वेस्ट इन्डिज 'ए' ले नेपालविरुद्धको पाँचौ तथा अन्तिम खेलमा एकै ओभरमा दुई विकेट गुमाएको छ।

त्रिवि क्रिकेट मैदानमा टस जितेर पहिला ब्याटिङ गरेको भ्रमणकारी टोलीले आठौं ओभरको पहिलो र तेस्रो बलमा विकेट गुमाएको हो।

सागर ढकालको बलिङमा जोन्सन चार्ल्स २४ र मार्क दयाल ११ रनमा क्याच आउट हुन पुगे। चार्ल्स को क्याच सागर आफैं र दयालको क्याप्टेन रोहित पौडेलले लिएका हुन्।

यसअघि ओपनर कादिम एलिएनलाई पनि सागरले ११ रनमा क्याप्टेन रोहित पौडेलद्वारा क्याच आउट गराएका थिए। पाँच खेलका शृंखलामा क्यारेबियन टोली ३-१ ले अघि छ। 

प्रकाशित: २२ वैशाख २०८१ १३:०३ शनिबार