१० जीवन बिमा कम्पनीलाई लाइसेन्स

शुक्रबार, ०५ जेठ २०७४, ११ : २८ नागरिक


काठमाडौं – अर्थमन्त्री कृष्णबहादुर महराले १० जीवन बिमा कम्पनीलाई सञ्चालन स्वीकृति दिएका छन् । युनियन, आइएमई, सिटिजन्स, रिलायबल, ज्योति, महालक्ष्मी, सन नेपाल,  सानिमा, स्टार र रिलायन्सले बिहीबार सैद्धान्तिक स्वीकृति पाएका हुन्।

१२ वटा जीवन बिमा कम्पनीले बिमा समितिमा सञ्चालन स्वीकृतिका लागि आवेदन दिएका थिए । त्यसमध्ये समितिले १० वटाको फाइल अर्थ मन्त्रालयमा पठाएको थियो । युनि लाइफ र स्ट्यान्डर्ड लाइफ इन्स्योरेन्सलाई बिमा समितिले सिफारिस नगरेका कारण सैद्धान्तिक स्वीकृति पाएन ।

बिमा समितिले सिफारिस गरेका सबैलाई स्वीकृति दिइएको अर्थ मन्त्रालयका सूचना तथा सञ्चार विज्ञ त्रिभुवन पौडेलले बिहीबार नागरिकलाई बताए । ‘बिमा समितिले सिफारिस गरेका जीवन बिमा कम्पनीलाई अर्थ मन्त्रालयले सहमति दिएको हो,’ उनले भने, ‘ती कम्पनी पहिलेदेखि नै प्रक्रियामा रहेका थिए ।’

नयाँ कम्पनी सञ्चालनमा आए जीवन बिमा कम्पनीको संख्या १९ पुग्नेछ । यसअघि नौ जीवन बिमा सञ्चालनमा आइसकेका छन् । 

अर्थमन्त्री महराले सैद्धान्तिक स्वीकृति दिएका उक्त कम्पनीहरु ६ महिनाभित्र सञ्चालनमा आउने छन् । अब नियामक निकाय बिमा समितिको सामान्य प्रक्रिया पूरा गरेपछि उनीहरुले अन्तिम स्वीकृति पाउने छन् ।

अन्तिम स्वीकृतिका लागि आवेदन दिनुअघि कम्पनीहरुले तोकिएको चुक्ता पुँजी, कम्पनीका लागि आवश्यक पूर्वाधार निर्माण, कर्मचारी व्यवस्थापन लगायत प्रक्रिया पूरा गर्नुपर्ने छ । 

२०६४ पछि कुनै पनि बिमा कम्पनीलाई लाइसेन्स बाँडिएको थिएन । त्यसभन्दा पहिले नै दर्ता भएर बसेकालाई लाइसेन्स दिइएको बिमा समितिको भनाइ छ ।

जीवन बिमा कम्पनीहरुले चुक्ता पुँजी न्यूनतम दुई अर्ब रुपैयाँ पुर्याउनुपर्ने छ । यसअघि जीवन बिमा कम्पनीहरुको चुक्ता पुँजी ५० करोड र निर्जीवन बिमा कम्पनीको चुक्ता पुँजी २५ करोड रुपैयाँ पुर्याउनुपर्ने व्यवस्था थियो । नयाँ व्यवस्था अनुसार, निर्जीवन बिमा कम्पनीले पनि चुक्ता पुँजी एक अर्ब रुपैयाँ पुर्याउनु पर्छ ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

रेखा, माधुरी र हेमाभन्दा सधै अगाडि श्रीदेवी

रेखा, माधुरी र हेमाभन्दा सधै अगाडि श्रीदेवी

चर्चित नायिका श्रीदेवीको निधनले यतिबेला बलिउड शोकमा छ। उनको निधनसँगै भारतीय चलचित्रमा एक युगको अन्त्य भएको बताइएको छ। ...

के श्रीदेवीलाई मुटुको समस्या थियो ?

के श्रीदेवीलाई मुटुको समस्या थियो ?

बलिउडकी चर्चित अभिनेत्री श्रीदेवीको आइतबार विहान ५४ वर्षको उमेरमा दुबईमा निधन भयो। दुबईमा पारिवारिक विहे समारोहमा सहभागी हुन पुगेकी उनको...

मोफसलका दर्शकसँग ‘कान्छी’

मोफसलका दर्शकसँग ‘कान्छी’

नायिका श्वेता खड्का आफूले अभिनय तथा निर्माण गरेको फिल्म ‘कान्छी’को प्रतिक्रिया लिन व्यस्त छिन्। काठमाडौंका हलबाट राम्रो प्रतिक्रिया पाएकी श्वेता...

आठ जिल्लामा फेरि ‘संरक्षण’

आठ जिल्लामा फेरि ‘संरक्षण’

गत साउन २७ गते सार्वजनिक प्रदर्शनमा आएको फिल्म ‘संरक्षण’ फागु पूर्णिमाको अवसर पारेर तराईका ८ जिल्लामा पुनः प्रदर्शन हुने भएको...