हलिया मुक्तिको हलो
सरकारले हलिया मुक्तिको घोषणा गरेको नौ वर्ष पूरा भएको छ । हलिया आन्दोलनकर्मी र सरकारबीच पाँच बुँदे सहमतिसहित २०६५ भदौ २१ गते हलिया मुक्तिको घोषणा गरिएको थियो । हलियाहरूको तथ्यांक संकलनलगायत पुनःस्थापनालगायतका विषयमा सहमतिपछि घोषणा गरिएको हलियाहरूको मुक्ति व्यवहारतः अझै हुन सकेको छैन । पुनःस्थापनामा भएको ढिलाइले वैकल्पिक व्यवस्था नभएका कतिपय मुक्त हलियाहरू पुनः साहुको शरणमा जान बाध्य भएका छन् ।