काठमाडौं– सिजी नेक्स्ट जेनले स्पोर्टिएस्ट एसयुभीका रुपमा रहेको सुजुकी भिटारा ब्रेजा सार्वजनिक गरेको छ। नाडा अटो सो–२०१६ मार्फत सार्वजनिक गरेको ब्रेजाको मूल्य ३५ लाख ९९ हजार रुपैयाँ रहेको कम्पनीले जनाएको छ।

६ भिन्न भेराइटी उपलब्ध रहेको ब्रेजाले स्पोर्ट्स र ग्ल्यामर एडिसन उपलब्ध गराएको जनाएको छ । कम्पनीका अनुसार विशेष एडिसनका यी कारको बुकिङ नाडा सो अवधिभर कम्पनीको स्टल ‘ए स्टार वान’ मार्फतमात्र गर्न सकिने जनाएको छ ।

नेपालमा पहिलोपटक डुअल कलर स्किमसहित भिœयाइएका उक्त कारको कार्य क्षमता २ सय डिडिआइएस इन्जिनसहित सार्वजनिक गरेको बताएको छ । सो डिडिआइएसले  डिजल इन्जिनको ९० पिएस शक्ति र २४.३ किलोमिटर प्रतिलिटर माइलेज दिने कम्पनीको दाबी छ ।

ग्राउन्ड क्लियरेन्स र स्पोर्टी बडी किटमा उत्कृष्ट रहेको दाबी गर्दै कम्पनीले सो कारमा स्पोर्टी अलो ह्विल्स देखिने गरी मस्कुलर ह्विल आर्क प्रयोग गरिएको जनाएको छ । फ्लोटिङ रुफ डिजाइन भएकाले सो कारले गतिशीलताको अनुभव दिने प्रस्ट पारेको छ ।

कारमा आन्तरिक सजावटका लागि पियानो फिनिससहित स्पोर्टी सिट प्रयोग गरिएको छ । यात्रामा आरामदायी अनुभवका लागि कारमा यस सेग्मेन्ट अन्तर्गतकै ठूलो क्याबिन र बुटस्पेस उपलब्ध गरिएको कम्पनीले जानकारी दिएको छ । कारमा चालक तथा यात्रुको सुरक्षामा विशेष ध्यान दिइएको कम्पनीको दाबी छ।

कारमा एयर ब्याग, एबिएस तथा पि–टेन्सनर र फोर्स लिमिटर सहितकोे छ । कम्पनीले कारमा बेस्ट इन क्लास फिचर्सका रुपमा एप्पल कार प्लेसहितको स्मार्ट प्ले इन्फोटेनमेन्ट प्रणाली, क्रुज कन्ट्रोल, एन्टी पिन्च गार्ड पावर विन्डो लगायत फिचर्स रहेको समेत जनाएको छ । कारमा किलेस एन्ट्री, स्टेरिङ माउन्टेड कन्ट्रोल, ब्लुटुथ, भ्वाइस कमान्ड, इन्जिन स्टार्ट स्टप बटन, क्यामेरा सहितको पार्किङ सेन्सर, अटो एसी लगायत सुविधा पनि उपलब्ध रहेको समेत प्रस्ट पारेको छ।

प्रकाशित: १५ भाद्र २०७३ ०१:५५ बुधबार