बारम्बार ब्याजदर नबढाउन निर्देशन

सोमबार, ०७ चैत २०७३, १० : ५३ नागरिक


काठमाडौं- नेपाल राष्ट्र बैंकले बैंक तथा वित्तीय संस्थालाई कर्जा दिने बेला गरेको बाचाविपरीत बारम्बार ब्याजदर नबढाउन निर्देशन दिएको छ। बैंक तथा वित्तीय संस्थाले ब्याजदर बारम्बार बढाउन थालेपछि केन्द्रीय बैंकले यस्तो निर्देशन दिएको हो।

राष्ट्र बैंकले बैंक तथा वित्तीय संस्थाबाट ऋण लिएर समयमै तिर्न नसक्ने ऋणी र उसको परिवारप्रति सम्मान र सहानुभूति राख्न निर्देशन दिएको छ। आइतबार सबै बैंक तथा वित्तीय संस्थालाई परिपत्र गर्दै राष्ट्र बैंकले यस्तो निर्देशन दिएको हो।

प्रत्येक ऋणीले ठगी गर्ने नियतले कर्जा नबुझाएको हो भन्ने मान्यता कर्जा प्रदायक संस्थाले राख्नु उपयुक्त नहुने भन्दै ऋणी र उसको परिवारप्रति सम्मान र सहानुभूति राखी न्यायोचित किसिमले कर्जा असुली प्रक्रिया थाल्ने व्यवस्था मिलाउन राष्ट्र बैंकले भनेको छ।

ऋण दिने बैंक तथा वित्तीय संस्थाले प्रत्येक ऋणीले ठगी गर्ने नियतले नै कर्जा चुक्ता नगरेको भन्ने मान्यता राख्न नहुने भन्दै यस्तो निर्देशन दिएको हो ।

यस्तै कर्जा लिने क्रममा नै ऋणीको सम्पत्तिको सही मूल्यांकन हुने वातावरणको सुनिश्चितता पनि बैंक तथा वित्तीय संस्थाले मिलाउनु पर्नेछ। समयमै ऋण तिर्न नसकेर धितो लिलामी भएका ऋणीले आफ्नो धितोको प्रचलित बजार भाउ अनुसार मूल्यांकन गर्न/गराउन पाउने भएका छन्।

यस्तै ऋण असुली प्रक्रिया सुरु भएपछि ऋणीको परिवारसँग सम्बन्धित अन्य सदस्यको सामाजिक प्रतिष्ठा, इज्जत, सम्मानमा प्रतिकूल प्रभाव नपर्ने गरी आवश्यक व्यवस्था मिलाउन पनि राष्ट्र बैंकले निर्देशन दिएको छ।









यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

ओस्कारमा 'सेतो सूर्य'

ओस्कारमा 'सेतो सूर्य'

ओस्कार अवार्डको 'विदेशी भाषी फिल्म' विधातर्फको प्रतिस्पर्धामा नेपालबाट दीपक रौनियार निर्देशित फिल्म 'सेतो सूर्य' (ह्वाइट सन)ले आफूलाई सुरक्षित पारेको छ।...

'मोडल हन्ट'मा र्‍याम्प शो

'मोडल हन्ट'मा र्‍याम्प शो

सौन्दर्य प्रतियागिता 'मोडल हन्ट नेपाल २०१७'को फिनालेमा अभिनेत्री प्रियंका कार्की, सिर्जना रेग्मी र 'मिस नेपाल २०१७' अस्मी श्रेष्ठ शो टपरका...

छेडछाड विरुद्ध इलियाना

छेडछाड विरुद्ध इलियाना

सेलिब्रिटीलाई फ्यानहरूले जिस्क्याउनु नयाँ कुरा होइन। तर सेलिब्रिटी आफंैले फ्यानले आफूमाथि गरेको दुव्यर्वहारका बारेमा सार्वजनिक गर्नु भने पक्कै नौलो हो।...

तीजको विकृतिमा बहस

तीजको विकृतिमा बहस

अहिले महिलावर्गलाई तीजले छपक्कै छोएको छ। विगतमा धार्मिक, परम्परागत र सांस्कृतिक आधारका रूपमा मनाइने तीजलाई अचेल त्यो बुझाइमा मात्र सिमित...