पहिरोले प्रहरीको भ्यान र ट्रक पुर्‍यो, दुई प्रहरीको मृत्यु, दुई बेपत्ता

शुक्रबार, ०९ असार २०७४, ०७ : १९ रमेशकुमार पौडेल


चितवन- नारायणगढ मुग्लिन सडकको कालिखोलामा गएको पहिरोमा पुरिएरको अवस्थामा दुई जना प्रहरीको शव भेटिएको छ। डिएसपी दीपक श्रेष्ठका अनुसार प्रहरी सहायक निरीक्षक निश्चल तामाङ र प्रहरी जवान दीपक कुमार मास्केको शव भेटिएको हो। बाँकीको खोजीकार्य भइरहेको प्रहरीले जनाएको छ।

पहिरोमा पुरिएर इलाका प्रहरी कार्यालय मुग्लिनको एउटा पिकअप भ्यान र मालबाहक ट्रक हराइरहेका छन्। ठाउँ ठाउँमा पहिरो गएका कारण आज सो सडक खण्ड दिनभर प्रभावित हुने सम्भावना छ। नारायणगढ मुग्लिन सडकलाई दुई लेनको बनाउन विस्तारको काम भइरहेको छ। फराकिलो बनाउन पहाड काटेको ठाउँमा पहिरोको समस्या आइरहन्छ ।

प्रहरी भ्यानमा प्रहरी सहायक निरीक्षक निश्चल तमाङको नेतृत्वमा थप तीनजना प्रहरी रहेको जिल्ला प्रहरी कार्यालयको प्रहरी कन्ट्रोल कक्षले जानकारी दिएको छ। 

चितवन जिल्ला प्रहरी कार्यालयका अनुसार बिहीबार गएराति नौ बजे चार किलोमा पहिरो गएको थियो। सो ठाउँको पहिरो सफा गरेर यातायात खुलाएपछि राति एक बजे कार्यालय तर्फ फर्कदै गरेको इलाका प्रहरी कार्यालय मुग्लिनको पिकअप भ्यान इच्छाकामना गाउँपालिका वडा नं. ६ कालिखोलामा पहिरोमा पुरिएको हो। प्रहरीको भ्यानको पछाडि रहेको एउटा मालबाहक ट्रक पनि सोही बेला पुरिएको प्रहरीको भानइ छ।

प्रहरी भ्यानमा प्रहरी सहायक निरीक्षक निश्चल तमाङको नेतृत्वमा थप तीनजना प्रहरी रहेको जिल्ला प्रहरी कार्यालयको प्रहरी कन्ट्रोल कक्षले जानकारी दिएको छ। तमाङ र मास्केको शव भेटिए पनि संदिप कार्की र तिलबहादुर चेपाङ सम्पर्कमा आएका छैनन्। पहिरोमा बगेको मालबाहक ट्रक त्रिशुली नदी किनारमा देखिएको प्रहरीले जानकारी दिएको छ।

ट्रकभित्र रहेका मान्छेहरुको विवरण पनि अज्ञात नै छ । नारायणगढ मुग्लिन सडक निर्माण आयोजनाका इन्जिनियर तथा सुचना अधिकारी शिव खनालका अनुसार चार किलो र कालिखोलामा गएको पहिरोका कारण आज दिनभर यातायात प्रभावित हुने अवस्था छ । कालिखोलाको भन्दा ठुलो पहिरो चार किलोमा गएको छ । दुवै तर्फको पहिरो हटाउन दिनभर पनि लाग्न सक्ने अवस्था छ ।

पहिरोले रातिदेखि नै गाडीहरु रोकिएका छन्। राजधानी काठमाडौं र पर्यटकीय सहर पोखरालाई देशको पुर्वी र पश्चिम भागसँग जोड्ने मुख्य मार्गको रुपमा रहेको नारायणगढ मुग्लिन सडकमा दिनमा १० हजारसम्म गाडीहरु ओहर दोहर गर्छन्। यातायात बन्द हुँदा हज्जारौलाई मर्का पर्छ। घटना स्थलमा चितवनका प्रमुख जिल्ला अधिकारी र प्रहरी प्रमुख पुगेर उद्धार र सुरक्षाको प्रवन्ध मिलाएको प्रहरीको भनाइ छ। 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

बागी २ को ट्रेलर सार्वजनिक, टाइगरको जबरजस्त एक्सन

बागी २ को ट्रेलर सार्वजनिक, टाइगरको जबरजस्त एक्सन

बलिउडको बहुप्रतिक्षित फिल्म ‘बागी २’को ट्रेलर सार्वजनिक भएको छ। फिल्मका प्रमुख कलाकार टाइगर श्राफ र दिशा पटानीले मुम्बईको पीवीआर थियटरमा...

कविशिरोमणि रचनावली प्रकाशित

कविशिरोमणि रचनावली प्रकाशित

कविशिरोमणि लेखनाथ पौड्यालका सम्पूर्ण कृतिहरूको संगालोका रुपमा कृति ‘कविशिरोमणि रचनावली’ बजारमा आएको छ । पाँच खण्डमा समेटिएको कृति कवि शिरोमणिको...

राजधानीमा थपियो नयाँ नाटक घर

राजधानीमा थपियो नयाँ नाटक घर

चिनियाँ कथाकार लु स्युनको कथामा आधारित ‘म्याड म्यान्स डायरी’को मञ्चनसँगै राजधानीमा नयाँ नाटघकर खुलेको छ। ...