स्टेनहस पहिलो महिला रेफ्री

मङ्गलबार, २७ भदौ २०७४, ०९ : ०० नागरिक


बर्लिन- जर्मनीकी बाबियाना स्टेनहसले युरोपको शीर्ष लिगमा पहिलो महिला रेफ्री बन्ने इतिहास रचेकी छन् । स्टेनहसले हार्था बर्लिन र वेर्डर ब्रेम्यानबीचको खेल खेलाउँदै यो इतिहास रचेकी हुन् । उक्त खेल १–१ को बराबरीमा सकिएको थियो ।

बुन्डेसलिगासहित इङ्लिस प्रिमियर लिग, स्पेनिस ला लिगा, इटालियन सिरी ‘ए’ र फ्रान्सको लिग वानजस्ता युरोपका शीर्ष लिगमा हालसम्म कुनै पनि महिला रेफ्री थिएनन् ।

३८ वर्षे स्टेनहसले सन् २००७ देखि जर्मन दोस्रो डिभिजनका ८० खेल खेलाएकी थिइन् । शीर्ष श्रेणीमा उनको यो डेब्यु खेल थियो ।

‘म धेरै हर्षित छु,’ स्टेनहसले भनिन् ।

उनको सम्मानका लागि हार्थाले महिला समर्थकलाई रंगशाला प्रवेशमा ५० प्रतिशत छुट दिएको थियो ।

३८औं मिनेटमा म्याथ्यु लेइकीले गरेको गोलमा हार्थाले अग्रता लिएको थियो । उनले भ्लाद्मिरी डारिडाको पासलाई पोस्टको दिशा दिएका थिए । यसै सिजन इन्ग्लोस्टाडबाट हार्थामा आबद्ध भएका लेइकीको यो जारी सिजन तेस्रो गोल हो ।

५९औं मिनेटमा थोमस ड्यानिलेले गोल गर्दै ब्रेम्यानलाई खेलमा फर्काएका थिए । हार्थाका निकाल्स स्टार्कले गरेको रक्षापंक्तिको गल्तीको फाइदा उठाउँदै उनले बललाई जाली चुमाएका थिए ।

यस नतिजापछि ४ अंक जोडेको हार्था १०औं स्थानमा छ । यता यस बराबरीपछि अंक खाता खोलेको ब्रेम्यान १६औं स्थानमा छ ।

‘मैले विगतदेखि नै भन्दै आएको छु कि खेलमा पुरुष वा महिला जो रेफ्री भए पनि त्यसले केही फरक पर्दैन । खेलमा उनीहरूको प्रदर्शन कस्तो हुन्छ त्यसले मात्र महत्व राख्छ,’ ब्रेम्यानका प्रशिक्षक एलेक्जेन्डर नोउरीले भने ।

आइतबार सम्पन्न अर्को खेलमा साल्के ०४ ले स्टुटगार्टमाथि ३–१ को सहज जित हात पा¥यो । साल्केको जितमा नाबिल बान्टालेभ, नाल्डो र ग्युडो बर्गस्टालेले समान १ गोल गरे ।

चाड्राक एकोलोले स्टुटगार्टका लागि सान्त्वना एक गोल गरे ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

गीत गाउँदा गाउँदै अस्ताए जनवादी गायक खुसीराम पाख्रिन

गीत गाउँदा गाउँदै अस्ताए जनवादी गायक खुसीराम पाख्रिन

बाम गठबन्धनले मंगलबार भरतपुरमा आयोजना गरेको सभामा ‘युवाहरु हो’ भन्ने जोशीलो गीत गाएका प्रशिद्ध जनवादी गायक तथा पूर्व सांसद खुसीराम...

लिलीबिलीको सुटिङ लण्डन र स्कटल्याण्डमा

लिलीबिलीको सुटिङ लण्डन र स्कटल्याण्डमा

मिलन चाम्सको निर्देशनमा बन्न लागेको नेपाली फिल्म ‘लिलीबिली’ को सुुटिङ लण्डन तथा स्कटल्याण्डमा भइरहेको छ । पछिल्लो समयका चर्चित नायक...

बोलचालमा प्रतिबन्ध

बोलचालमा प्रतिबन्ध

बलिउड अभिनेत्री परिणीति चोपडा र अर्जुन कपुर चाँडै नै फिल्म ‘सन्दीप और पिंकी फरार’मा देखिँदैछन् । अघिल्लो फिल्म ‘इशकजादे’मा पनि...

एकादेशमा ‘डेथ अफ साउण्ड म्यान’ उत्कृष्ट

एकादेशमा ‘डेथ अफ साउण्ड म्यान’ उत्कृष्ट

ध्वनिको महत्वलाई समेटिएको शर्ट फिल्म ‘डेथ अफ साउण्ड म्यान’ले यस वर्षको एकादेशमा अन्तराष्ट्र्रिय शर्ट फिल्म फेस्टिभल अवार्ड जितेको छ। थाईल्याण्डका...