सरकार निर्माण र पार्टी एकता सँगै हुन्छ  : दाहाल

शनिबार, २९ पुष २०७४, ०७ : ५४ हरिकृष्ण गौतम


म्याग्दी – माओवादी केन्द्रका अध्यक्ष पुष्पकमल दाहालले मुलुकमा  शान्ति र स्थायित्वका लागि वाम गठबन्धनको सरकार बन्ने बताएका छन् । दाहालले एमाले–माओवादी पार्टी एकता र सरकार गठन सँगसँगै हुने बताए। 

छैटौं म्याग्दी महोत्सव माघेसंक्रान्ति मेला एवं ४ नम्बर प्रदेशस्तरीय कृषि, पर्यटन, औद्योगिक तथा व्यापार मेलाको शुक्रबार बेनीमा उद्घाटन गदैं पूर्वप्रधानमन्त्री दाहालले माओवादी र एमाले पार्टी एकता सहमतिबाट पछाडि हट्ने सम्भावना नभएको बताए । ‘वाम गठबन्धन कसैप्रति लक्षित छैन् । सधैं राजनीतिक मुद्दामा केन्द्रित हुँदा देशमा विकासले गति लिएन । अब राजनीति र आर्थिक विकास अजेन्डा एकसाथ अघि बढ्नेछ’, दाहालले भने । उनले स्थिर सरकार बनेपछि जनताको सपना पूरा हुने पनि बताए।

उनले वाम गठबन्धनको पाँच वर्षभित्र नेपालीको आर्थिक जीवनमा परिवर्तन ल्याउने बताए । ‘मेरो अर्जुनदृष्टि विकासमै छ । दुवै छिमेकी देशसँग नयाँ नाकाहरू खोल्ने प्रयास भइरहेको छ’, उनले भने । उनले वाम गठबन्धनको सरकारले नेपाललाई नयाँ युगतर्फ लैजाने दाबी गरे।

वाम गठबन्धन नेपाली कांग्रेस वा कुनै दलप्रति लक्षित नभएको प्रष्ट पारे । ‘सबै राजनीतिक दलबीच विकासलाई गति दिन सहकार्य हुन्छ । अपार सम्भावना भएका क्षेत्रमा लगानी केन्द्रित गरिन्छ’, दाहालले भने। 

राजनीतिसँगै आर्थिक मुद्दामा केन्द्रित भएका दाहालले वाम गठबन्धनको सरकारले जनताका अतिआवश्यक र पूर्वाधार निर्माण विषयलाई गति दिन नसके ठूलो दुर्घटना हुने बताए । ‘अब ५ वर्षभित्र जनताको चाहना पूरा गर्ने गरी सरकार गठन हुन्छ’, उनले भने।  

उनले निजी र सार्वजनिक क्षेत्रको सहकार्यमा कृषि, पर्यटन, जलविद्युत्लगायत क्षेत्रमा लगानी गरिने बताए । दाहालले आफ्नो नेतृत्वको सकारले सुरू गरेका योजनालाई वाम गठबन्धन सरकारले प्राथमिकताका आधारमा कार्यान्वयन गर्ने पनि बताए। 

महोत्सवको अवसरमा आयोजकले दाहाललाई ३० केजीको माला लगाइदिएर सम्मान गरेका थिए ।  
सोही अवसरमा राष्ट्रिय योजना आयोगका पूर्वउपाध्यक्ष डा. मीनबहादुर श्रेष्ठले तिब्वतसँग जोडिएको कोरला नाका खोल्न पहल भइरहेको बताए । उनले कोरला नाका र कालिगण्डकी करिडोरले भारत र चीनसँगको व्यापारलाई थप अघि बढाउने विश्वास व्यक्त गरे।  

उद्घाटन कार्यक्रममा नेपाल उद्योग वाणिज्य महासंघका उपाध्यक्ष चन्द्रप्रसाद ढकाल, प्रतिनिधिसभामा निर्वाचित देवेन्द्र पौडेल, प्रदेशसभा सदस्य नरदेवी पुन, विनोद केसीलगायतले महोत्सवले जिल्लाको आर्थिक विकासमा सघाउ पुग्ने बताए। ‘उद्योग, व्यापार र कलाको विकास गरौं, संस्कृतिको संरक्षण गर्दै पर्यटन प्रवद्र्धन गरौं’ भन्ने मूल नारासहित आयोजित महोत्सवमा जिल्लाको ग्रामीण भेगमा उत्पादन हुने कृषिजन्य उपज बिक्री, वितरण तथा प्रदर्शनी हुने म्याग्दी उद्योग वाणिज्य संघका अध्यक्ष एव महोत्सव मूल संयोजक उत्तमकुमार कर्माचार्यले बताए । महोत्सवस्थलभित्र १८० वटा विभिन्न व्यापारिक स्टल रहने छन्। 

यसैबीच माओवादी केन्द्रका अध्यक्ष दाहालले जिल्लामा रहेका पार्टीका नेता कार्यकर्तासँगको भेटघाटमा पार्टी एकताको विकल्प नभएको जानकारी गराउँदै नयाँ पार्टीमा सक्रिय हुनेको भविष्य सुन्दर हुने बताएका छन्।  






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...