नेपाली टोलीको एसिया कप लक्ष्य

आइतबार, २५ भदौ २०७४, १० : ०२ कमल खत्री  | @kamalkc4


मलेसिया- एसियाली क्रिकेट परिषद् (एसीसी) ले पहिलो पटक आयोजना गरेको एसिसी यु १९ एसिया कपको पूर्वी क्षेत्रको छनोटमा नेपालले सोमबार थाइल्यान्डविरुद्धको खेलबाट प्रतियोगिता सुरु गर्दै छ । प्रतियोगिताजस्तै पहिलो पटक नेपाली यु–१९ टोलीको कप्तानी सम्हालेका दीपेन्द्रसिंह ऐरीले उपाधि जित्दै एसिया कप खेल्ने लक्ष्यका साथ मलेसिया भ्रमणमा निस्किएको बताएका छन् ।

‘यो प्रतियोगिता खेल्न पाएकोमा सबै खेलाडी उत्साहित छन् । हामीले धेरै मिहिनेत पनि गरेका छौं,’ राष्ट्रिय टोलीबाट समेत खेलिसकेका कप्तान ऐरीले थपे, ‘राम्रो क्रिकेट खेल्दै अघि बढ्न चाहन्छौं ।’

प्रतियोगिताको समूह ‘ए’ मा रहेको नेपालले थाइल्यान्डविरुद्ध क्लब ओमानमा खेल्नेछ । बुधबार भुटानसँग दोस्रो तथा बिहीबार किन्नरा ओभलमा सिंगापुरविरुद्ध समूह चरणको अन्तिम खेल खेल्नेछ । शुक्रबार मलेसिया आइपुगेको नेपाली टोलीले शनिबार किन्नरा ओभलमा अभ्यास थालेको छ ।

प्रतियोगिताको समूह ‘बी’ मा आयोजक मलेसिया, चीन, हङकङ र म्यानमार रहेका छन् । दुवै समूहका शीर्ष दुई टोलीले अन्तिम चारमा स्थान बनाउनेछन् । फाइनल पुग्ने २ टोलीले यु–१९ एसिया कपमा स्थान बनाउनेछन् ।

नेपाली यु–१९ टोलीका प्रशिक्षक विनोद दासले खेलाडीले आत्मविश्वासका साथ खेले राम्रो नतिजा निकाल्न सकिने बताए । प्रशिक्षक दासले थपे, ‘अन्य टोलीभन्दा नेपालको स्तर राम्रो छ । खेलाडीले आत्मविश्वासका साथ प्रदर्शन गरे भने हामी च्याम्पियन बन्न सक्छौं ।’

शनिबार भएको पत्रकार सम्मेलनमा कप्तान ऐरीले उमेरसमूहका टोलीबाट धेरै खेलाडीले राष्ट्रिय टोलीमा स्थान बनाउने भएकाले प्रतियोगिता महत्वपूर्ण भएको बताए ।

‘प्रतियोगिताका लागि हामीले राम्रो तयारी गरेका छौं । यसलाई हामीले माथिल्लो स्तरको क्रिकेट खेल्ने ढोकाको रूपमा लिएका छौं । फाइनलमा स्थान बनायौं भने एसिया कपमा छनोट हुनेछौं,’ कप्तान ऐरीले थपे, ‘त्यसैले हामीलाई माथिल्लो स्तरको अनुभव हासिल गर्न यो प्रतियोगिता महत्वपूर्ण छ ।’

नेपाल साउनमा आइसिसी यु–१९ विश्वकप एसियाली छनोट प्रयितोगिताका लागि सिंगापुर भ्रमण गरेको थियो । उक्त प्रतियोगितामा ब्याटिङ चल्न नसकेपछि नेपालको यु–१९ विश्वकप खेल्ने सपना समाप्त भएको थियो । त्यति बेला कप्तानको भूमिकामा रहेका स्पिनर सन्दीप लामिछानेले प्रतियोगिताकै सबैभन्दा धेरै २४ विकेट लिएका थिए । त्यस्तै दीपेन्द्रसिंहले नेपालबाट सबैभन्दा धेरै १ सय ३१ रन बनाएका थिए ।

तथापि त्यति बेलाको टोलीमा केही परिवर्तन गरिएको छ । यु–१६ टोलीका पूर्वकप्तान सुमित महर्जन, अलराउन्डर सन्दीप जोरा, लेग स्पिनर विक्रमकुमार भुसाल र तीव्र गतिका बलर नन्दन यादव टोलीमा समेटिएका छन् । उनीहरूले ब्याट्सम्यान आदिल खान, विकेटकिपर प्रकाश केसी, तीव्र गतिका बलर रिजन ढकाल, बायाँहाते स्पिनर ललितनारायण राजवंशीलाई प्रतिस्थापन गरेका हुन् ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

दयाहाङ किराँत संग्रहालयको सद्भावना दूत

दयाहाङ किराँत संग्रहालयको सद्भावना दूत

अभिनेता दयाहाङ राईलाई खोटाङको ऐसेलुखर्क–५ रिब्दुङ महेश्वरीमा निर्माण सुरु गरिएको किराँत संग्रहालयको सद्भावना दूत बनाइएको छ। ...

सञ्जय दत्तको बायोपिक फिल्ममा विवाद

सञ्जय दत्तको बायोपिक फिल्ममा विवाद

बलिउडका अभिनेता सञ्जय दत्तको जीवनीमा आधारित बायोपिक फिल्मको नाममा विवाद भएको छ। निर्देशक राजकुमार हिरानी र निर्माता विनोद चोपडा फिल्मको नाम...

जोहारीको ‘याँ सम्झिने कोई भएन’ को भिडियो सार्वजनिक

जोहारीको ‘याँ सम्झिने कोई भएन’ को भिडियो सार्वजनिक

गायक वीरेन्द्र जोहारी नयाँ देउडा गीतका साथ दर्शकश्रोता समक्ष आएका छन्। पेशाले नेपाल प्रहरीको प्रहरी नायव निरीक्षक पदमा कार्यरत जोहारीले...

मिथिला माध्यमिकी परिक्रमा आज महोत्तरीमा

मिथिलाको महाकुम्भ भनिने मिथिला माध्यमिकी परिक्रमाका यात्री आज महोत्तरी जिल्ला प्रवेश गरेका छन्। ...