‘भैरे’ बन्दै दयाहाङ

शुक्रबार, ०१ मङि्सर २०७४, ११ : ०४ नागरिक


काठमाडौं- अभिनेता दयाहाङ राई पछिल्ला केही फिल्ममा टिपिकल चरित्रमा देखिन थालेका छन् । रिलिज भइसकेको फिल्म ‘वीरविक्रम’मा ‘वीर’ बनेका उनी पोस्ट प्रोडक्सनमा रहेको ‘नेप्टे’मा ‘नेप्टे’ चरित्रमा देखिँदैछन् । बिहीबार भने ‘भैरे’ शीर्षकमा बन्न लागेको फिल्मको घोषणा भयो जसमा पनि दया शीर्ष चरित्रमा देखिनेछन् ।
उनले फिल्मको कथावस्तु राम्रो रहेकाले आफू काम गर्न राजी भएको खुलाए । ‘कथाबस्तु राम्रो लाग्यो । तर, कथा कस्तो छ भन्ने थाहा पाउन चाहिँ दर्शकले फिल्म नै हेर्नुपर्नेछ,’ उनले भने ।
फिल्मका निर्देशक तथा प्रस्तुतकर्ता एभरेष्ट सूर्य बोहोराले आफूले भन्दाबढि आफ्नो कामले बोल्ने बताए । ‘अहिले बोलेर म यसरी फिल्म बनाउँछु भन्नु भन्दा पनि काम गरिसकेपछि त्यसलाई हेरेर यहाँहरूले मूल्यांकन गर्नु नै हुनेछ,’ बोहोराले भने, ‘तर फिल्मले कस्तो कथा बोल्छ भन्ने थाहा पाउन भने रिलिजसम्म पर्खनै पर्नेछ ।’
फिल्ममा सुरक्षा पन्त र वर्षा सिवाकोटी अभिनेत्रीका रूपमा रहनेछन् । नायिका सुरक्षाले फिल्मको स्क्रिप्टसँगै राम्रो टिमबाट फिल्म बन्न लागेकोले फिल्म पनि राम्रो बन्ने आशा व्यक्त गरिन् । अर्की नायिका वर्षाले फिल्मको कथा राम्रो र रमाइलो रहेको बताइन् । यसै फिल्मबाट सह–निर्माताका रूपमा डेब्यु गरेका गायक यम बरालले फिल्म उद्योगलाई केहि योगदान गर्न फिल्ममा लगानी गरेको बताए ।
मंसीर ४ गतेबाट छायांकनमा जाने फिल्ममा सुनिल थापा, विक्रान्त बस्नेत र जाहन्वी बोहोरा, जयनन्द लामा, अनुभव रेग्मी लगायतका कलाकारको अभिनय रहनेछ । नेपालय सिनेमा इन्टरनेसनलको ब्यानरमा बन्ने फिल्ममा प्रेमप्रसाद पौडेल निर्माता तथा देविमाया अधिकारी कार्यकारी निर्माता छिन् । सहनिर्मातामा यम बराल, लेखबहादुर गुरुङ (डेनिम) र रघु पुरी छन् ।
फिल्ममा पुरुषोत्तम प्रधानको छायांकन, निर्देशक बोहोराको कथा, अभिमन्यू निरवी र दिनेश न्यौपानेको पटकथा तथा संवाद, बसन्त सापकोटा, अर्जुन पोखरेल तथा यम बरालको संगीत, कविराज गहतराजको नृत्य तथा सूर्य थोकर र चन्द्र पन्तको द्वन्द्व रहनेछ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...