काठमाडौं– न्याय परिषद्ले सबै न्यायाधीशको शैक्षिक योग्यताका प्रमाणपत्र प्रतिलिपि सुरक्षित रहेको स्पष्ट पारेको छ ।

न्याय परिषद् प्रवक्ता निर्मला पौडेलले न्याय परिषद् ऐन, २०७३ बमोजिम सबै न्यायाधीशको नागरिकताको प्रमाणपत्र तथा शैक्षिक योग्यताको प्रमाणपत्र लगायत व्यक्तिगत अभिलेख राख्ने निकाय न्याय परिषद सचिवालय भएको बताएकी छन् ।

परिषद्ले न्यायाधीश तथा न्याय परिषद्का सदस्य गोपाल पराजुलीलगायत सबै न्यायाधीशको शैक्षिक योग्यता प्रमाणपत्रको प्रतिलिपि न्याय परिषद् सचिवालयको अभिलेखमा रहेको स्पष्ट पारेको छ । केही न्यायाधीशका नागरिकता र शैक्षिक प्रमाणपत्रलाई लिएर विवाद हुँदै आएको छ ।

प्रकाशित: १३ वैशाख २०७४ ०२:२६ बुधबार