भोट खसाल्ने प्रतीक्षा

शनिबार, २१ फागुन २०७३, १० : ०९ अर्जुन ओली

नेपालगन्ज- पहिलो पटक स्थानीय चुनावमा सहभागी हुने अवसर आउँदा आयाज हल्वाई उत्साहित छन्। नेपालगन्ज–८ निवासी ३० वर्षीय आयाजले स्थानीय चुनावमा पहिलो पटक भोट खसाल्ने अवसर पाउन लागेका हुन्। सरकारले आगामी वैशाख ३१ गते स्थानीय तहको निर्वाचन मिति घोषणा गरेपछि जनप्रतिनिधि निर्वाचित गर्ने व्यग्र प्रतीक्षामा छन् हल्वाई।

निर्वाचन मिति घोषणाले एकातिर सर्वसाधारणलाई उत्साहित बनाएको छ भने अर्कोतिर उम्मेदवारमा पुरानै समस्या दोहोरिने हो कि भन्ने चिन्ताले पनि सताएको छ।

‘अहिले स्थानीय निकाय जताततै जनप्रतिनिधिविहीन बनेको छ। चुनाव भएपछि हाम्रा जनप्रतिनिधि चुनिन्छन् र हामीलाई नै काम गराउन सजिलो हुन्छ,’ उनले भने। लामो समयसम्म स्थानीय निर्वाचन नहुँदा जनताले धेरै दुःख पाएको उनको भनाइ छ। उनले थपे, ‘जनप्रतिनिधि नभएकै कारण हाम्रा कुरा कसैले सुन्दैन।’

मतदाता नामावलीमा समावेश भए पनि २०५४ सालको स्थानीय निर्वाचनमा नेपालगन्ज–७ का नजर मोहम्मद मतदान गर्नबाट वञ्चित भए। त्यसयता लामो समयसम्म स्थानीय तहको निर्वाचन हुन सकेन र स्थानीय निकाय जनप्रतिनिधिविहीन बन्न पुग्यो। सरकारले निर्वाचन घोषणासँगै आवश्यक तयारी गरिरहँदा मोहम्मद हर्षित बनेका छन्। ‘सरकारले चुनावको मिति घोषणा गरिसक्यो, अब चुनाव हुने वातावरण झन् बलियो बनेर गएको छ,’ उनले भने। लामो समयसम्म स्थानीय निर्वाचन नहुँदाको परिणाम जनताले धेरै दुःख पाएको उनी बताउँछन्। आफूसहित घरमा १८ जना मतदाता रहेको सुनाए।

निर्वाचन मिति घोषणाले एकातिर सर्वसाधारणलाई उत्साहित बनाएको छ भने अर्कोतिर उम्मेदवारमा पुरानै समस्या दोहोरिने हो कि भन्ने चिन्ताले पनि सताएको छ। व्यक्तिगत स्वार्थभन्दा माथि उठेर काम गर्ने उम्मेदवारलाई चुनाव जिताउने उनीहरुको आयोजना छ। ‘म धेरै निर्वाचनमा सहभागी हुन पाएँ तर जुनसुकै निर्वाचनमा पनि भोट पाएर जितिसकेपछि उम्मेदवारले चटक्कै बिर्सिए,’ नेपालगन्ज–५ का ७५ वर्षीय सदिक हल्वाईले भने, ‘अबको स्थानीय निर्वाचनमा यस्तो नहोस्।’

मुस्लिम समुदायको बाहुल्य रहेको नेपालगन्जमा बिस्तारै चुनावी चहलपहल बढ्न थालेको छ। चोक तथा गल्लीमा स्थानीय तहको चुनावी चर्चा हुन थालेको छ। हरेक चुनावमा यहाँका मुस्लिम समुदायको मतलाई राजनीतिक दलले महŒवका साथ हेर्ने गरेका छन््। राज्य पुनःसंरचना आयोगसमक्ष बुझाइएको प्रतिवेदनअनुसार बाँकेमा दुई नगरपालिका र ६ गाउँपालिका हुनेछन्।

सरकारले स्थानीय तहको निर्वाचन मिति घोषणा गरिसकेपछि बाँकेमा निर्वाचन व्यवस्थापनको काम पनि सँगसँगै अगाडि बढेको छ। क्षेत्रीय जिल्ला निर्वाचन कार्यालयका प्रमुख वसन्त अधिकारीले निर्वाचन आयोगको निर्देशनअनुसार सरकारी कर्मचारीको विवरण संकलन गरेर पठाइएको छ। साथै चरणबद्ध रुपले निर्वाचन व्यवस्थापन काम अगाडि बढाएको उनले बताए। ‘निर्वाचन व्यवस्थापनको काम धमाधम भइरहेको छ,’ अधिकारीले भने, ‘केन्द्रीय स्तरबाट नीतिगत कुरामात्र मिल्नुपर्‍यो।’

कार्यालयका अनुसार बाँकेमा २ लाख ४० हजार मतदाता छन्। मतदाता नामवलीमा रहेका त्रुटि सच्याउने काम भइरहेको अधिकारीले जानकारी दिए। उनका अनुसार कार्यालयमा २६ राजनीतिक दल दर्ता छन्।








यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

'पशुपति' पछि 'धनपति'

'पशुपति' पछि 'धनपति'

अघिल्लो फिल्ममा फिल्म 'पशुपति' बनेर दर्शक रिझाएका खगेन्द्र लामिछाने लगभग उही टिमका साथ 'धनपति' बनेर आएका छन्। 'पशुपतिप्रसाद' बाट सहकार्य...

किताब यात्रामा  'हरिबहादुर'

किताब यात्रामा  'हरिबहादुर'

हास्य कलाकार हरिवंश आचार्य पुस्तक यात्रामा निस्किएका छन्। आचार्य गत साता सार्वजनिक उपन्यास 'हरिबहादुर' लाई आम मानिससम्म पुर्‍याउने उद्देश्यले यात्रामा...

तेरियाका गुरु

तेरियाका गुरु

तीन वर्ष अघि रुपन्देही रुद्रपुरकी १२ वर्षीया तेरिया फौजामगर भारतको मुम्बईमा धेरै प्रतिस्पर्धीलाई उछिन्दै डिआइडी लिटिल मास्टरको उपाधि जित्न सफल...

सम्पदा संरक्षणमा सकस

सम्पदा संरक्षणमा सकस

ललितपुर पाटन क्षेत्रलाई पुरानो र ऐतिहासिक सहर मानिन्छ । नेपाल भाषामा ‘यलः’ भनिने यो स्थान बरदेवले स्थापना गरेको इतिहासविद् बताउँछन्...