एमालेद्वारा ४६ जना उम्मेदवार सिरफारिस, संघमा थापा सर्वसम्मत

शनिबार, २१ असोज २०७४, १७ : ०९ कृष्ण ओली


बाजुरा – नेकपा एमाले बाजुराले आसन्न प्रदेश र संघको निर्वाचनका लागि ४६ जना उम्मेदवारको नाम केन्द्रमा सिफारिस गरेको छ । प्रतिनिधि सभा र प्रदेश सभाको प्रत्यक्ष र समानुपातिक तर्फगरी ४६ जनाको नाम सिफारिस गरेको हो ।

प्रतिनिधि सभाको प्रत्यक्ष तर्फ एमाले केन्द्रीय सदस्य लालबहादुर थापा र समानुपातिक तर्फ दयालबहादुर शाही (खुुल्ला), मिनबहादुर विष्ट (दुर्गम), काशी विक (दलित) र मन्देवी ओली (महिला) सर्वसम्मत सिफारिसममा परेका छन्। 

एमालेले प्रदेश तर्फ भने जम्बो टोली सिफारिस गरेको छ । प्रदेश सभा निर्वाचन क्षेत्र १ प्रत्यक्ष तर्फ ६ जना र समानुपातिक तर्फ २१ जनाको नाम सिफारिस गरी पठाएको प्रदेश सभा निर्वाचन क्षेत्र १ समन्वय कमिटी संयोजक पेम्बा गुरुङ भोटेले जानकारी दिए ।

यसैगरी प्रदेश सभा निर्वाचन क्षेत्र २ मा प्रत्यक्ष तर्फ ५ जना र समानुपातिक तर्फ ७ र पेशागत समूहबाट २ जनाको नाम सिफारिस गरेको प्रदेश सभा निर्वाचन क्षेत्र २ समन्वय कमिटी संयोजक एवं पार्टी प्रचार विभाग प्रमुख अमर खड्काले जानकारी दिए । 

प्रदेश सभा निर्वाचन क्षेत्र १ प्रत्यक्ष तर्फ निर्मला रोकाया, पूर्ण रावल, बल्देव रेग्मी, राजबहादुर गिरी, रंगमान शाही र हिक्मतबहादुर शाहीको नाम सिफारिस गरिएको छ । सिफारिसमा परेको रेग्मी पार्टी सचिव हुन् भने रंगमान शाही पूर्व पार्टी उपाध्यक्ष र हिक्मत बहादुर शाही पूर्व सांसद हुन् । 

गिरी सुदरपश्चिम विकास आयोग सदस्य पदमा कार्यरत छन् भने रावत एमाले सचिवालय सदस्य र रोकाया अनेमसंघमा आवद्ध छन् । त्यस्तै समानुपातिक तर्फ नीरबहादुर शाही, नन्दबहादुर शाही, वीरबहादुर शाही, नन्द बहादुर रोकाया, मनलाल विष्ट, सर्पलाल गिरी, रामलाल कार्कीको नाम खुला तर्फ सिफारिस गरिएको छ । 

यस्तै कोपिला शाही, दुधकला ताम्राकार, लक्ष्मी धराला, शुशिला शाही, उज्जला बुढा, महिला कोटामा सिफारिस भएका छन् । भने, मूल्हाम थापा, नृप थापा, दावा गुरुङ्ग र सर्पलाल गुरुङ्ग जनजाति, मोहनलाल नेपाली, जयलाल विक, शंकर चदारा, रत्ने नेपाली र दिपक साहनी दलित कोटाबाट सिफारिस भएका छन् । 

यसैगरी प्रदेश सभा निर्वाचन क्षेत्र २ मा प्रत्यक्ष तर्फ चन्द्र थापा, नरेश रोकाया, प्रकाश शाह, भरत थापा र बसुन्धरा रोकाया सिफारिसमा परेका छन्। सिफारिस भएका शाह एमाले वैकल्पिक केन्द्रीय सदस्य र पूर्व पार्टी अध्यक्ष हुन् । रोकाया अनेरास्ववियुको केन्द्रीय सचिवालय सदस्य हुन् । 

बसुन्धरा रोकाया सांसद हुन् भने भरत थापा र चन्द्र थापा एमाले सचिवालय सदस्य हुुन् । यस्तै समानुपातिक तर्फ कर्णबहादुर थापा खुला तर्फ सिफारिस भएका छन् । थापा एमाले पोलिटव्यूरो सदस्य, पूर्व उद्योग मन्त्री र प्रदेश नम्बर ७ का सहसंयोेजक हुन् ।

काशी नेपाली, रमेश नेपाली, लक्ष्मी विक, विमला थापा सिता बराल थापा र बुद्धी बोगटी सिफारिसमा परेका छन् । शुक्रबार राती  सकिएको बैठकले शिक्षक तुला थापा र जहरसिंह थापालाई पेशागत तर्फबाट उम्मेदवार सिफारिस गरेको छ ।

संघमा लालबहादुर थापा सर्वसम्मत  

नेकपा एमालेले प्रतिनिधि सभाको प्रत्यक्ष तर्फ एमाले केन्द्रीय सदस्य लालबहादुर थापा सर्वसम्मत सिफारिस भएका छन् । पूर्व पार्टी जिल्ला अध्यक्ष, तत्कालिन जिल्ला  विकास समिति पूर्व सभापति थापा बाजुराका लोकप्रिय नेता भित्र पर्दछन् । 

जनतामाझ प्रिय थापालाई अघि सार्दा जितका लागि सजिलो हुने आँकलनका आधारमा एमालेले अघि सारेको हो । एमालेले समानुपातिक तर्फ दयालबहादुर शाही (खुुल्ला), मिनबहादुर विष्ट (दुर्गम), काशी विक (दलित) र मन्देवी ओली (महिला) सर्वसम्मत सिफारिसममा परेका छन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सुटिङका लागि नेपाल आउँदै अर्जुन-परिणिती

सुटिङका लागि नेपाल आउँदै अर्जुन-परिणिती

अभिनेता अर्जुन कपुर र अभिनेत्री परिणिती चोपडाको अभिनय रहने नयाँ फिल्म ‘सन्दीप और पिंकी फरार’ को सुटिङ नेपालमा पनि गरिने...

सकियो श्वेताको ‘कान्छी’

सकियो श्वेताको ‘कान्छी’

नायिका तथा निर्मात्री श्वेता खड्काले निर्माण गरेको फिल्म ‘कान्छी’ को छायांकन सकिएको छ । आकाश अधिकारी निर्देशित फिल्मले ५० दिनको...

‘कसले बजाउने बिनायो र मुर्चुङ्गा ?’

‘कसले बजाउने बिनायो र मुर्चुङ्गा ?’

दुई दशक अघिसम्म खोटाङको हलेसी तुवाचुङ नगरपालिका–३ च्यास्मीटारका टोल–टोलमा बिनायो र मुर्चुङ्गा बज्थे । मेलापात घाँस–दाउरा, हाटबजार, अर्मपर्मका बेला घन्किने...

तस्विरमा कलाकारको भाइटीका

तस्विरमा कलाकारको भाइटीका

तिहारको अन्तिम दिन शनिबार दिदीबहिनीले दाजुभाइलाई र दाजुभाइले दिदी बहिनीलाई यश, ऐश्वर्य र दीर्घायुको कामना गर्दै आ–आफ्नो परम्पराअनुसार पञ्चरंगी वा...