कानुन कार्यान्वयनमा पनि दाताकै भर

सोमबार, १० पुष २०७४, १४ : १७ खिलक बुढाथोकी  | @KhilakB


सार्वजनिक स्थलमा धूमपान तथा सुर्तीसेवनमा रोक लगाउने कानुन कार्यान्वयनका लागि समेत काठमाडौं महानगरपालिकाले दाताको सहयोग लिएको छ। 

सुर्तीजन्य पदार्थ नियन्त्रण र नियमन गर्ने ऐन– २०६८ को कार्यान्वयन गराउन भन्दै महानगरले दाताको सहयोग लिएको हो । दातासँग सहयोग लिएर महानगरले धूमपानमुक्त अभियान सुरु गरेको छ । महानगरलाई धूमपान र सुर्तीसेवनमुक्त बनाउने अभियानको सुरु गरिएको कार्यकारी अधिकृत धनीराम शर्माले बताए।

‘महानगरलाई  धूमपान र सुर्तीसेवनमुक्त सहर बनाउन लागेका हौँ,’ कार्यकारी अधिकृत शर्माले भने, ‘त्यसका लागि अमेरिकाबाट एक करोड रुपैयाँ सहयोग प्राप्त भएको छ ।’ उनका अनुसार महानगरलाई धूमपान तथा सुर्तीसेवनमुक्त बनाउन अमेरिकाको ‘भाइटल स्टार्टेजिज’ नामक संस्थाबाट सहयोग प्राप्त भएको हो । दातृ संस्था न्युयोर्क सहरका पूर्वमेयर माइकल ब्लुमबर्गले चलाएका हुन्।

सुर्तीजन्य पदार्थ नियन्त्रण र नियमन गर्ने ऐन– २०६८ को कार्यान्वयन गराउन भन्दै महानगरले दाताको सहयोग लिएको हो । दातासँग सहयोग लिएर महानगरले धूमपानमुक्त अभियान सुरु गरेको छ । महानगरलाई धूमपान र सुर्तीसेवनमुक्त बनाउने अभियानको सुरु गरिएको कार्यकारी अधिकृत धनीराम शर्माले बताए ।

महानगरले २३औँ महानगर दिवसका अवसरमा गत मंसिर २९ गतेबाटै यो अभियानको सुरुवात गरिसकेको छ। यो अभियान १८ महिनासम्म सञ्चालन हुनेछ । महानगरले प्रचार–प्रसार तथा कानुनअनुसार कारबाहीका लागि अभियान चलाउन थालेको हो । त्यसका लागि जिल्ला जनस्वास्थ्य कार्यालय काठमाडौंसँग मिलेर कार्यायोजना बनाइएको महानगर प्रमुख विद्यासुन्दर शाक्यले जानकारी दिए। 

राज्यले कानुन बनाए पनि सार्वजनिक स्थलमा धूमपान नरोकिएकाले कार्यान्वयनमा सहयोग पु¥याउन दाताको सहयोगबाट अभियान थालिएको उनले बताए । ‘सबै निकायसँग समन्वय गरेर महानगरलाई धूमपानमुक्त बनाउन लाग्छौँ,’ मेयर शाक्यले भने, ‘त्यसले ऐनको कार्यान्वयन मात्रै नभएर प्रयोगकर्तालाई समेत सचेत गराउनेछ ।’
ऐनमा सार्वजनिक स्थलमा धूमपान वा सूर्तीसेवन गरेमा एक सय रुपैया“ जरिवाना हुने उल्लेख छ । जिल्ला प्रशासन कार्यालयले सहायक प्रमुख जिल्ला अधिकारीकोे संयोजकत्वमा सुर्ती नियन्त्रण नियमन समिति बनाएको छ । समितिले अघिल्लो हिउँददेखि अनुगमन तथा नियमन गरी ऐन कार्यान्वय गर्दै आएको छ। 

‘हामीले झन्डै वर्ष दिनपहिले तीव्र रूपमा अनुगमन गरेका थियौँ,’ काठमाडौंका सहायक प्रमुख जिल्ला अधिकारी ललित बस्नेतले भने, ‘अहिलेचाहिँ अनुगमन केही सुस्ताएको हो ।’ उनले महानगरको अभियानलाई साथ दिनेगरी समितिले अनुगमन गर्ने बताए। 

जिल्ला जनस्वास्थ्य कार्यालय काठमाडौंले ऐनको पूर्ण कार्यान्वयन नभएको बताएको छ । ‘ऐन केही वर्षपहिले नै आए पनि त्यसको पूर्ण कार्यान्वयन भएको छैन,’ जिल्ला जनस्वास्थ्य प्रमुख महेन्द्र श्रेष्ठले भने, ‘महानगरले थाल्ने अभियानले पनि ऐनको कार्यान्वयन गर्न सहयोग पुग्नेछ।’

सरकारी तथ्यांकअनुुसार नेपालमा प्रत्येक वर्ष धूमपान तथा सुर्तीसेवनका कारण १६ हजार मानिसको मृत्यु हुने गरेको छ । जसमा ९० प्रतिशत मानिसको मृत्युको कारण फोक्सोको क्यान्सर हुन्छ । 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...