एकल साँझमा सुनिँदै अञ्जु

आइतबार, ०१ साउन २०७४, १० : १३ नागरिक


काठमाडौं- झण्डै दुई दशकदेखि नेपाली सांगीतिक क्षेत्रमा सक्रिय गायिका अञ्जु पन्त पहिलोपटक एकल साँझमा गुञ्जिने भएकी छन्। स्टुडियोका रेकर्डिष्टको सहयोगार्थ आगामी भदौ २४ मा प्रज्ञा प्रतिष्ठानमा हुने 'अञ्जु पन्त सुमधुर सन्ध्या–२०७४' मा उनले आफ्ना चर्चित तथा सदाबहार डेढ दर्जन गीत सुनाउनेछिन्।

राजधानीमा शनिबार आयोजित पत्रकार सम्मेलनमा गायिका अञ्जुले पहिलो पटक एकल साँझमा गीत सुनाउने अवसर पाउँदा खुशी लागको बताइन्। 'यसअघि पनि एकल साँझका प्रस्ताव आएका थिए। तर समय अभावले गर्न सकिनँ,' उनले भनिन्, 'यसपटक प्राविधिकबाट अफर आएकाले पनि नाइँ भन्न सकिनँ किनकि म प्राविधिकहरूलाई सधैं सम्मान गर्छु।'

म्युजिक रेर्कडिस्ट एसोसिएशन नेपाल र अञ्जु पन्त फाउन्डेशनको आयोजनामा हुने कार्यक्रमबाट उठेको रकममध्ये खर्च कटाएर बचेको आधा रकम रेर्कडिस्टहरूको संस्था र आधा रकम अञ्जुको फाउन्डेशनमार्फत बालबालिकाका लागि खर्च गरिनेछ।

कार्यक्रममा म्युजिक रेर्कडिस्ट एसोसिएशन नेपालका दीप तुलाधर, संगीतकार संघका अध्यक्ष लक्ष्मण शेष, रोयल्टी समाजका अध्यक्ष सुरेश अधिकारीलगायतले एकल साँझको सफलताका लागि अञ्जुलाई शुभकामना दिए।









यसमा तपाईको मत

अन्य समाचार

कवि बने रंगकर्मी

कवि बने रंगकर्मी

अभिनेता, निर्देशक वा लेखक भएर रंगमञ्चमा व्यस्त भइरहने रंगकर्मीहरू सोमबार भने फरक रूपमा प्रस्तुत भए । मञ्चमा विभिन्न भूमिकामा देखिने...

भारतको पुनेमा नेपाली फिल्म

भारतको पुनेमा नेपाली फिल्म

भारतको पुनेमा आगामी साउन १३ गतेदेखि आयोजना हुन लागेको एक कार्यक्रममा नेपालका १० फिल्म देखाइने भएको छ । ‘इन द...

विवादमा 'छक्का पञ्जा २'को गीत

विवादमा 'छक्का पञ्जा २'को गीत

युट्युबमा सार्वजनिक भएको २४ घण्टा बित्न नपाउँदै फिल्म 'छक्का पञ्जा २'को गीत 'ए दाजु नसमाऊ नारीमा' विवादमा आएको छ। प्रिन्स ...

'ए मेरो हजुर २'को ट्रेलर सार्वजनिक

'ए मेरो हजुर २'को ट्रेलर सार्वजनिक

१३ वर्षअघि निर्मित फिल्म 'ए मेरो हजुर' नाम सापटी लिँदै बनेको 'ए मेरो हजुर २'को ट्रेलर सार्वजनिक भएको छ। अघिल्लो...