भएको र स्थितिमा परिवर्तन भएको देख्न चाहन्थ्यौँ । ९ महिनाअगाडि संसदीय अभ्यासको कोरा गफ र अपरिपक्व हानाथापमात्र भएको परिस्थिति नेपालमा थियो जहाँ भूकम्पपीडितहरू खाली आकाशमा दिनरात बिताइरहेका थिए । भारतको नाकाबन्दीले देश र जनता पीडित थिए । लोडसेडिङ्गले काम गर्न चाहनेहरू पीडित थिए । यस्तो अवस्थामा प्रधानमन्त्री पुष्पकमल दाहालको नेतृत्वमा केही हदमा भए पनि समस्या समाधान भएको छ । गगन थापा, नवीन्द्रराज जोशी र जनार्दन शर्मा अनि हितराज पाण्डेहरू इतिहासमा नै अब्बल मन्त्री देखिएका छन् । शायद दाहालको नेतृत्वले उहाँहरूमा धेरै जाँगर जोस र प्रतिबद्धता अन्तरस्करणबाट ऊर्जा बनेर बाहिर आयो र काममा परिणत भयो होला कि भन्ने लागेको छ ।