भेरी सिंचाईको डिपिआर अन्तिम चरणमा

मङ्गलबार, २६ मङि्सर २०७४, २१ : २३ नगेन्द्र उपाध्याय


सुर्खेत- राष्ट्रिय गौरवको भेरी–बबई डाइभर्सन बहुउद्देश्यीय आयोजनासँगै भेरी करिडोर सिंचाई विकास आयोजनाले पनि गति लिन थालेको छ। सुर्खेतको घोरेटा र सल्यानको देवस्थलदेखि सुर्खेतको घाटगाउँसम्मको एक सय ३५ किलोमिटर क्षेत्रमा सिंचाई, कृषि सडक र ग्रामिण विद्युतीकरण पुर्‍याउने उद्देश्यले भेरी करिडोर सिंचाई विकास आयोजना सुरु भएको हो।

करिव चार अर्वको यो आयोजनाको डिटेल प्रोजेक्ट रिपोर्ट (डिपिआर) अन्तिम चरणमा पुगेको छ । ‘फिल्ड रिपोर्ट तयार गरेर त्यसलाई अन्तिम रुप दिन लागिरहेका छौं’ आयोजनाका सिनियर डिभिजनल इन्जिनियर (सिडिई) मनोज थापाले भने, ‘अवको चार महिनाभित्र सिंचाई विभागमा स्विकृतिका लागि डिपिआर पठाउँछौं।’

फिल्ड रिपोर्टमा घोरेटादेखि घाटगाउँसम्मको एक सय ३५ किलोमिटर क्षेत्रमा एक सय १५ लिफ्ट सिंचाई र ४९ वटा कुलाको जीर्णोद्धार गर्नुपर्ने उल्लेख छ । ‘फिल्ड रिपोर्टबाट आएका तथ्याङ्कलाई अन्तिरुप दिँदासम्म केही आयोजना थपिने संभावना रहन्छ’ सिडिई थापाले भने, ‘प्रारम्भीक सर्भेकै हाराहारीमा बजेट खर्च हुने अनुमान गरेका छौं।’

राष्ट्रिय गौरवको भेरी–बबई डाइभर्सन बहुउद्देश्यीय आयोजनासँगै सो क्षेत्रका जनतालाई सिंचाई, सडक र विद्युत पुर्‍याउने उद्देश्यले यो आयोजना सुरु गरिएको हो । आयोजनाले भेरी नदी वारी र पारीका दुई–दुई किलोमिटर क्षेत्रफलमा भेरीको पानी लिफ्ट गरेर खेतीयोग्य जमिनमा सिंचाई सुविधा पुर्‍याउने छ । यसका साथै भेरी नजिकका खोलाहरुबाट खेतियोग्य जमिनमा सिंचाई सुविधा पुर्‍याउनका लागि ४९ वटा कुलोको निर्माण गर्नुपर्ने प्रस्ताव फिल्ड रिपोर्टमा उल्लेख छ।

सरकारले आयोजना सञ्चालनका लागि चालू आर्थिक वर्षका लागि २० करोड रुपियाँ छुट्याएको छ । सात स्थानमा भेरीको पानी लिफ्टमार्फत खेतीयोग्य जमिनमा पुर्‍याउनका लागि ठेक्का प्रक्रिया सम्पन्न भएको छ भने केही ठाउँमा कुलो सुधारको काम भइरहेको छ। ‘डिपिआर संगसंगै भेरीको पानी पम्पिङ गर्ने काम पनि अघाडि बढाएका छौं’ उनले भने, ‘अवको पाँच वर्षभित्र भेरी किनारका वारी र पारीका उर्वर भूमिमा सिंचाईका लागि पानीको अभाव हुँदैन।

सिंचाईसँगै ग्रामिण सडक र ग्रामिण विद्युतीकरणको काम पनिसँगै अघि बढ्ने छ। भेरी किनारका बस्तीमा विद्युत र सडक पुर्‍याउने काम पनि सँगसँगै अघि बढ्छ’ उनले भने, ‘भेरी–बबई बहुउद्देश्यीय आयोजनासँगै भेरी करिडोर सिंचाई आयोजना सम्पन्न गर्ने लक्ष्य हामीले राखेका छौं।’

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...