सरकारले २ महिनाभित्र सिटामोल उत्पादन गर्ने

सोमबार, ०२ साउन २०७४, ११ : १४ नागरिक


काठमाडौं- सरकारबाट सञ्चालिन नेपाल औषधी लिमिटेडले दुई महिनाभित्रमा सिटामोल उत्पादन गर्ने भएको छ। वैशाख महिनामा जिवनजल उत्पादन गरेर पुन सञ्चालनमा आएको यस उद्योगले थप औषधीहरू उत्पादन गर्दै जाने बताएको छ।

उद्योग बन्द भएको ७ वर्षपछि तत्कालिन उद्योग मन्त्री नविन्द्रराज जोशीको पहलमा औषधी लिमिटेडलाई पुन संचालनमा आएको थियो। पुन सञ्चालनमा ल्याउँदै दूई वर्षभित्रमा नाफामा जाँदा आधारभूत आवश्यकताका सम्पुर्ण औषधी उत्पादन गर्ने योजना सार्वजनिक गरिएको थियो।

उक्त योजना अनुरुप काम भएको नभएको बारेमा बुझ्न पूर्व मन्त्री जोशी आइतबार औषधी लिमिटेडमा पुगेका थिए। 'हालसम्मको प्रगति सन्तोषजनक नै रहेको छ,' आइतबार निरीक्षणको क्रममा जोशीले भने, 'यसको योजना अनुसार आगामी दुई वर्षभित्रमा आफै नाफामा गएर औषधी उत्पादन गर्नुपर्छ।'

औषधी लिमिटेडका महानिर्देशक रोभस कुशम सुवेदीले विश्व स्वास्थ्य संगठनको मापदण्ड अनुसार जिएमपी मोडलमा उत्पादन सुरु गर्न लागेको बताए। 'जिएमपी अनुसार औषधी उत्पादन गर्ने पूर्ण तयारी गरिरहेका छौं,' सुवेदीले भने, 'दुई महिनाभित्रमा उक्त मोडलमा हामी जादैछौं।'

यस उद्योगबाट ५० वर्षमाथीका विरामीलाई चाहिने औषधी र बच्चालाई चाहिने पौष्टिक आहार उत्पादन गर्ने तयारी समेत गरेको पूर्वमन्त्री जोशीले बताए। जोशीले सरकारले ७५ जिल्लामा ७० प्रकारको औषधी किनेर वितरण गर्दै आएको भन्दै त्यसमध्ये १० प्रतिशतमात्र पनि दिन सकेमा उद्योग सञ्चालन गर्न सकिने बताए।

हाल उद्योगले दैनिक ८ हजार प्याकेट जिवनजल उत्पादन गरिरहेको छ। अब वयस्कहरूका लागि पनि जिवनजल चाहिएको माग आइरहेकाले उक्त उत्पादन पनि गर्ने सुवेदीले बताए।

वैशाख १ गतेसम्म ४० थरी औषधी उत्पादन गर्ने लक्ष्य सहितको समय तालिका बनाएर काम सुरु गरेको जानकारी गराए। २०७६ वैशाख १ गतेभित्र सबै प्रकारका औषधी उत्पादन गर्ने लक्ष्य राखिएका छ।

स्वदेशमा आवश्यक पर्ने औषधि उत्पादनका लागि २०२९ सालमा स्थापना गरिएको उद्योग २०६६ सालमा उत्पादन बन्द गरेको थियो। उद्योग बन्द गर्नुको प्रमुख कारण आर्थिक घाटा भन्दा पनि विश्व स्वास्थ्य संगठनको मान्यता अनुसार जिएमपी मोडलमा जान नसक्नु थियो। जिएमपी मोडल भनेको औषधी उत्पादन गर्ने उपकरण र कोठा पूर्णतः कीटाणुविहीन तथा हावा छिर्न नसक्ने अवस्थाको हुनु हो। विगतमा यस उद्योगले १२० थरिका औषधीहरु उत्पादन गरेको थियो।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

ऋतिकका लागि १० करोडमा मुम्बईमै बनाइयो ‘बिहार’

ऋतिकका लागि १० करोडमा मुम्बईमै बनाइयो ‘बिहार’

ऋतिक रोशन चाँडै फिल्म ‘सुपर ३०’ मा आनन्द कुमारको भुमिकामा देखिने भएका छन्। उक्त फिल्मको शुटिङ सुरु भइसकेको छ। फिल्म...

दीपक रायमाझीको अन्तिम फिल्म आउँदै

दीपक रायमाझीको अन्तिम फिल्म आउँदै

स्व. निर्देशक दीपक रायमाझीको ‘ड्रिम प्रोजेक्ट’ का रूपमा रहेको फिल्म ‘डेस्टिनेशन काठमाडौं’ २ चैतमा देशव्यापी प्रदर्शनमा आउने भएको छ ।...

जेठमा उड्छ ‘चंगा’ !

जेठमा उड्छ ‘चंगा’ !

पोष्ट प्रोडक्सनमा रहेको फिल्म ‘चंगा’ अर्को वर्षको जेठ २५ गते रिलिज हुने भएको छ । निर्माता तथा निर्देशक किशोर भण्डारी...

नेपाल भाषा संगीत साँझ हुने

नेपाल भाषा संगीत साँझ हुने

कलाकारको स्वास्थ्य कोष स्थापनाका लागि नेपाल भाषाकी गायिका दीपा महर्जन नयाँ वर्षको अवसर पार्दै राजधानीमा ‘एकल लाइभ म्युजिक इभेन्ट’ मा...