जर्मनी र इङ्ल्यान्डको टिकट पक्का

शनिबार, २१ असोज २०७४, ०९ : १३ नागरिक


पेरिस- साबिक विजेता जर्मनीले बिहिबार नर्दन आयरल्यान्डलाई ३–१ ले हराउँदै अर्को वर्षका रसिया यात्रामा पक्का गर्दा इङ्ल्यान्डले पनि स्लोभेनियामाथि १–० को विजय हासिल गर्दै विश्वकपमा स्थान सुनिश्चित गर्यो ।

सेबास्टिन रुडी र सान्ड्रो वाग्नरले पहिलो हाफमा गरेको गोलमा जोसुवा किमिचले दोस्रो हाफमा अर्को गोल थपेपछि समूह ‘सी’ मा रहेको जोचिम लोउको टोलीले छनोट प्रतियोगिताको ९ खेलमा शतप्रतिशत नतिजा निकाल्न सफल भयो । चार पटकको विश्वविजेता जर्मनीले अपराजित यात्रालाई कीर्तिमानी ४७ खेलसम्म लम्बाएको छ । जुन १९३४ को भन्दा बढी हो ।

‘रसिया यात्रा पक्का गर्नु खुसीको कुरा हो । हामी विश्वकप उपाधि रक्षा गर्न चाहन्छौं,’ पहिलो अन्तर्राष्ट्रिय गोल गरेका बायर्न म्युनिखका मिडफिल्डर रुडीले भने । जोस मागेनिजको गोलबाट खेलमा फर्कने प्रयास गरे पनि नर्दन आयरल्यान्ड सफल भएन । १९८६ पछि पहिलो पटक विश्वपकमा स्थान पक्का गर्न अब नर्दन आयरल्यान्डलाई प्लेअफ बाट गुज्रिनुपर्नेछ ।

यस जितपछि ९ खेलको समाप्तिमा २७ अंक जोडेको जर्मनी शीर्ष स्थानमा यथावत् छ । समान खेलबाट १९ अंक जोडेको नर्दन आयरल्यान्डको प्लेअफ खेल्ने पक्का छ । छनोट चरणको एक खेल मात्र बाँकी रहँदा १४ अंक जोडेको चेक रिपब्लिकले नर्दन आयरल्यान्डलाई भेट्टाउने सम्भावना समाप्त भैसकेको छ ।

कप्तानको जिम्मेवारीमा रहेका इङ्ल्यान्डका स्ट्राइकर ह्यारी केनले अन्तिम मिनेटमा गरेको गोल स्लोभेनियालाई हराउन पर्याप्त भयो ।

वेम्बली रंगशालामा केनले केली वाल्करको क्रसमा ९४औं मिनेटमा गोल गरेका हुन् । यससँगै इङल्यान्डले लगातार छैटौं पटक विश्वपकमा स्थान पक्का गर्न सफल भयो । इङ्ल्यान्डको विश्वकप टिकट पक्का गरिरहँदा स्लोभेनियाको सम्भावना भने समाप्त भएको छ ।

‘यो ठूलो राहत होइन किनभने हामी विश्वकपमा छनोट हुन सक्षम टोली हौं र हाम्रो छनोट आश्यर्चजनक छैन,’ इङ्ल्यान्डका प्रशिक्षक साउथगेटले भने, ‘आज हामीले उत्कृष्ट टोली भएको प्रमाणित ग¥यांै । मलाई विश्वकपमा छनोट गराउने जिम्मेवारी दिइएको थियो । हामीले क्रमिक रूपमा सुधार गर्दै त्यो जिम्मवारी पूरा ग¥यांै । टोलीमा अझै सुधार आवश्यक छ किनभने हामीले अझै महŒवपूर्ण र कठिन यात्रा तय गर्न बाँकी छ ।’

समूह चरणको नौ खेलको समाप्तिसम्म इङ्ल्यान्ड अपराजित रहेको थियो । युरोपेली छनोटको प्रत्येक समूहमा शीर्ष स्थानमा रहने टोली स्वतः विश्वकपमा छनोट हुनेछ । दोस्रो स्थानको टोलीले भने प्लेअफमार्फत पुनः एक पटक भाग्य परीक्षणको मौका पाउनेछ ।

९ खेलको समाप्तिमा ७ जित र २ बराबरीपछि २३ अंक जोडेको इङ्ल्यान्ड शीर्ष स्थानमा छ । समान खेलमा १७ अंक जोडेको स्कटल्यान्ड दोस्रो स्थानमा र १५ अंक जोडेको स्लोभाकिया तेस्रो स्थानमा छन् ।

शुक्रबारै सम्पन्न समूहको अर्को खेलमा स्कटल्यान्डले १० खेलाडीमा सीमित हुँदै खेलको अन्त्य गरेको स्लोभाकियालाई १–० ले पराजित गर्दै प्लेअफमा छनोट हुने सम्भावना बलियो पारेको हो । खेल सकिन एक मिनेट बाँकी छँदा स्लोभाकियाका मार्टिन स्क्रिटले गरेको आत्मघाती गोल नै स्कटल्यान्डलाई महŒवपूर्ण तीन अंक दिलाउन पर्याप्त भयो । त्यस्तै माल्टा र लिथुवानियाले १–१ को बराबरी खेले ।

बायर्न म्युनिखका फरवार्ड रोबर्ट लेवान्डोबस्कीको ह्याट्रिकप्रेरित पोल्यान्डले आर्मेनियालई ६–१ ले पराजित गर्दै विश्वकप छनोट सम्भावना थप बलियो पारेको छ । ९ खेलको समाप्तिमा २२ अंक जोडेको पोल्यान्ड समूह ‘इ’ को शीर्ष स्थानमा छ । समान खेलमा १९ अंक जोडेको डेनमार्क दोस्रो र १६ अंक जोडेको मोन्टेनेग्रो तेस्रो स्थानमा छन् । क्रिस्टियन इरिक्सनको निर्णायक गोलप्रेरित डेनमार्कले मोन्टेनेग्रोलाई १–० ले पराजित गर्दै विश्वकपमा छनोट हुने गणितीय सम्भावना बाँकी राखेको हो । छनोट चरणको अन्तिम खेलमा मोन्टेनेग्रोलाई बराबरीमा रोके मात्र पनि पोल्यान्डको विश्वकप यात्रा पक्का हुनेछ । डेनमार्कको प्लेअफ खेल्ने सम्भावना बलियो छ ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...