.gif)
.gif)
लण्डन- नेपाली आधुनिक तथा लोकप्रिय पार्श्व गायिका शर्मिला बर्देवाको गीत ' मेरो ठुमकामा ' आइतबार लण्डनमा एक समारेहबीच बिमोचन गरिएको छ । समधुर स्वरकी धनी गायिका बर्देवाको यस संगितीक भिडियो बेलायतमा कार्यरत पत्रकारकाबीचमा बिमोचन गरिएको हो । पत्रकारद्वय नबिन पोखरेल र चिरन शर्मासहित बालिका आन्शिका परियारले संयुक्त रुपमा म्युजिक भिडियो ' मेरो ठुमकामा ' बिमोचन गरेका हुन्।
नृपेश उप्रेतीको शब्द र बसन्त सापकोटाको संगीत रहेको ' मेरो ठुमकामा ' नाच्न मिल्ने रमाईलो गीत हो । यस गीतको म्युजिक भिडियो भने बेलायत निवासी बिजय घिमिरेले निर्देशन गरेका हुन भने भिडियोमा स्वयं बिजय र चर्चित मोडेल साराले अभिनय गरेका छन् । सबै दृश्यहरु बेलायत मै छायांकन गरिएको हो ।
बिमोचन समारोहमा बोल्दै पत्रकार चिरन शर्माले राम्रो संगीतको प्रसार गर्नु संचारकर्मीहरुको पनि कर्तब्य भएको बताउदै बिदेशमा कलाकारहरुलाई नेपाली संकृति झल्किने कुरा प्रस्तुत गर्नु पर्नेमा जोड दिए।
समारोहमा पत्रकारहरु मिलन शर्मा , शिब भण्डारी , नारायण गाउले , नरेन्द्र बस्नेत , बिरेन्द्र श्रेष्ठ लगायत सपन इन्टरटेन्मेन्तका सपन राई र मंजु गुरुङ पनि उपस्थित थिए ।
यस गीतको म्युजिक भिडियो बुढा सुब्बा डिजिटल लिमिटेड ले युट्युब मार्फत सार्बजनिक गरको छ भन्ने छिट्टै आइट्युन्स , गुगलप्ले , अमेजन एमपीथ्री , स्पटिफाई लयायत सबै डिजिटल मीडियामा उपलब्ध हुने छ ।
प्रकाशित: १७ आश्विन २०७३ ०६:४८ सोमबार
.gif)
-600x400.jpg)
