पानामालाई पहिलो पटक टिकट

बिहिबार, २६ असोज २०७४, ०९ : १८ नागरिक


कोभा- पानामाले पहिलो पटक विश्वकपको यात्रा पक्का गर्दा ट्रिनिडाड एन्ड टोबागोसँग अप्रत्याशित हार बेहोरेको अमेरिका छनोट चरणबाटै बाहिरिएको छ । कन्काकाफ छनोटको अन्तिम खेलमा कोस्टारिकामाथि २–१ को जित हात पार्दै पानामाले रूस विश्वकप २०१८ को यात्रा पक्का गरेको हो ।
३६औं मिनेटमा जोन भेगिनासले गरेको गोलमा कोस्टारिकाले अग्रता लिएको थियो ।
५२औं मिनेटमा ग्याब्रियल टोरेसले गोल गर्दै पानामालाई खेलमा फर्काएका थिए । खेल सकिन तीन मिनेट बाँकी छँदा रोमन टोरेसले गरेको गोलमा पानामाले विश्वकप सपना साकार पारेको थियो ।
यसअघि नै छनोट चरणबाट बाहिरिसकेको ट्रिनिडाड एन्ड टोबागोलाई २–१ को नतिजा सुम्पिएपछि अमेरिकाको विश्वकप यात्रामा पूर्ण विराम लागेको हो ।
१७औं मिनेटमा अमेरिकाका ओमर गोन्जाल्वेजले गरेको आत्मघाती गोलमा ट्रिनिडाड एन्ड टोबागोले अग्रता लिएको थियो । ३७औं मिनेटमा एल्भिन जोन्सले गोल गर्दै ट्रिनिडाड एन्ड टोबागोको अग्रता दोब्बर पारेका थिए ।
पानामाको जित र आफ्नो हारले दबाबमा आएको अमेरिका होन्डुरसले शीर्ष स्थानको मेक्सिकोलाई ३–२ ले पराजित गरेपछि छनोट चरणबाटै बाहिरिएको हो । अमेरिका सन् १९८६ पछि विश्वकपको छनोट चरणबाट बाहिरिएको यो पहिलो पटक हो ।
कन्काकाफ छनोटको शीर्ष तीन टोलीले स्वतः विश्वकपमा स्थान सुरक्षित गर्दा चौथो स्थानको टोलीले अन्तरमहादेशीय प्लेअफमार्फत एक पटक पुनः विश्वकपको ढोका ढकढक्याउने मौका पाउनेछ । मेक्सिको र कोस्टारिका यसअघि नै समूह विजेता र उपविजेतका रूपमा विश्वपमा प्रवेश गरिसकेका थिए । अन्तिम एक स्थानका लागि अमेरिका र पानामाबीच प्रतिस्पर्धा देखिएको थियो ।
१० खेलको समाप्तिमा २१ अंंक जोडेको मेक्सिको शीर्ष र १६ अंक जोडेको कोस्टारिका दोस्रो स्थानमा यथावत् रहे । समान १३ अंक जोडेको पानामा राम्रो गोलन्तरमा तेस्रो स्थानमा बस्दै विश्वकपमा छनोट भएको हो । समान खेलमा समान १३ अंक जोडेको होन्डुरसले चौथो स्थानमा बस्दै प्लेअफका लागि छनोट हुँदा १२ अंक जोडेको अमेरिकाले पाँचौं स्थानमा चित्त बुझाएको हो ।
होन्डुरसले अन्तरमहादेशीय प्लेअफमा एसियाली प्लेअफको विजेता अस्ट्रेलियाको सामना गर्नेछ ।

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

‘महिलाको चरित्र चित्रणमा कमजोर नेपाली फिल्म’

‘महिलाको चरित्र चित्रणमा कमजोर नेपाली फिल्म’

नेपाली फिल्मलाई बलिउडको नक्कल गर्ने आरोप लागेको छ । अझ त्यसरी बनेका फिल्ममा पनि शिल्प र सौन्दर्य नभएको गुनासो सुनिन्छ...

धनगढी तताए हेमन्तले

डोट्याली कवि हेमन्त विवशका सृजनाबाट शनिबार धनगढीका साहित्यपारखी मन्त्रमुग्ध बनेका छन् । रुबस होटलमा दिउसो भएको एकल रचना वाचन कार्यक्रममा...

‘गुडबाई काठमाडौं’लाई कोलकातामा अवार्ड

‘गुडबाई काठमाडौं’लाई कोलकातामा अवार्ड

दशकअघि देशमा विद्यमान जनयुद्धको पृष्ठभूमिमा बनेको फिल्म ‘गुडबाई काठमाडौं’ले भारतको कोलकातामा भएको ‘कोलकाता इन्टरनेसनल फिल्म फेस्टिभल’मा ‘नेटप्याक अवार्ड’मा ‘उत्कृष्ट फिल्म’को...

मिस वर्ल्डको उपाधी मिस इन्डिया मानुषीलाई

मिस वर्ल्डको उपाधी मिस इन्डिया मानुषीलाई

यस वर्षको मिस वर्ल्डको उपाधी मानुषी चिल्लरको जितेकी छिन् । शनिबार चीनको सान्यामा आयोजित ६७ औं मिस वर्ल्डको फाइनलमा गत...