भित्री सहरमा सवारी निषेध

पार्किङ नै मुख्य चुनौती

शुक्रबार, २८ पुष २०७४, १४ : ०७ हिमाल लम्साल  | @mtlamsal


भित्री सहरमा चारपांग्रे सवारी निषेध गर्ने काठमाडौं महानगरपालिकाको निर्णय कार्यान्वयनमा पार्किङस्थल अभावले चुनौती थप्ने देखिएको छ।

आसपासमा पार्किङस्थल नभएकाले सवारी निषेध गर्ने निर्णय कार्यान्वयनमा चुनौती थपिने देखिएको हो। महानगरपालिकाले आगामी मंगलबारदेखि काठमाडौंका भित्री सहरमा बिहान ७ बजेदेखि साँझ ७ बजेसम्म चारपांग्रे सवारी निषेध गर्ने निर्णय गरिसकेको छ। 

इन्द्रचोकका सन्तोष बजिमय महानगरपालिकाले भित्री सहरमा पार्किङस्थलको व्यवस्था गरेर मात्र निर्णय कार्यान्वयन गर्दा राम्रो हुने बताउँछन् । ‘महानगरपालिकाले भित्री सहरमा चारपांग्रे निषेध कार्यक्रम ल्याएर राम्रो सुरुवात गरेको छ। तर यहाँ ठूलो संख्यामा सेवाग्राही र पर्यटक आउँछन्, उनीहरूको सवारीसाधन कहाँ व्यवस्थापन गर्ने भन्ने महानगरसँग योजना भएजस्तो देखिँदैन,’ उनले भने, ‘महानगरले प्रचारमुखीभन्दा व्यावहारिक योजना ल्याउँदा सबैलाई फाइदा नै पुग्थ्यो।’ उनी महानगरलाई पार्किङ समस्या समाधानका लागि अल्पकालीन र दीर्घकालीन योजना अघि बढाउन सुझाव दिन्छन्।

काठमाडौंका भित्री सहर र आसपासमा पार्किङस्थल नभएकाले सवारी निषेध गर्ने निर्णय कार्यान्वयनमा चुनौती थपिने देखिएको हो।

महानगरले चारपांग्रे सवारी निषेध गर्ने निर्णय गरेका क्षेत्रमा काठमाडौंका पुराना व्यापारिक केन्द्र र सम्पदा रहेका छन्। महानगरपालिकाका वडा– १७, १८, १९, २२, २४, २५ र २७ लगायत वडा कार्यालयको अगुवाइमा इन्द्रचोक–असन, इन्द्रचोक–भेडासिंह, ज्याठा–त्यौड, ठहिटी–असन, कमलाक्षी–असन, महाबौद्ध–असन, इन्द्रचोक–वंटुलगायत क्षेत्रमा चारपांग्रे सवारी गुडाउन निषेध गर्ने निर्णय गरिएको हो। 

निर्णय भए पनि ती स्थानमा व्यवसाय गर्दै आएका व्यापारी, किनमेल गर्न आउने ग्राहक तथा पर्यटकको चारपांग्रे सवारीसाधन कहाँ राख्ने भन्ने गृहकार्य गरिएको छैन । त्यसले व्यापारी तथा सेवाग्राहीलाई अन्योलमा पारेको छ । 
महानगरीय प्रहरीवृत्त जनसेवाका प्रहरी निरीक्षक विदुरकुमार थापाले भित्री सहरका व्यापारीले अन्डरग्राउन्ड पार्किङ नै भाडामा प्रयोग गरेकाले समस्या भएको बताए। ‘केही व्यापारीले अन्डरग्राउन्ड पार्किङस्थललाई कमाइ खाने भाँडो बनाइरहेका छन्,’ उनले भने, ‘जसले पनि भित्री क्षेत्रमा पार्किङ स्थल अभाव भइरहेको हो।’ 

महानगरको निर्णयअनुसार सवारी निषेध गरिएका क्षेत्रमा चारपांग्रे सवारी चलाए पाँच सय रुपैयाँदेखि एक हजार रुपैयाँसम्म जरिवाना गरिनेछ। 

महानगरपालिका– २५ का वडाध्यक्ष नीलकाजी शाक्यले पुराना व्यापारिक केन्द्र र सम्पदा क्षेत्रलाई व्यवस्थित गर्न चारपांग्रे सवारी निषेध गर्न लागेको बताए। उनले पार्किङस्थल अभाव रहेको स्विकार्दै समाधानका उपाय खोजी भइरहेको दाबी गरे। 

‘महानगरपालिकाले पार्किङस्थल बनाउन खोजिरहेको छ, भन्नेबित्तिकै पर्याप्त पार्किङस्थल बनाउन पनि सकिँदैन,’ उनले भने, ‘अहिले भइरहेका केही स्थानलाई व्यवस्थित गर्ने प्रयास गरिरहेका छौँ।’ 

महानगरपालिकाले भने चारपांग्रे सवारी निषेध गरेसँगै पार्किङका लागि खुलामञ्च, मखनचोक, नरदेवी जाने मन्दिरनजिक पार्किङ गर्न सकिने जनाएको छ।

कता पुग्यो स्मार्ट पार्किङ ?
महानगरपालिकाले अघि सारेको स्मार्ट सवारी पार्किङ बनाउने योजनाले अझै पनि गति लिन सकेको छैन । उपत्यकाको अनियन्त्रित र अव्यवस्थित पार्किङलाई सुधार्न भन्दै महानगरले चालू आर्थिक वर्षको नीति तथा कार्यक्रममा ‘भर्टिकल कार पार्किङ र अन्डरग्राउन्ड पार्किङ’ बनाउने योजना अघि सारेको थियो।

महानगरले न्युरोड धर्मपथमा र टेकुमा स्मार्ट सवारी पार्किङ बनाउने योजना बनाएको थियो । काठमाडौं महानगरपालिकामा प्रमुख प्रशासकीय अधिकृत धनीराम शर्माले स्मार्ट पार्किङबारे अध्ययन भइरहेको दाबी गरे। ‘उपत्यकामा जताततै अव्यवस्थित पार्किङले सवारीसाधन अस्तव्यस्त देखिएको छ, त्यसैले नीति तथा कार्यक्रममै स्मार्ट पार्किङको योजना अघि सारेका छौँ,’ उनले भने, ‘स्मार्ट पार्किङको डिजाइन भइरहेको छ, छिटै डिजाइन तयार पारेर निर्माण कार्य अघि बढाइनेछ ।’ महानगरले स्मार्ट पार्किङ बनाउन धर्मपथमा एक रोपनी ११ आना र टेकुमा सात रोपनी जग्गा उपलब्ध गराउने जनाएको छ। 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...