‘आफ्नै सहरमा सबैथोक छ’

सोमबार, ०५ असार २०७४, १० : १८ नागरिक


नम्रता श्रेष्ठ, नायिका

तपाईंलाई सबैभन्दा मनपर्ने सहर कुन हो ?
मलाई मनपर्ने सहर काठमाडौं र पोखरा हुन् । यसबाहेक हिमाली क्षेत्रमा सहर पनि उत्तिकै राम्रो लाग्छ । मैले घुमेकामध्ये यी सहरको विषेशता र संस्कृति फरक पाएँ । यहाँको हावापानी र भौगोलिक बनावट अरु कुनै देशका सहरमा पाउन सकिँदैन । यहाँका साना सहरमा नपाइने केही छैन, नेपालीपन झल्काउने सबैथोक यहाँका सहरमा पाइन्छ । सेवा सुविधाको हिसाबले अन्य सहर भन्दा काठमाडौं राम्रो छ । तर, सरकारका नीति नियम र कानुन फितलो भएका कारण सहर व्यवस्थित हुन सकेको छैन । व्यवस्थित मात्रै गर्ने हो भने काठमाडौं उपत्यका सबैको सपनाको सहर बन्न सक्छ । यहाँका हावापानी, वरपरका डाँडाकाँडा, मठमन्दिर सबैले लोभ्याउँछ ।
काठमाडौं कसरी राम्रो बन्ला ?
नेपालका हरेक सहरका आफ्नै खालका विशेषता छन् । यहाँका सहरमा प्राकृतिक विविधता मात्रै नभएर सांस्कृतिक विविधता छ । यी विविधताले नेपालका सहरको सान छुट्टै छ । तर, प्राकृतिकले विविधताले भरिपूर्ण सहर भए तापनि सरकारको कार्यशैली कमजोर भएका कारण हाम्रा सहर व्यवस्थित हुन सकेका छैनन् । भएभरका सेवा सुविधा काठमाडौंबाट मात्रै दिँदा यहाँ जनसंख्याका चाप देखिएको छ । त्यसैले यहाँ भएका सेवा सुविधालाई देशभित्रकै अन्य सहरमा पनि विकेन्द्रीकरण गर्न जरुरी छ । सरसफाइ, बाटोघाटो निर्माण, व्यवस्थित पार्क, ट्राफिक व्यवस्थापन, धुवाँधुलो रोकथाममा ध्यान दिने हो भने काठमाडौं राम्रो बन्न सक्छ ।
उपत्यकाको सबैभन्दा मन पर्ने र मन नपर्ने कुरा के हो ?
उपत्यकाको सबैभन्दा मन नपर्ने पक्ष ट्राफिक जाम हो । सडक फराकिलो बनाउने नाममा जताततै भत्काइएको छ । तर, निर्माण कार्य सुस्त भएका कारण सहरवासीले दुःख पाउनु परेको छ । सरकारले भएका नियम बेवास्ता गरेको छ । सडक विभाग, ट्राफिक प्रहरी, विद्युत प्राधिकरणलगायत सरकारी कार्यालयबीच समन्वय नभएकोले उपत्यका बिगँ्रदै गएको छ । यहाँको अर्को समस्या पार्किङको पनि हो । मनपर्ने पक्ष पुरानो शैलीका मन्दिर र पुराना बस्ती हुन् ।
काठमाडौंको प्रमुख बन्न पाए के गर्नुहुन्थ्यो ?
म मेयर बन्न पाए काठमाडौंलाई समस्या नभएको सहर बनाउथें । सबैभन्दा पहिले त भएका नियमको कार्यान्वयनतर्फ लाग्थे । त्यस्तै, यहाँका सेवा सुविधा विकेन्द्रित गर्थें । सहरवासीका सबैखाले समस्या समाधान गरी उहाँहरूलाई सहरमा बसेको छु भन्ने अनुभूति दिलाउथें । त्यो बाहेक सरसफाइ, बाटोघाटो निर्माण, व्यवस्थित पार्क, ट्राफिक व्यवस्थापन, धुवाँधुलो रोकथाममा ध्यान दिएर विकास निर्माणका कार्य अघि बढाउथें ।

प्रस्तुतिः शिवहरि घिमिरे







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

ऐश्वर्याकी आमा बस्ने घरमा आगलागी

ऐश्वर्याकी आमा बस्ने घरमा आगलागी

बलिउड अभिनेत्री ऐश्वर्या राय बच्चनकी आमा बस्ने घरमा आगलागी भएको छ । बान्द्रास्थित लामेर भवनको १३ औं तल्लामा लागेको आगलागीलार्इ...

दर्शकलाई ‘कोहलपुर एक्सप्रेस’ चढाउँदै केकी

दर्शकलाई ‘कोहलपुर एक्सप्रेस’ चढाउँदै केकी

सात वर्ष अघि फिल्म ‘स्वर’बाट फिल्मी अभिनयमा डेब्यु गरेकी अभिनेत्री केकी अधिकारीले झण्डै दर्जन फिल्ममा अभिनय गरेपछि भूमिका परिवर्तन गरेकी...

सोनमको चित्त दुखाइ

सोनमको चित्त दुखाइ

जस्तालाई तस्तै’ व्यवहारका लागि प्रख्यात छिन् सोनम कपुर । उनलाई कसैले चित्त नबुझ्ने कुरा ग¥यो जवाफ दिन रत्तिभर पनि हिच्किचाउन्नन्...

सुटिङमा ‘शत्रु गते’

सुटिङमा ‘शत्रु गते’

झण्डै एक महिना अघि घोषणा गरिएको फिल्म ‘सत्रु गते’ सोमबारबाट सुटिङका लागि फ्लोरमा गएको छ । किरण केसी प्रस्तुतकर्ता रहेको...