भूकम्पपीडितलाई अग्रिम तेस्रो किस्ता

बिहिबार, २६ असोज २०७४, ०८ : ४३ नागरिक


काठमाडौं- सरकारले घर निर्माण सुरु गरी दोस्रो किस्ताका लागि योग्य भएका भूकम्पपीडितलाई तेस्रो किस्ताको अनुदान अग्रिम वितरण गर्ने भएको छ । निजी आवास पुनर्निर्माणलाई तीव्रता दिन सरकारले यस्तो योजना ल्याएको हो ।
दोस्रो किस्ताका लागि योग्य लाभग्राहीले गाउँपालिका वा नगरपालिकाको सिफारिसमा तेस्रो किस्ता अग्रिम लिन सक्ने राष्ट्रिय पुनर्निर्माण प्राधिकरणका प्रवक्ता यमलाल भुसालले जानकारी दिए । स्थानीय तहको जिम्मामा लाभग्राहीलाई पाँच महिनाभित्र घर सम्पन्न गर्ने सर्तमा तेस्रो किस्ताको अनुदान अग्रिम रुपमा वितरण गर्न लागिएको उनले बताए । प्राधिकरणको उक्त प्रस्तावलाई अर्थ मन्त्रालयबाट स्वीकृत भएको जानकारी दिँदै प्रवक्ता भुसालले यसलाई तत्काल कार्यान्वयनमा लगिने बताए ।
यो व्यवस्थाले निजी आवास पुनर्निर्माणमा तीव्रता दिन ठूलो सहयोग पुग्ने प्राधिकरणको विश्वास छ । लाभग्राहीले भूकम्पबाट क्षतिग्रस्त निजी आवास पुनर्निर्माणका लागि सरकारबाट तीन लाख रुपैयाँ अनुदान पाउने व्यवस्था छ । पहिलो किस्ताको अनुदान लिएका लाभग्राहीले घरको जग उठाएपछि दोस्रो किस्तामा डेढ लाख रुपैयाँ पाउँछन् । घर निर्माण सम्पन्न गरेपछि तेस्रो किस्ताबापतको एक लाख पाउने व्यवस्था निजी आवास पुनर्निर्माण सम्बन्धी कार्यविधिमा गरिएको छ ।
प्राधिकरणको तथ्यांक अनुसार हालसम्म ६ लाख नौ हजार नौ सय ४० लाभग्राहीले पहिलो किस्ताको अनुदान लिएका छन् । दोस्रो र तेस्रो किस्ता लिने लाभग्राही संख्या क्रमशः ७९ हजार एक सय १४ र सात हजार नौ सय ९४ छ । सरकारसँग अनुदान सम्झौता गरेका कुल लाभग्रही ६ लाख ४० हजार दुई सय ७४ छन् ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

मुसहरबासीले धुर्मुस सुन्तलीको पुजा गर्दै लक्ष्मी भित्र्याए

मुसहरबासीले धुर्मुस सुन्तलीको पुजा गर्दै लक्ष्मी भित्र्याए

धुर्मुस सुन्तलीले निर्माण गरेको एकिकृत नमूना मुसहर बस्तीमा बसिरहेका स्थानीयहरुले उनीहरुको तस्बिरमा पुजा गर्दै लक्ष्मी भित्र्याएका छन् । धुर्मुस सुन्तली...

तिहारलाई कोसेली ‘रानी’ र ‘रुद्रप्रिया’

तिहारलाई कोसेली ‘रानी’ र ‘रुद्रप्रिया’

तिहारलाई लक्षित गर्दै बिहीबार अर्थात लक्ष्मीपूजाको दिनबाट दुई फिल्म ‘रुद्रप्रिया’ र ‘रानी’ प्रदर्शनमा आउँदैछन् । चाडबाडलाई लक्षित गरी फिल्म प्रदर्शन...

कार्यक्रमको सभापति नै आलु  !

कार्यक्रमको सभापति नै आलु !

कुनै पनि औपचारिक कार्यक्रममा उद्घोषकले विशिष्ट व्यक्तिलाई प्रमुख अतिथी वा सभापति राखेर कार्यक्रम सञ्चालन गर्छन् । तर, मंगलबार यस्तो परम्पराभन्दा...

विप्लवको ‘अभिजित’

कवि तथा गीतकारका रूपमा परिचित विप्लव प्रतीक उपन्यासकारको रूपमा पाठक माझ आउने भएका छन् । ‘अविजित’ शीर्षकको उपन्यास कात्तिक ११...