यस कारण निगमले रोक्यो भुटान एयरको विमान

आइतबार, ०१ साउन २०७४, १६ : १२ नागरिक


काठमाडौँ –  राष्ट्रिय ध्वजावाहक नेपाल वायुसेवा निगम (नेपाल एयरलाइन्स)ले भुटान एयरलाइन्सको जहाज भाडामा नलिने निर्णय गरेको छ । निगमको यो निर्णयसँगै झण्डै दुई महिना अन्तर्राष्ट्रिय उडान कटौती प्रभावित हुने भएको छ । 

निगमको एक मात्र बोइङ कलसाइन ९ एनएसिबी ५७५ विमान मर्मत गर्न सिङ्गापुर लगिने भएपछि मर्मत अवधिभर ४५ देखि ६० दिन भुटान एयरलाइन्सको विमान भाडामा लिने निर्णय गरेको थियो । तर, भुटान एयरलाइन्सको उक्त विमान पुरानो भएको र नेपाली हवाई नीतिअनुसार प्रयोग गर्न नमिल्ने भएपछि संस्कृति, पर्यटन तथा नागरिक उड्डयन मन्त्रालयले विमान नलिने निर्णय गरेको थियो। 

मन्त्रालयको निर्णयअनुसार निगमले पनि भुटान एयरलाइन्सको जहाज नलिने निर्णय गरेको हो । निगमको बोइङ मर्मतका लागि गत शुक्रबार सिङ्गापुर पठाइएको निगमले जनाएको छ । बोइङ मर्मतमा गएपछि अन्तर्राष्ट्रिय उडान संख्या केही कटौती हुने निगमका महाप्रबन्धक सुगतरत्न कंशाकारले जानकारी दिए। 

उनले मर्मतअवधिभर निगमले कुनै पनि विमान भाडामा नलिने बताए । निगमले एक बोइङ र दुई एयरबसबाट सातामा ३७ उडान भर्दै आएकामा बोइङ मर्मतमा गएपछि सातामा १७ उडान कटौती गरेको छ। 

बोइङ नभएपछि भारतको नयादिल्ली र बैंगलोर र मलेसियाको क्वालालम्पुरका केही उडान कटौती भएको निगमले जनाएको छ । निगमका प्रवक्ता रवीन्द्र श्रेष्ठका अनुसार बोइङ मर्मतमा गएपछि निगमलाई करोडौँ घाटा लाग्ने बताए। 

“बेचिसकेको करिब छ हजार टिकट अन्य कम्पनीको विमानबाट पठाउनुपर्‍याे, कतिपय यात्रुलाई होटलमा राख्नुपर्ने केहीको पैसा फिर्ता गर्नुपर्ने हुन्छ, यसले त धेरै घाटा हुन्छ निगमलाई”–उनले भने। 

निगमको बोइङ बि ७५७ विमानले काठमाडौँबाट १८४ यात्रु लिएर क्वालालम्पुर गएको थियो भने त्यहाँबाट खाली सिङ्गापुर लगिएको थियो । यो बोइङ मर्मत गर्न ४५ देखि ६० दिन लाग्नसक्ने निगमको भनाइ छ। 

हवाई नीति २०६३ को कार्यनीतिअन्तर्गत बुँदा ५।२ मा ‘उडान सुरक्षा’ शीर्षकमा उल्लेख भएअनुसार ‘प्रेसराइज्ड वायुयानको हकमा १५ वर्षभन्दा पुरानो वा इकोनोमिक डिजाइन लाइफको ७५ प्रतिशत पूरा गरेको वा ४५ हजार प्रेसराइजेसन साइकल पूरा गरेको जुन पहिला हुन आउँछ त्यस्ता वायुयान आयात गर्न निषेध गरिनेछ। 

त्यस्तै बुँदा ५.२.२.मा प्रेसराइज्ड नभएका वायुयानको हकमा आयात गरिने वायुयानको केश टु केश वेसिसमा वायुयानको पूर्ण विवण जाँच गरी निर्णय गरिनेछ । तर २० वर्षभन्दा पुराना वायुयानलाई आयात गर्न सामान्यतया अनुमति प्रदान गरिने छैन्। 

निगमले ‘ग्लोबल टेण्डर’ बाट छनोटमा परेको भुटान एयरलाइन्सको १६ वर्ष आठ महिना पुरानो विमान भाडामा ल्याउन लागेको भन्दै आलोचना भएको थियो । निगमका प्रवक्ता श्रेष्ठले मन्त्रालयको निर्णयबमोजिम भुटान एयरलाइन्सको विमान नलिने निर्णय भएको बताए। “हवाई नीतिको व्याख्या नमिलेर निर्णय स्थगित भएको हो । भुटानको विमान दुई महिनाका लागि ल्याइने हो सधैँका लागि त होइन”– उनले भने। 

निगम सञ्चालक समिति अध्यक्षसमेत रहेका पर्यटन मन्त्रालयका सचिव शंकरप्रसाद अधिकारीले नियामक निकाय नेपाल नागरिक उड्डयन प्राधिकरण (क्यान)ले हवाई नीतिअनुसार प्रश्न उठाएकाले मन्त्रालयले नीति परिमार्जन नभएसम्म रोक्ने निर्णय गरेको जानकारी दिए। 

“भुटान एयरलाइन्सको विमान बढीमा ६० दिनको भाडा हो यसमा निगमका महाप्रबन्धकले नै निर्णय गर्नसक्नुहुन्छ, तर क्यानले हवाई नीतिअनुरुप प्रश्न उठाएकाले पछि विवादमा नआओस् भनेर रोकिएको हो”– उनले भने। निगमले हाल आठ गन्तव्यमा अन्तर्राष्ट्रिय उडान भर्दै आएको छ । सिबी अधिकारी/रासस 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘पद्मावती’ विवाद

‘पद्मावती’ विवाद

महंगो सेटमा फिल्म बनाउन माहिर बलिउड निर्देशक सञ्जय लीला भन्सालीको फिल्म ‘पद्मावती’को फष्र्टलुक सार्वजनिक हुनासाथ फिल्मकर्मीदेखि दर्शकसम्मले फष्र्टलुकको तारिफ गरे...

फूलमानको ‘नीरफूल’मा म्यान्मारका राजदूत दम्पती

फूलमानको ‘नीरफूल’मा म्यान्मारका राजदूत दम्पती

सञ्चारकर्मी फूलमान बलको निर्देशन रहेको फिल्म ‘नीरफूल’मा म्यान्मारका राजदुत ऊ लिउन ऊ देखिने भएका छन् । भूकम्पले तितर वितर पारेको...

दसैंका गीतमा पीडा

दसैंका गीतमा पीडा

वाल्यकालमा औंला भाँँच्दै धेरैले यही गीत गाउँदै दसैंलाई निम्ता दिन्थे । यो गीत गाउँदा घरमै दसैं आइसकेको धेरैलाई आभाष हुन्थ्यो...

तीन फिल्मसँग आउँदै ‘तान्द्रो’

तीन फिल्मसँग आउँदै ‘तान्द्रो’

आगामी कात्तिक २४ गते ‘सकस’, ‘रोमियो’ र ‘मेला’ रिलिज हुने चर्चा चलिरहँदा यही मितिमा अर्को फिल्म ‘तान्द्रो’ पनि रिलिज हुने...