डलर खर्च सुविधा थपियो

सोमबार, २४ साउन २०७३, ११ : ५६ नागरिक


काठमाडौं- विदेशी मुद्रामा खाता खोल्ने नेपालीले वर्षभरिमा १५ हजार अमेरिकी डलरसम्म खर्च गर्न पाउने भएका छन्। यसअघि वार्षिक १० हजार डलरमात्रै खर्च गर्न पाउने व्यवस्था थियो। उक्त व्यवस्थालाई संशोधन गर्दै राष्ट्र बैंकले थप सुविधा दिने निर्णय गरेको हो।

यसअघिको सुविधा बढाइएको नेपाल राष्ट्र बैंकको विदेशी मुद्रा विनिमय विभागका कार्यकारी निर्देशक भिष्मराज ढुंगानाले बताए। 'सर्वसाधारणबाट सुविधा थपको माग भएकाले डलर खर्चको सीमा बढाइएको हो,' उनले भने, 'विदशी मुद्राको खाता हुनेले वर्षमा १५ हजार डलर बराबरको विदेशी वस्तु खरिद गर्न वा सेवा प्रयोग गर्न पाउने छन्।'

यसअघिको सेवामा ५० प्रतिशत सुविधा राष्ट्र बैंकले थप गरेको छ। '१० हजार डलरको सीमा बढाएर १५ हजार पुर्‍याइएको छ,' ढुंगानाले भने।

विदेशी मुद्रा आर्जन गर्ने नेपालीलाई बैंकमा खाता खोलेर विदेशी मुद्रा जम्मा गर्न प्रोत्साहन मिलोस भनेर यस्तो व्यवस्था गरिएको ढुंगानाले बताए।

'विदेशी मुद्रा आर्जन गर्ने नेपालीले विदेशी मुद्रामै खाता खोलेर नेपालका बैंकमा रकम जम्मा गरेको अवस्थामा यस्तो सुविधा पाइने हो, यसले विदेशी मु›ाको बचतलाई प्रोत्साहन गर्ने अपेक्षा गरेका छौं,' उनले भने।

यस्तो सुविधा पासपोर्ट एक्सचेन्ज सुविधा बाहेकको हो। प्रत्येक नेपालीले विदेश जानुपर्ने अवस्थामा भिसा लागेको पासपोर्टको आधारमा २ हजार ५ सय अमेरिकी डलर खर्च गर्ने सुविधा पाउँछ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...